الدعامه الهيدروليكية لعلاج ضعف الانتصاب
زرع دعامة فى العضو الذكرى ، بتكون اخر حاجة بنلجأ لها بعد فشل الأدوية والحقن فى علاج ضعف الانتصاب ، و دعامات الانتصاب في منها نوعين :
- دعامات مرنة
- دعامات هيدروليكية
وفي المقال ده هنتكلم بالتفصيل عن الدعامة الهيدروليكية (Inflatable penile implant)
الدعامة الهيدروليكية بتكون عبارة عن اسطوانتين من السيليكون بيتزرعوا جوا النسيج الكهفى فى العضو الذكرى ، و الدعامة دي بتكون قابلة للنفخ وقت الانتصاب والتني بعد انتهاء العلاقة الزوجية عن طريق سائل بيملا الاسطوانتين اللى زرعناهم فى القضيب ، وبكده بيحصل انتصاب للعضو الذكري وقت العلاقة الزوجية.
و الدعامات الهيدروليكية بيكون ليها نوعين :
- الدعامة ثنائية القطع :
- ودى بتتكون من قطعتين
- والدعامة نفسها اللى قولنا انهم اسطوانتين من السيليكون بيتزرعوا فى القضيب.
- والقطعه التانيه هى المضخة ودى بتتركب في كيس الصفن واللى بيكون فيها المحلول اللى بيضخ للاسطوانتين ، بمجرد ما نضغط على المضخة ، وده بيخلى العضو الذكرى مفرود وقت الانتصاب.
- بنركب الاسطوانتين على طول الجسم الكهفي والمضخة.
- و تانى نوع من الدعامات الهيدروليكية هى الدعامة ثلاثية القطع :
- ومن اسمها هنفهم انها بتتكون من 3 قطع و هما :
- الدعامة نفسها اللى قولنا انهم اسطوانتين من السيليكون بيتزرعوا جوه الجسم الكهفي فى العضو الذكرى.
- والقطعه التانيه هى الخزان واللى بيتركب فى اسفل البطن وبيكون موجود فيه السائل اللى بيتضخ للاسطوانتين وقت العلاقة الزوجية.
- والقطعه الثالثه هى المضخة ودى بتتركب في كيس الصفن واللى بتكون مسؤولة عن نقل السائل من الخزان إلى الدعامة عشان تخليها تستقيم ويحصل انتصاب ، واصدارات الدعامة الهيدروليكية الثلاثية نوعين :
- الدعامة كولوبلاست (Coloplast)
- الدعامة ريجيكون (Rigicon) ، والاختلافات بينهم بتكون بسيطة جدا
طيب هو السائل ده ازاى بيوصل للدعامة عشان يحصل انتصاب ؟
- سواء الدعامة كانت ثنائية القطع أو ثلاثية القطع فالمضخة اللى بتتركب فى كيس الصفن بيكون فيها حاجة كده زى الزرار بندوس عليه وقت العلاقة الزوجية عشان السائل يبدأ يتحرك للدعامة ويملأها فيحصل الانتصاب ، وبعد ما بنخلص العلاقة الزوجية بندوس على الزرار ده تانى عشان السائل يرجع تانى للخزان لو كانت الدعامة ثلاثيه او المضخه لو كانت الدعامة ثنائية ، فيحصل ارتخاء للعضو الذكرى.
وهنا فى معلومة مهم نعرفها اذا قررنا نركب الدعامة الهيدروليكية وهي أن الدعامة الثلاثيه بتكون افضل من الدعامة الثنائية ، وده بسبب :
- اننا بنقدر نخزن فى الخزان اللى فى الدعامة الثلاثية كمية أكبر من السائل اللى بيتضخ فى الدعامة الثنائية ، وده بيخلى انتصاب العضو الذكري يكون زى الطبيعى ، مهما كان حجم القضيب.
- الخزان فى الدعامة الثنائية احنا بنحطه فى كيس الصفن جنب الخصية ، و ده ممكن يسبب اكتر من مشكله زى :
- ان ممكن يحصل عدوى أو أن جلد كيس الصفن يكون مشدود بسبب حجم الخزان.
- ده غير ان الخزان فى الدعامة الثنائية بيقوم هنا بدورين و اللى هما تخزين السائل و ضخه فى الدعامة وقت الانتصاب ، و ده بيخلى الوصول للزرار اللى بيطلع السائل للدعامة ميكونش سهل ، على عكس الدعامة الثلاثيه الخزان اللى بيكون فيه السائل بيكون منفصل خالص عن المضخة ، وده بيسهل اننا نوصل للزرار اللى هيتحكم فى ضخ السائل.
- وكمان الخزان فى الدعامة الهيدروليكية الثنائية احنا بنحطه فى كيس الصفن وده بيخليه ظاهر وممكن حد يلاحظه ، على عكس الدعامة الهيدروليكية الثلاثية ، وده لان الخزان بيتحط فى البطن ، وكيس الصفن بيكون فيه المضخة ودول زرارين صغيرين جدا فمش بيكونوا باينين.
ولو عايز تعرف هل فى اجراءات لازم نعملها قبل عملية تركيب دعامة القضيب ، اسمع الفيديو ده مع الدكتور اسامة البكل..
في النهاية لو عاوزين تعرفوا معلومات اكتر عن امتى تكون دعامة العضو الذكري الحل الوحيد لضعف الانتصاب ، اضغط هنا…