ما هي مميزات وعيوب الدعامة المرنة؟
ضعف الانتصاب من اكثر المشاكل الجنسية اللي بتسبب لاي رجل مشاكل نفسية كثير جدا زي الاحباط والاكتئاب ، لاحساسه بالعجز انه مش قادر يقيم علاقة زوجية كاملة ، ولكن الحل والعلاج بقي موجود وهو تركيب دعامة القضيب ، فهي بتساعد على انتصاب العضو الذكري بنفس قوة وصلابة الانتصاب الطبيعي بالظبط.
وفي المقال ده هنتكلم عن واحدة من أنواع دعامات العضو الذكري ، وهي الدعامة المرنة ، بس الاول خليني اقولك
ايه هو ضعف الانتصاب ؟
في البداية لازم تكون عارف ان ضعف الانتصاب بينتج نتيجة خلل في الأوعية الدموية اللي بتوصل الدم إلى القضيب ، والخلل ده ياما بيكون بسبب ضعف في ضخ الدم إلى القضيب ، او ان مش بيتم الاحتفاظ بالدم داخل القضيب المدة الكافية لحد ما نخلص العلاقة الزوجية ، وده بيحصل نتيجة
- لأسباب عضوية زي :
1/ انخفاض هرمون الذكورة.
3/ الإصابة بأمراض مزمنة.
4/ لو اتعرضنا لكسر أو عمليات جراحية في الحوض.
- أو أسباب نفسية زي :
1/ الضغوط والمشاكل الزوجية اللي بتأثر بشكل كبير جدا على انتصاب القضيب.
ولو عايز تعرف ازاي المشاكل والخلافات الزوجية بتسبب ضعف انتصاب ، اسمع الفيديو ده مع الدكتور اسامة البكل…
ودلوقتي تعالوا نعرف مع بعض :
ايه هي الدعامة المرنة ؟
هي عبارة عن قضيب من السليكون بداخله معدن هو اللي بيعطي السيليكون الصلابة والقوة ، والسليكون مادة لا تتفاعل مع الجسم وده اللي بيخليه ميعملش اي تفاعل مع أنسجة القضيب ، والدعامة المرنة أثناء العلاقة الزوجية بنرفع القضيب لفوق فتتفرد الدعامة ويحدث الانتصاب ، وبعد ما بنخلص العلاقة الزوجية بنتني العضو الذكري لتحت ، بالتالي الدعامة بتتني معاه.
ودلوقتي خليني اقولك ايه هي مميزات وعيوب الدعامة المرنة :
- مميزات الدعامة المرنة :
1/ سهلة الاستخدام.
2/ تسمح لمريض ضعف الانتصاب العودة لممارسة العلاقة الزوجية بعد شهر ونص من تركيبها.
3/ تكلفتها منخفضة مقارنة بالأنواع الثانية.
4/ الدعامة المرنة بيركبها الجراح جوا النسيج الكهفي في القضيب مع الحفاظ على النسيج الكهفي نفسه والشريان الرئيسي المغذي للقضيب.
- عيوب الدعامة المرنة :
1/ أكبر عيوبها بتكون في صعوبة إخفاءها ، لأن القضيب بيكون منتصب باستمرار وده بيخلي شكله ظاهر أسفل الملابس ، حتى مع تنيها ، وهو ده اللي بيسبب الاحراج لبعض الرجال.
2/ الدعامة المرنة بيكون ليها بعض المضاعفات زي حدوث عدوى أو التهاب ، أو أن الدعامة مركبتش بشكل صح ، أو أنها تتحرك من مكانها ، بس ده كله بيعتمد في الآخر على خبرة وكفاءة الجراح في إجراء العملية.
وبعد ما عرفنا ايه هى مميزات وعيوب الدعامة المرنة ، تعالوا نعرف مع بعض ايه هي انواع واصدارات الدعامة المرنة :
1. الدعامة Rigicon الأمريكية
- رأس الدعامة مش مدببة ، وده عشان متسببش أي ألم للمريض.
