هل دوالي الخصية ممكن ترجع تاني بعد العملية؟
دوالي الخصية تعتبر السبب الرئيسي لحوالي 40% من حالات العقم وتأخر الإنجاب عند الرجال ، وعلى قد ما النسبة كبيرة وبتقلق اي راجل ، على قد ما عملية دوالي الخصية بتعالج النسبة دي لنسبة نجاح تصل الى 70% وممكن يحصل حمل طبيعي في خلال من 6 شهور لسنة من العملية ، لكن دايما السؤال اللي بيجي في ذهن المريض ، ايه اللي يخلي دوالي الخصية ترجع تاني بعد العملية؟
هجاوبك على السؤال ده ، بس في الاول خليني اقولك نبذة بسيطة عن دوالي الخصيتين
دوالي الخصية هي عبارة عن تضخم في الاوردة المحيطة بالخصية والموجودة داخل كيس الصفن ، واللي بتكون مسؤولة عن تنظيم تدفق الدم من الخصيتين الى القلب ، ومنع عودته تاني للخصية ، فلما الصمامات دي بتضعف ، بالتالي الدم اللي طالع من الخصية في اتجاه القلب ، هيرجع تاني للخصية ويفضل يتراكم داخل الأوردة اللي بتفضل تتضخم وتتمدد علشان تستوعب كمية الدم اللي فيها ، وهو ده اللي بيسبب الدوالي.
ودلوقتي تعالي اقولك ليه دوالي الخصية ممكن ترجع تاني بعد العملية:
في البداية لازم تكون عارف ان دوالي الخصية علاجها مش دوائي ، وعلاج دوالي الخصية الوحيد هو الجراحة ، وفي أكثر من طريقة ممكن تعالج بيها دوالي الخصية ، ولكن في بعض الطرق مش بنفضلهم ومش بننصح بيهم في علاج دوالي الخصية ، لان بسببهم مش بس دوالي الخصية هترجع تاني بعد العملية ، ده كمان ممكن يحصل ضمور للخصية ونسبة أن يحصل إنجاب هتكون معدومة.
ودلوقتي تعالي اقولك ايه هي الطرق اللي هتكون السبب في أن دوالي الخصية ترجع تاني بعد العملية:
تعتبر من أقدم الطرق اللي كانت بتعالج دوالي الخصية زمان ، واللي كان بيحصل في الجراحة التقليدية ، أن الجراح بيعمل جرح صغير في أسفل البطن أو في المنطقة الاربية ، وبعدين يبدا يشوف فين الاوردة المنتفخة اللي عاملة الدوالي ويربطها كلها ، وكل ده طبعا بيكون من خلال نظره فقط ، من غير ما يستخدم أي أجهزة أو أدوات حديثة تساعده ان يشوف مكان العملية بشكل أوضح ، وده طبعا ممكن يسبب مشاكل كثير جدا للمريض ، زي:
1/ لان في الجراحة التقليدية مش بيكون في اي أجهزة حديثة تساعد الجراح انه يشوف مكان العملية بشكل أوضح ، وده ممكن يعرض الشريان الخصوي اللي بيغذي الخصية بالدم للقطع وقت العملية ، لأنه بيكون موجود وسط الاوردة والشرايين وبيكون صعب اننا نميزه بعنينا ، وبكده هنكون منعنا الدم انه يوصل للخصية ، وده هيسبب ضمور الخصية.
2/ ده غير ان وقت العملية ممكن نربط الاوعية الليمفاوية بالغلط مع الاوردة ، والاوعية الليمفاوية دي اللي مسؤولة عن اخراج السوائل من الخصية ، ولو اتربطت ، كدة السوائل هتتراكم جوا الخصية وهيسبب لنا قيلة مائية على الخصية.
3/ وزي ما قولنا ان في الجراحة التقليدية مش بيكون معانا ادوات واجهزة حديثة تكبر مكان العملية ، بالتالي مش هنقدر نشوف الاوردة الصغيرة والدقيقة اللي بدأت تتضخم ونربطها ، وده اللي هيخلي الدوالي ترجع تاني بعد فترة قصيرة من العملية.
2/ جراحة المنظار:
وهنا لازم تكون عارف ان جراحة المنظار زيها زي الجراحة التقليدية ، ومضاعفاتها متفرقش كثير عن مضاعفات الجراحة التقليدية
1/ لان المنظار مش بيخلينا نقدر نحافظ على الشريان الخصوي وقت العملية ، وده ممكن يعرض الخصية للضمور.
