كتير مننا بيشوف إن الكلام في الحاجات اللي تخص العلاقة الجنسية ده حاجة مش صح، وده بيخلينا ميكونش عندنا ثقافة جنسية. والدليل على ده إننا لو سألتك هو انت تعرف إن في حاجة اسمها اضطرابات القذف، ردك هيكون “آه طبعاً يا دكتور، انت تقصد سرعة القذف.” وهنا هقولك إن سرعة القذف آه هي واحدة من مشاكل اضطرابات القذف، لكن دي مش المشكلة الوحيدة في مشاكل تانية ممكن تحصل في القذف زي:
- تأخر القذف
- او ان يكون عندنا القذف الارتجاعي
- او ان ميكونش فى قذف أساساً
طيب فى الاول هو يعنى اى اضطراب القذف
اضطراب القذف ده ببساطة هو عباره عن مشكله فى خروج السائل المنوى ، و المشكله دى ممكن تحصل بسبب 3 اسباب
- اننا بنوصل للنشوه الجنسية بمجرد ما بيحصل إيلاج للعضو الذكري فى المهبل ، وده بيخلينا نوصل للنشوة الجنسية في وقت قصير فبيحصل قذف، و بكده فأحنا عندنا سرعة فى القذف.
- أو إننا بنطول في العلاقة الجنسية جدا والقذف مش بيحصل بسهولة، وده بنسميه تأخرفى القذف.
- أو إننا بنمارس العلاقة الزوجية بشكل طبيعي جداً وبنوصل للنشوة الجنسية، بس مفيش قذف يعني مفيش سائل منوي بيطلع، وده بيكون ليه سببين:
- اما اننا عندنا حاجة اسمها القذف الارتجاعي.
- عندنا قذف جاف.
و تعالوا نتكلم انهارده عن القذف الجاف و القذف المرتجع ، و نعرف اى أسبابهم وإزاي بنعالجهم.
و خلونا نبدأ بأضطراب القذف الجاف
ده بيحصل بسبب إن الأعصاب الموجودة في القضيب والحويصلة المنوية مبيحصلهاش انقباض، عشان كده مفيش سائل منوي بيطلع وقت القذف أو بيطلع بكمية بسيطة جداً على عكس الطبيعي اللي هو من 1.5-5 مللي في كل مرة قذف،
و هنا ممكن نوصل لاننا نلاقي إن السائل المنوي بدأت كميته تقل بالتدريج، وفي الآخر ممكن نوصل لمرحلة يحصل فيها قذف ونوصل للنشوة الجنسية من غير ما يخرج سائل منوي.
طيب القذف الجاف ده بيكون سببه اى ؟
- القذف الجاف ممكن يحصلنا لو كنا مصابين بمريض السكر ، و كنا كمان وبنهمِل فى اننا نظبط نسبة السكر في الدم، لأن السكر بيأثر على كل الأعصاب الطرفية في الجسم، والعضو الذكري زي أي عضو فيه أعصاب وهي اللي بتكون مسؤولة عن القذف.
- لو كان لو عندنا انسداد في القنوات المنوية ، و لو عاوزين تعرفوا اكتر عن انسداد القنوات المنويه ممكن تضغطوا هنا
طيب اعرف ازاى ان انا عندى قذف جاف ؟
الحاجة اللى تعرف منها اذا كان عندك اضطراب القذف الجاف هى كميه السائل المنوى اللى بتطلع وقت القذف ، فلو لقينا ان كميه السائل المنوى اللى بتطلع وقت القذف قليله او مفيس سائل منوى اصلا بيطلع يبقى كده احنا عندنا اضطراب القذف الجاف
و هنا فى حاجة لازم ناخد بالنا منها، ان ممكن نبدأ اننا نحس كمان
- بضعف في الانتصاب.
- او ضعف في الرغبة الجنسية.
بس ده مش بيحصل لكل الناس اللى عندها قذف جاف
إزاي ممكن نعالجه القذف الجاف ؟
أول لما نحس إن في أي تغيير في كمية السائل المنوي لازم نكشف، ونعمل شوية تحاليل زي:
- تحليل سكر
- تحليل هرمون ذكورة
- أشعة دوبلكس تبين لو في انسداد في القنوات المنوية
ونبدأ نشوف فين المشكلة ونحدد العلاج، ومهم جداً إننا نبدأ العلاج على طول لأن فرص العلاج في الأول بتكون أحسن.
