الخصوبة والقدرة على الإنجاب من أهم الحاجات اللي بتشغل بالنا، وأي مشكلة بسيطة فيها بتسبب لنا قلق، ودايمًا بنفضل نفكر: “هل أنا كده مش هيكون عندي أطفال؟” بس خليني أقولك إن دائما في أمل مدام قدرنا نحدد المشكلة ونحدد العلاج المناسب ليها، هنقدر في النهاية يكون عندنا أطفال.
عشان كده خلينا نتكلم عن تجميد الحيوانات المنوية، واللي يعتبر من أهم الخطوات اللي لازم ناخدها عشان نفضل محافظين على الخصوبة وعلى قدرتنا الإنجابية.
و تعالوا نعرف إيه هو تجميد الحيوانات المنوية؟
تجميد الحيوانات المنوية يعني إننا بنوقف نشاط الحيوان المنوي، و بكده الدورة الدموية والعمر الافتراضي للحيوان المنوي بيقفوا طول فترة التجميد. ولما بنقرر إننا نستخدم الحيوان المنوي في الحقن المجهري، وقتها بنفك التجميد، وبيرجع تاني الحيوان المنوي يستعيد حيويته وقدرته على الحركة.
طيب التجميد ده بيحصل إزاي؟
قبل ما نعرف التجميد بيحصل إزاي، خلونا الأول نعرف بنجيب الحيوان المنوي اللى هنجمده إزاي:
- اما عن طريق عينة من السائل المنوى ، بس لازم العينه دى تكون بعد اخر علاقة زوجية بفترة متقلش عن 3 أيام
- او اننا بنستخرج الحيوانات المنوية على طول من الخصية:، وده بيكون إما عن طريق السحب بالإبرة، أو عينة جراحية، أو تفتيش ميكروسكوبي، و بنلجأ للطريقة دي لما يكون في انعدام في عدد الحيوانات المنوية في السائل المنوي.
و تعالوا نعرف بقى اى هى خطوات التجميد:
- لو كانت العينة من السائل المنوى ، فلازم الاول نحط الحيوانات المنوية في مواد معينة عشان نتخلص من كمية من السائل المنوي، لأن تجميد الحيوان المنوي في نسبة سوائل عالية ممكن يكون سبب فى ان الاغشية اللى بتكون حوالين الحيوان المنوى تتمزق ، و بكده الحيوان المنوى هيموت
- اما لو الحيوانات المنويه كنا واخدينها من الخصية نفسها ، فهنا بنبدأ اننا نخرج الحيوان المنوى من الانابيب و الانسجة اللى سحبناها من الخصية ، و بنبدأ نجمعها ونحطها في سائل النيتروجين في درجة حرارة 196 درجة مئوية تحت الصفر.
و بعد ما عرفنا خطوات تجميد الحيوان المنوى ، تعالوا نعرف إمتى نحتاج لتجميد الحيوانات المنوية؟
- لو عندنا مشكله في عدد الحيوانات المنوية ، بمعنى ان العدد أقل من مليون، و اخدنا علاج بس ملاقيناش ان عدد الحيوانات المنويه بيزيد ، وقتها لازم اننا نجمد حيوانات منويه ، لان ممكن بعد فتره نلاقى العدد قل اكتر و ممكن نوصل لان يكون عندنا انعدام فى الحيوانات المنويه .
- لو كان فى مشكله في حركة الحيوانات المنوية أو زيادة فى نسبة التشوهات ، هنا لازم اننا نبدأ ننتقي أفضل الحيوانات المنوية ونعملها تجميد.
- لو عندنا اى مشاكل هرمونية بتأثر على الخصوبة.
- لو لاقدر الله كان عندنا أورام سرطانية، و هنحتاج بسببها لعلاج كيميائى او اشعاعى ، لازم هنا قبل ما نبدأ جلسات العلاج الإشعاعي أو الكيميائي نعمل تجميد للحيوانات المنويه ، لأن ده جلسات العلاج الإشعاعي أو الكيميائي بتأثر على الخصية و على الخلايا المنوية خصوصا لو اخدنا العلاج ده لفترة طويلة او بجرعات كبيرة.
- لو هنعمل عمليات جراحية زي استئصال البروستاتا أو الفتق الإربي.
- لو عندنا مشكله في قذف السائل المنوى ، ده هيكون مسبب تأخر فى الانجاب فوقتها بنستخرج الحيوانات المنوية من الخصية او بنجمعها من عينة البول زي متكلمنا قبل كده في حالات اضطربات القذف ممكن تعرفوا اكتر عنها من هنا ، و بعد ما بنجمع الحيوانات المنويه ، بنعملها تجميد عشان نستخدمها في اى وقت و نعمل بيها حقن مجهري .
- لو عندنا انسداد في القنوات المنوية، هبنلجأ اننا نستخرج الحيوانات المنوية من الخصية ونعملها تجميد.
- و اخيرا لو فى مشكله فى انتاج الخصية للحيوانات المنويه ، وقتها بنعمل تفتيش ميكروسكوبي ونستخرج الحيوانات المنوية ونعملها تجميد.
طيب هو احنا ممكن نجمد الحيوان المنوي قد اى ؟
التجميد ملوش مدة معينة ونقدر نحتفظ بالحيوانات المنوية لأي وقت. المدة متأثرش على جودة الحيوان المنوي بعد فك التجميد لو التجميد والفك تموا بشكل صحيح.
و عشان نضمن ان الحيوان المنوى بعد ما نفكه من التجميد هيكون سليم ، فى شوية حاجات لازم ناخد بالنا منها و هى ،
- لازم الحيوان المنوى اللى عملناله التجميد يكون من الاول سليم ، يعنى ميكونش فيه اى تشوهات و يكون بيتحرك كويس
- لازم المعمل اللى هيعمل التجميد يكون بيستخدم مواد زى الجلسرول وجليكول الإيثيلين عشان يحفاظ على خلايا الحيوان المنوى وقت التجميد.
- و كمان لازم فك التجميد يتعمل بطريقة صح عشان الحيوان المنوى مايموتش بعد ما نفك التجميد
و بعد ما عرفنا كل المعلومات عن تجميد الحيوانات المنويه ، لو عايزين تعرفوا أكتر بقى عن أسباب انعدام الحيوانات المنوية، ممكن تضغطوا هنا.
و لو احتجت تتواصل معانا و نحجزلك معاد مع دكتور اسامه محمد البكل مدرس واستشاري طب وجراحة أمراض الذكوره وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287