2/ ده غير انه كمان مش بيخلينا نقدر نربط كل الاوردة الدقيقة والثانوية اللي بتكون موجودة على جدار الحبل المنوي ، وده اللي بيخلي دوالي الخصية ترجع تاني بعد العملية.
تعتبر أسوأ طريقة ممكن تفكر أنك تعالج بيها دوالي الخصية
اولا: لان في الأشعة التداخلية احنا بنحط المريض تحت جهاز الاشعاع (c-arm) حوالي ساعة الا ربع ، وبكده احنا بنعرض الخصية لجزء كبير جدا من الإشعاع ، و ده بيضر الخصية اكتر ، وهي اصلا بتكون متضررة كفاية بسبب الدوالي.
ثانيا: في الاشعة التداخلية ، احنا بندخل القسطرة من الوريد اللي في الفخذ ، مرورا بالقلب ، ووصولا إلى الخصية ، بالتالي القسطرة مش هتعالج الدوالي اللي في الخصية اليمنى ، نتيجة التكوين التشريحي بين الخصيتين ، ده غير ان في القسطرة مش بنقدر نربط كل الأوردة الصغيرة والثانوية ، وده بيكون السبب في أن دوالي الخصية ترجع تاني بعد فترة قصيرة من العملية.
ودي كانت الطرق اللي لو فكرت أنك تعمل عملية دوالي الخصية ، لازم تبعد عنها ، لأنها هتكون السبب ان دوالي الخصية ترجع تاني بعد العملية ، أو أنها تكون السبب في ضمور الخصية.
ودلوقتي تعالي اقولك ايه هي الطريقة اللي تعالج بيها دوالي الخصية وانت مطمن ومن غير ما تضر الخصية
وهي الجراحة الميكروسكوبية : تعتبر أفضل وأحسن طريقة تعالج بيها دوالي الخصية، تعالي اقولك ليه:
1/ لان في الجراحة الميكروسكوبية ، بيكون فيها الميكروسكوب الجراحي اللي بيكبر الرؤية لحد 25 ضعف ، وده بيخلينا نقدر نميز بين الأوردة والشرايين في الخصية.
2/ وبسبب قوة تكبير الميكروسكوب ، بنقدر نحافظ على الشريان الخصوي اللي بيغذي الخصية بالدم ، وبكدة الخصية مش هيحصل لها ضمور.
3/ ده غير ان الميكروسكوب بيخلينا نتجنب ربط الأوعية الليمفاوية بالغلط مع الأوردة ، وبالتالي مش هيحصلنا قيلة مائية على الخصية.
4/ ولان الميكروسكوب الجراحي بيكبر مكان العملية لحد 25 ضعف ، ده بيخلينا نشوف الاوردة الصغيرة والدقيقة اللي بدأت تتضخم ونربطها كلها مع الأوردة ، وبكدة مش هيكون في اي فرصة لرجوع الدوالي تاني بعد العملية.
5/ ده غير ان العملية مش بتستغرق أكثر من ساعة واحدة بس ، وبعدها بتقدر ترجع بيتك بعد 3-4 ساعات.
6/ وتقدر تنزل شغلك عادي وتسافر كمان بعد 3-5 أيام من العملية.
7/ وبالنسبة للعلاقة الزوجية ، بتقدر تمارسها بعد اسبوع واحد بس من العملية.
ولو عايز تعرف ايه النصائح اللي تلتزم بيها بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…
وفي النهاية ، بعد ما عرفت السبب اللي بيخلي دوالي الخصية ترجع تاني بعد فترة قصيرة من العملية ، خليني اقولك ان عملية دوالي الخصية عملية بسيطة وسهلة جدا ، لكن الصعوبة كلها بتكون في اختيار الطريقة اللي هتتعالج بيها ، لان زي ما قولتلك قبل كدة ، إنك داخل تعمل عملية دوالي الخصية علشان تعالج مشكلة عندك سواء مسببة ألم أو تأخر في الإنجاب ، مش داخل تزود عليها مشاكل تانية ، ويا تري ساعتها هيكون ليها علاج ولا لا.
ولو لسه عندك اي تساؤل او استفسار عن عملية دوالي الخصية ، تقدر تتواصل مع فريقنا الطبي على الرقم ده 01018874287 وهما هيجاوبوا على كل اسئلتك ، او تطلب منهم يحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.