- مغطاة بطبقة مضاد حيوي لمنع حدوث أي عدوى.
- مترقمة علشان نحدد المقاس المناسب بسهولة.
- المقاسات: (9 – 10 – 11 – 12 – 13 – 14 ملم).
- يمكن تنيها بشكل كبير من غير ما يحصل فيها أي كسر.
2. الدعامة Coloplast الأمريكية
- واحدة من أكثر الدعامات المرنة اللي بتتميز بالصلابة والمرونة.
- ملمسها ناعم جدا، وده بيسهل تركيبها وقت العملية.
- مغلفة بطبقة مضاد حيوي لتقليل خطر العدوى أو الالتهابات بعد العملية.
- المقاسات بتاعتها (9.5 – 11 – 13 ملم).
- رأس الدعامة مدببة بنسبة بسيطة ، وده بيخلي شكلها أقرب لرأس العضو الذكري الطبيعي ، وكمان بيسهل تركيبها في وجود تليفات.
3. الدعامة Promedone الأرجنتينية
- المقاسات بتاعتها (9 – 10 – 11 – 12 – 13 ملم) وده طبعا بيسهل علينا اننا نختار المقاس المناسب.
- رأس الدعامة غير مدببة ، عشان متسببش أي ألم وقت العلاقة الزوجية.
- طرفها غير سميك ، علشان ميسببش أي مشاكل في مجرى البول أو البروستاتا.
- يمكن تنيها بشكل كامل من غير كسر، وشكلها قريب جدا من العضو الذكري الطبيعي.
4. الدعامة Tactra الأمريكية
- اكتر دعامة اول ما تلمسها بتحس بنفس إحساس الانتصاب الطبيعي وده طبعا بيفرق مع اشخاص كثير.
- وزنها خفيف جدا.
- يمكن تنيها وفردها عدد مرات كبير من غير أعطال أو كسور.
- بعد فردها، بتدي صلابة قوية.
- المقاسات بتاعتها (9 – 11 – 13 ملم).
ودلوقتي خليني اجاوبك على سؤال مهم جدا ،
وهو ازاى اختار بين أنواع الدعامات المرنة زي الدعامة Rigicon و Coloplast ؟
في البداية لازم تكون عارف أن إختيار نوع الدعامة المرنة بيكون على أساس :
1/ شكل العضو : لأن أحيانا شكل العضو الذكري نفسه هو اللي بيحكم الجراح أنه يختار نوع دعامة معينة عن نوع تاني.
2/ حجم العضو : وفي أوقات كثير حجم العضو الذكري أو مقاسه هو اللي بيحكم الجراح على إختيار نوع دعامة عن نوع دعامة ثانية.
زي مثلا الدعامة ال Coloplast المقاسات المتاحة فيها 9,11,13 واوقات بيكون في مريض انسب مقاس ليه هو 12 وقتها نوع الدعامة دي مش هتكون هي المناسبة ليه ، لأن في أنواع ثانية من الدعامات بيكون فيها مقاس 12 زي الدعامة Promedone أو Rigicon.
إذا الجراح هو اللي بيختار نوع الدعامة المناسبة للمريض حسب تفضيلاته وحالته الصحية.
ولو عايز تعرف ايه هي الاجراءات اللي لازم تعملها قبل تركيب دعامة القضيب علشان تمنع حدوث اي التهابات او عدوي بعد العملية ، اسمع الفيديو ده مع الدكتور اسامة البكل…
في النهاية ، لازم تكون عارف ان دعامة القضيب هي الحل النهائي اللي بيلجا له الدكتور عشان يحل مشكلة ضعف الانتصاب ، بعد فحص المريض وتشخيص حالته بدقة ، لكن اختيار نوع الدعامة سواء كانت مرنة أو هيدروليكية اللي بيحددها هو الجراح وده بيكون على حسب شكل وحجم العضو الذكري نفسه بتاع الشخص.
ولو محتاج تتواصل معانا ونحدد لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287.