Author Archives: albokl.com

أي مرض بيحصل في الأعضاء التناسلية، بيخلينا ديما قلقانين ، و برغم كده اخر خطوة بناخدها هي اننا نكشف و نطمن على نفسنا ، مع ان لو عملنا كده هنلحق المشكلة من أولها و فرص انها تتعالج هتكون اكبر ، عشان كده خلينا انهارده نتكلم عن مرض بيرونى و نعرف ايه هي اسبابه و اعراضه ، عشان نمنع مشكله بتبدء بشويه التهاب من انها  ممكن توصل لعجز جنسي . 

اى مرض له علاج ، بس لازم نفهم كويس ايه هو المرض ده ، و امتى المفروض ابدأ فى علاجه و ، ايه هى افضل طرق العلاج  . اى عضو فى الجسم بيتكون من شريان مهمته انه يوصله الدم ، وفى كمان وريد مهمته انه يطلع بقايا الدم من العضو بعد ما يكون استفاد منها ، للدورة الدموية مرة تانية ، ده اللى بيحصل فى الطبيعى .

اول ما بنسمع كلمة انعدام حيوانات منويه بتبقى دايما فاهم ان كده خلاص مفيش امل ان يبقى عندك اولاد ، و تفضل مكتئب و بدل ما تدور على علاج ، لا بتقفل على نفسك و ممكن تاخد قرار الانفصال كمان عن زوجتك ، طب ليه كل ده انعدام الحيوانات المنويه ، مش معناه انك مش هتخلف ، كل الحكايه انه موضوع محتاج علاج اعتبره زى اى مرض بلاش تبصله على انه كارثه و هتوقف حياتك .

لازم فى الاول نفرق بين الضعف الجنسى و ضعف الانتصاب ، و لازم نعرف ان سواء كان عندنا ضعف جنسي او ضعف انتصاب فالاتنين ليهم علاج ، و مش معنى ان عندنا ضعف جنسى ان كده حياتنا الزوجية هتقف ، لا مع العلاج هتقدر تمارس حياتك الزوجية بشكل طبيعى جدا ، بس المهم اننا ناخد خطوة الكشف و العلاج  .

انتصاب القضيب او العضو الذكرى ، بيحصل لما بنحس بأثاره جنسيه ،و بسبب الاثاره الجنسيه بتبدء الشرايين و الأوردة الموجوده فى النسيج الكهفي اللى بيتكون منه القضيب تتمدد و تتملى بالدم ، فتضغط على الأنسجة اللى بتكون مغطية القضيب ، و لما بيحصل الضغط ده الصمامات الموجودة في الأوردة بتتقفل و بتفضل محافظه على الدم جواها ، و عشان كده بيحصل الانتصاب ، و بعد نهاية العلاقه الزوجيه (القذف) بتبتدى الصمامات دى تتفتح تانى و تخرج الدم بره القضيب ، و بعد كده بيحصل ارتخاء في العضو الذكرى ، دى الطريقة اللى بيتم بيها الانتصاب فى الطبيعى .

كتير مننا بمجرد ما بيسمع ان عنده مشكله فى الخصيه او فى المنطقه التناسليه عموما ، بيبتدى يسأل نفسه يعنى انا كده مش هقدر اخلف ولا يكون عندي اولاد ، و هل ده هيأثر على العلاقه الزوجيه ، ويبدأ يكتئب و يحس ان حياته وقفت ، مع ان كل حاجه دلوقت ليها علاج ، بس المهم نكتشف المشكله من بدرى و نعرف كويس أسبابها،  و ازاى اقدر اعرف هل انا فعلا عندى دوالى فى الخصية ولا هو مجرد احتقان فى الخصية  .   

في البداية خلينا نتفق ان نقص هرمون الذكورة مش حاجه تقلق و لا حالة صعبة ملهاش علاج ، مدام اتشخصت صح و اتعالجت صح ، لو ده حصل اتأكد انك هتقدر تمارس حياتك الزوجية بشكل طبيعى من غير اى مشاكل سواء فى العلاقة الزوجية او الانجاب  . ازاى اقدر اعرف ان عندي أعراض انخفاض هرمون التستوستيرون أو نقص في الهرمون الذكرى .