تأخر البلوغ
تأخر البلوغ مرض لازم يتم علاجه فى فتره معينه ، لان بعد الفتره دى علاج تأخر البلوغ بيكون صعب والاستجابة للعلاج بتبقى اضعف وابطأ ، و كده هتكون بتحكم على ابنك لما يكبر ان يكون عنده مشكلة فى الانجاب و فى العلاقة الجنسية
و عشان نفهم كويس تأخر البلوغ ، لازم نفهم هو نمو الطفل بيحصل ازاى :
فى هرمونين اساسين بيتحكموا فى نمو الطفل و هما :
و عشان يكون نمو الطفل سليم لازم الهرمونين دول يكونوا شغالين بنفس الكفاءه ، لان لو هرمون الذكوره كويس و فى مشكلة فى هرمون النمو وقتها هنلاقى ان الاعضاء التناسلية للطفل بتنمو بشكل طبيعى ، لكن هيكون فى مشكله فى نمو الجسم و هنا الطفل ممكن يكون قزم ، اما لو المشكله فى هرمون الذكورة و هرمون النمو كويس ، هنا الجسم هيكون بينمو بشكل طبيعى لكن الاعضاء التناسلية هتكون صغيره يعنى الطفل هيوصل لسن البلوغ بس اعضائه التناسلية هتكون فى حجم اعضاء طفل ، و هيكون عندنا مشكله كمان و هى ان هرمون الذكوره بيكون مسؤول عن تكوين النهايات العظمية ، و بكده الطفل طوله هيفضل يزيد حتى بعد مرحله البلوغ ، و ده هيتسبب فى ان الطفل يكون طوله ازيد من الطبيعى .
طيب هو يعنى اي مرحلة البلوغ ؟
هى مرحلة عمرية بيحصل فيها تغيرات فسيولوجية فى جسم الطفل ، وده اللى بيحولة من طفل لشاب بالغ قادر على الانجاب و ممارسة العلاقة الجنسية ، و ده بيحصل من سن 9 سنين ولحد 14 سنه و هو ده الوقت الطبيعى للوصول لمرحلة البلوغ ، فلو الطفل وصل للسن ده و مبدأش يظهرعليه علامات البلوغ وقتها الطفل ده بيكون عنده تأخر فى البلوغ .
طيب اى هى علامات مرحلة البلوغ ؟
علامات مرحلة البلوغ بتتقسم لنوعين :
و هنا لازم نعرف حاجة مهمة ان كل الاعراض دى المفروض انها تبتدي تحصل قبل سن 14 سنه .
عشان كده مهم جدا ان الاب و الام يركزوا فى كل مراحل نمو الطفل و حجم اعضائة التناسيلة من وقت الولاده ، ولازم يتأكدوا ان الطفل معندهوش اى عيوب خلقية زى :
و دى اول خطوة بناخدها مع الطفل اول مايتولد و من سن 3 او 4 سنين لازم بردو نتأكد ان الاعضاء التناسلية بتنمو بشكل طبيعى ، لحد ما يوصل لمرحلة البلوغ .
و هنا لازم نفهم حاجة مهمه جدا ، اننا لما بنقول نتابع الطفل من سن صغير ، ده مش معناه اننا لو اكتشفنا ان الطفل هيكون عنده مشكلة فى البلوغ اننا هنعالجها دلوقتى ، لكن الهدف اننا نكون عارفين لو فى مشكله هتأخر بلوغ الطفل ،و نحدد افضل وقت لعلاجها هيكون امتى ، لان الطفل قبل سن 14 سنه مش بياخد اى علاج لو عنده مشكلة هتأثر على البلوغ ، غير فى حالة واحده لو كان فى خلل فى الخصية نفسها ، وقتها هنبدء فى العلاج فوراّ .
و تعالوا بقى دلوقتى نعرف اى هى اسباب تأخر البلوغ :
بس قبل ما نتكلم عن الاسباب المرضية اللى بسببها البلوغ بيتأخر ، لازم كمان نعرف ان فى بعض الاولاد ممكن يتأخرعندهم البلوغ بعد 14 سنه ، و ميكنش فى اى سبب مرضى لده ، وده طبعا اللى بيتحدد بعد الكشف و الفحوصات اذا كان تأخير البلوغ ، طبيعى و ان الطفل بس متأخر فى الوصول للبلوغ ، او تأخيرالبلوغ له سبب مرضى .
و بالنسبة للاسباب المرضية هى :
و فى موضوع السمنه ده لازم ناخد بالنا من حاجة مهمه جدا ، ان حجم العضو الذكرى و الخصية ممكن يكونوا صغيرين لسببين و هما :
طيب ازاى بنعالج تأخر البلوغ :
- لو كان السبب فى تأخر البلوغ مش سبب مرضى و كان زى ما قولنا ان دى طبيعة الطفل ، فهنا مش بنحتاج اننا ناخد اى علاج ، غير فى حالة واحده لو كان الطفل ملاحظ انه مختلف عن باقى الاطفال اللى حوالية و فنفس عمره و كان ده مأثر عليه نفسياّ ، وقتها ممكن ناخد علاج هرمونى بجرعات بسيطة ، عشان بس نسرع من الوصول للبلوغ .
- اما لو كان سبب تأخر البلوغ مرضى ، وقتها لازم الاول نشوف ايه هو المرض اللى سبب تأخر فى البلوغ و نبدء نحط ليه خطة علاج ، عشان نوصل فى النهاية ان وضع الهرمونات و الاعضاء التناسلية يكون طبيعى
و مهم جدا جنب العلاج اللى هنمشى عليه ان الاب و الام يهتموا جدا بالجزء النفسى للطفل ، خصوصاّ لو هو واعى بالمشكله اللى عنده ، و لازم نبعد عن اى كلام سلبى او انتقاد او اننا نقارنة بباقى الاطفال اللى فى سنه ، لان كل ده هيسببله مشاكل نفسية كبيرة جدا علاجها هيكون اصعب من علاج تأخر البلوغ نفسه ، فلازم دايماّ نوصل للطفل ان المشكلة اللى عنده مشكلة بسيطة و مع العلاج هيكون كويس و معندهوش اى مشكلة .