اى هى اسباب ضعف حركة الحيوانات المنوية ؟
فى البداية خلينا نعرف ان ضعف حركة الحيوانات المنوية ممكن تقلل من فرصتك أنك تكون أب، لأن الحيوانات المنوية علشان توصل للبويضة عند الزوجة وتخصبها ويحصل حمل، لازم تكون حركة الحيوانات المنوية طبيعية ومفيهاش أي ضعف أو كسل .
و عشان كده خلينا نتكلم انهارده و نشرح
اى هى اسباب ضعف حركة الحيوانات المنوية ؟
و عشان نقدر نفهم اسباب ضعف حركة الحيوانات المنوية، خلينا نقسمها لنوعين رئيسيين:
- أسباب جينية : زى وجود مشاكل في الخصية اتسببت فة ان الخصية بتنتج حيوانات منوية مشوهة وضعيفة في الحركة .
- أسباب مكتسبة : و هى العوامل البيئية اوالمشاكل الصحية و اللى بتتسب فى ضعف حركة الحيوان المنوى ، زى :
- دوالي الخصيتين ، وده لان :
- دوالي الخصية بتاثر على الدورة الدموية في الخصية، وخصوصًا لو كانت من الدرجة الثانية أو الثالثة.
- و بتتسب دوالى الحصيه كمان فى تضخم أوردة الخصية ورفع درجة حرارتها و زيادة في أنواع الأكسجين التفاعلية (ROS) و المواد الضارة، وده بيأثر على انتاج الخصية للحيوانات المنوية ، بيسبب ضعف فى قدرة الحيوانات المنوية على الحركة ، و الوصول للبويضة وتخصيبها.
- التدخين: لانه بيدخل للجسم اكتر من 7000 ماده سامة يؤدي إلى دخول مواد ضارة في الجسم ، ده غير ان النيكوتين اللى بيكون موجود فى السجاير بيقلل من وصول الدم للعضاء التناسليه كلها ، وده طبعا هيأثر على انتاج الخصية للحيوانات المنوية ، و هيسبب تشوه في شكل الحيوانات المنوية وضعف فى قدرتها على الحركة .
- الخلل الهرموني : و ده بيسبب اضطراب في الهرمونات ، و بيعمل خلل في نسبة هرمون الذكورة (التستوستيرون) ، أو خلل في نسبة هرمون الأنوثة (الإستروجين) ، و خلل الهرمونات ده بيعمل ضعف أو قصور في وظيفة الغدد التناسلية و و اللى بيأثر على انتاج الخصية للحيوانات المنوية .
- الالتهابات ، وجود التهابات أو عدوى في الجهاز التناسلي (زى الأمراض المنقولة جنسيًا) سواء كانت الالتهابات دي في البروستاتا أو في الخصيتين ، بتأثر على الأعضاء التناسلية وجودة الحيوانات المنوية و ممكن كمان تعمل تليف و انسداد في الوعاء الناقل للحيوانات المنوية.
- التعرض للسموم البيئية و المواد الكيميائية والمبيدات الحشرية كل الحاجات دى بيكون لها تأثير ضار جدًا على الجهاز التناسلي والحيوانات المنوية.
- التعرض للعلاج الكيماوي او الاشعاعي لعلاج الامراض السرطانية ، بيأثر انتاج الخصية للحوانات المنوية و ممكن يكون السبب فى انعدام الحيوانات المنوية ، عشان كده دايما ببنصح اننا نعمل تجميد للحيوانات المنوية قبل ما يبدأ المريض فى العلاج الاشعاعى او الكيميائي ، و لو عاوزين تعرفوا معلومات اكتر عن تجميد الحيوانات المنوية هتلاقوها هنا
- وجود عيب أو تشوه في ذيل الحيوان المنوي ، وده لان ذيل الحيوان المنوي مهم جدًا في حركته , علشان جواه أنابيب والأنابيب دي بتتفاعل مع بعض بطريقة معينة بتخلي الذيل يتحرك يمين وشمال ، وده اللى بيخلى الحيوان المنوى قادر على الحركة ، و قادر انه يوصل للبويضة ويخصبها .
- و اخر سبب ممكن يسبب ضعف فى حركة الحيوانات المنوية هو لو فى مشكله فى السائل المنوى، و المشاكل دى زى :
1- لزوجة السائل المنوي ، السائل المنوي بيخرج وقت العلاقة الزوجية والطبيعى ان يكون لونه أبيض شفاف وشكله متماسك، و بعد خروج السائل المنوى فى القذف بحاولى 15 إلى 30 دقيقة بيبدأ تماسك السائل المنوى يقل و يبقى سايل و ده اللى بيسهل وصول الحيوانات المنوية لرحم الزوجة ، لكن لو السائل ده فضل متماسك فده معناه ان نسبة لزوجة السائل المنوي زياده عن الطبيعى ، وده هيأثر على حركة الحيوانات المنوية و هيضعف وصولها للبويضة.
2- وجود صديد في السائل المنوي ، و اللى بيكون سببه التهابات في المسالك البولية أو البروستاتا نتيجة عدوى جرثومية اتسببت فى وجود صديد في السائل المنوي ، و لو نسبة الصديد كانت العالية ده هيأثر على قدرة الحيوانات المنوية على الحركة و وصولها إلى البويضة وتخصيبها.
3- حموضة السائل المنوي ، النسبة الطبيعية لحموضة السائل المنوي بتكون ما بين بين 7.2 إلى 8 ، و لو زادت نسبة حموضة السائل المنوى عن المعدل الطبيعي بسبب عدوى في الجهاز التناسلي ، ده هيعمل خلل في حركة الحيوانات المنوية.
4- و اخيرا وجود أجسام مضادة في السائل المنوي ، الحيوانات المنوية بالنسبة للجهاز المناعي هي أجسام غريبة ، و وظيفة الجهاز المناعى هى انه يهاجم اى اجسام غريبة فى جسمنا ، و علشان كدة في حاجز ربنا خلقة عشان يمنع الجهاز المناعي انه يتعرف على الحيوانات المنوية و يهاجمها ، لكن لو حصل أي خلل في الحاجز ده هيبدا الجهاز المناعي يكتشف وجود الحيوانات المنوية ويهاجمها ويكون ضدها أجسام مضادة ممكن تتسبب في موت الحيوانات المنوية أو ان ممكن الحيوانات المنوية كلها تلزق في بعض وقت الحركة وده هيتسبب فى ضعف حركتها .
ولو عايز تعرفوا اكثر عن مشاكل السائل المنوي اللي بتسبب نقص أو انعدام في حركة الحيوانات المنوية ، وامتي السائل المنوي يكون طبيعي ، اسمع الفيديو ده مع الدكتور اسامة البكل…
في النهاية ، بعد ما عرفنا ووضح قدامنا الاسباب اللي بتعمل ضعف في حركة الحيوان المنوي مينفعش ابدا نتأخر أو حتى نهمل في علاجها ، اهم حاجة بس اننا نتشخص صح علشان نتعالج صح ونعرف نحقق حلمنا في أن يكون عندنا طفل.
ولو عايز تعرف علاج ضعف حركة الحيوان المنوي اضغط هنا