طيب احنا كده عرفنا اية هو القذف الجاف ،
تعالوا بقى دلوقت نفهم ايه هو القذف المرتجع ، عشان نفهمة كويس تعالوا نعرف
ازاى السائل المنوى بيخرج وقت القذف
في القذف الطبيعي، الحيوان المنوي بيخرج من الخصية للبربخ، وبعدين للحبل المنوي هنا بيحصل انقباض في الحويصلة المنوية اللي بتتسبب في خروج السائل المنوى للقناة القاذفة وقتها بيكون قدام السائل المنوي طريقين:
- طريق للمثانة وده الطريق الأقرب للسائل المنوي.
- طريق تاني لمجرى البول وده الطريق الطبيعي لخروج السائل المنوي وقت القذف.
وفي الحالة دي عضلات البروستاتا بتنقبض عشان تقفل الطريق الأول اللي بيودي للمثانة عشان السائل المنوي ميدخلش فيها ويختلط بالبول وفي نفس الوقت، في عضلة تانية على مجرى البول بترتخي عشان تسمح للسائل المنوي إنه يطلع لمجرى البول وقت القذف وده اللي بيحصل في الطبيعي.
لكن في حالة القذف الارتجاعي، هنا بيحصل خلل بيسبب ارتخاء في عضلات البروستاتا والأعصاب اللي بتقفل مجرى البول وتفتح القناة القاذفة. فالسائل المنوي وقت القذف مش بيطلع لمجرى البول وبيرجع تاني للمثانة. وهنا هنلاقي إن حمام البول بعد العلاقة الزوجية لونه متغير ولزج شوية، وده بسبب إن السائل المنوي رجع للبروستاتا واختلط بالبول وخرج معاه.
طيب تعالوا بقى نعرف اية سبب الارتخاء ده :
- لو عملنا استئصال للبروستاتا بالمنظار، وده هيسببلنا مشكلتين:
- إزالة البروستاتا نفسها اللي بتنتج 30% من السائل المنوي.
- توسيع عنق المثانة وقت الجراحة، اللي المفروض إنها وقت القذف بتتقفل عشان تدفع السائل فيخرج لبره ويحصل قذف بس بسبب التوسيع اللى حصل عنق المثانة بقى مفتوح، وده بيخلى السائل المنوي بيرجع تاني للمثانة ويخرج مع البول.
- لو عندنا التهاب في البروستاتا.
- لو بناخد علاج للبروستاتا زي التامسولوسين.
- لو عندنا التهاب في الحويصلة المنوية
- لو كمان عندنا مشاكل هرمونية سواء في الغدة الدرقية أو الغدة النخامية.
- لو عندنا زيادة في إفراز هرمون الحليب.
- و لو كمان عندنا مرض السكر، لأنه بيأثر على العصب المغذي لعنق المثانة وده بيسبب ارتخاء للمثانة وقت القذف، و هنا هنلاحظ إن السائل المنوي بدأ يقل أو مش بيخرج أصلاً.
هنا لازم نفهم إن القذف الارتجاعي مش بيأثر على الانتصاب ولا القدرة الجنسية ، أنت هنا بتمارس العلاقة الزوجية بشكل طبيعي جداً وبتوصل للنشوة الجنسية، لكن التأثير هنا هيكون على الإنجاب لأن مفيش سائل منوي بيطلع، فكده مفيش حيوانات منوية نخصب بيها البويضة.
طيب اية اللى المفروض نعمله عشان نعالج القذف المرتجع
اول حاجة لازم نكشف ونعمل تحليل بول عشان نتأكد هل البول فيه حيوانات منوية ولا لأ ، و بعدين بنبدأ العلاج اللي بيكون:
- إننا نضيق عنق المثانة عشان نمنع إن السائل المنوي يرجع ليها ويخرج بشكل طبيعي وقت القذف.
- أو نجمع السائل المنوي من المثانة.
- أو نعمل ناخدعينة من الخصية ونطلع حيوانات منوية نعمل بيها حقن مجهري.
و دلوقتى لو عاوزين تعرفوا اى هو تأخر القذف و ليه بيحصل ، فهتلاقوا كل المعلومات اللى هتحتاجوا تعرفوها هنا.
و لو احتجت تتواصل معانا و نحجزلك معاد مع دكتور اسامه محمد البكل مدرس واستشاري طب وجراحة أمراض الذكوره وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287