اسباب ضعف الانتصاب :
قبل ما نتكلم عن اسباب ضعف الانتصاب ، خلونا الاول نعرف
يعنى اى ضعف انتصاب ؟
ضعف الانتصاب هو ان العضو الذكرى وقت العلاقة الجنسيه مش بيكون منتصب ، وده بيخلينا مش قادرين اننا نعمل علاقه جنسيه بسبب عدم وجود استقامه في القضيب سواء من البدايه او مش قادر يحتفظ بصلابته لاستكمال العلاقة الزوجية.
بس خلينا فى الاول نعرف ان الاثاره الجنسيه عمليه معقده جدا وبيشترك فيها الدماغ والهرمونات والمشاعر والأعصاب والعضلات والأوعية الدموية ، ووجود أي مشكلة في اى جزء من اللى قولنا هم دول بيحصل بسببها اضطراب في الأداء الجنسي وده اللى بيسبب لنا ضعف انتصاب.
و دلوقتى تعالو اعرفكم اي هي اسباب ضغف الانتصاب :-
- الاسباب نفسية:
وده اللى بيتحكم فيه الدماغ و هي اول حاجه بتشتغل لما بيحصلنا اثاره جنسيه وبعدها بيحصل انتصاب وفي شويه حاجات بتاثر عليها زي :-
- القلق الزائد لانه بيعمل تشتيت في الذهن وبيخلينا مش قادرين نركز في الاستثارة الجنسية.
- المشاكل الشخصية زى الخلافات الزوجية أو المشاكل العائلية بتسبب ضعف انتصاب.
- الضغط النفسي والتوتر وده بيأثر على الأداء الجنسي و بيقلل من الاستجابة الجنسية.
- الاكتئاب كمان بيسببلنا انخفاض الرغبة الجنسية .
- الجهل في الثقافة الجنسية ، زى ان ميكونش فيه مداعبة الكافية قبل الجماع لان ده بيقلل من الاثاره الجنسية .
ولو عايز تعرف ازاي المشاكل والخلافات الزوجية ممكن تسبب ضعف انتصاب ، اسمع الفيديو ده مع الدكتور اسامة البكل…
- أسباب عضوية:
ودى عباره عن امراض بتاثر علي الانتصاب زي :-
- مرض السكري لانه بيأثر على الأعصاب والأوعية الدموية اللي بتغذي القضيب.
- و ارتفاع ضغط الدم، لانه بيسبب تلف في الأوعية الدموية.
- او انسداد الأوعية الدموية وتصلب الشرايين ، لانه بيقلل من تدفق الدم إلى القضيب.
- أمراض القلب لانها بتاثر على وصول الدم للعضو الذكرى .
- و كمان السمنة المفرطة ، لانها بتسبب اضطرابات هرمونية وبتزود من احتمالات الإصابة بأمراض مزمنة.
- زياده نسبة الكولسترول لانها بتسبب تصلب فى الشرايين.
- اضطرابات النوم لانها بتأثر على صحتنا بشكل عام و بتأثر كمان على الأداء الجنسي.
- الاصابه بسرطان البروستاتا أو تضخم البروستاتا ، لانه قد بيأثر على الأعصاب والأوعية الدموية اللى حوالين القضيب.
- الإدمان وتعاطي المخدرات والكحوليات لانها بتأثر على القدره الجنسية .
- الاصابه مرض بيروني لانه بيسبب تليف فى انسجة القضيب و بيسبب الم و انحناء وقت الانتصاب وكمان المرض دا ممكن يسبب قصر في حجم القضيب او ضعف انتصاب و كنا شرحنا كل ده فى مقال تانى “مرض بيرونى وعلاقته بالانتصاب والانجاب ”
- ارتفاع دهون الدم ومتلازمة التمثيل الغذائي ، وهي حاله مرضيه بتسبب ارتفاع فى ضغط الدم و ارتفاع فى الانسولين و بتسبب تراكم لدهون الجسم فى منطقه الخصر ، ده غير ان ارتفاع مستوي الكولستيرول بيسبب مشاكل في الأوعية الدموية.
- مرض باركنسون، وده بيأثر على الجهاز العصبي كله .
- و لو عملنا اى جراحه فى منطقة الحوض اوالعمود الفقري ، لانها بتأثر على الأعصاب التي تتحكم في الانتصاب.
- و اخيرا لو عندنا اى مشكله صحيه او نفسيه و اضطرينا بسببها ناخد الادويه دى :
- الأدوية المهدئة
- او أدوية علاج ارتفاع حموضة المعدة
- أدوية العلاج الكيميائي
- الادوية الهرمونية
- الادويه المدره للبول
- او مثبطات إعادة امتصاص السيروتونين الانتقائية ( SSRI)
- او حاصرات بيتا(Beta blockers ) ، و اللى بنستخدمها عشان نقلل ضغط الدم .
- الأسباب هرمونية زي :
- زى نقص هرمون التستوستيرون ( هرمون الذكورة )، و ده بيأثر على الرغبة الجنسية والانتصاب.
- او زيادة فى نسبة هرمون البرولاكتين او هرمون اللبن ، لان ده هيكون بيأثرعلى الرغبة الجنسية و بيسبب ضعف انتصاب.
ولو لسه عايز تعرف معلومات اكثر عن اسباب ضعف الانتصاب اثناء ممارسة العلاقة الزوجية ، اسمع الفيديو ده مع الدكتور اسامة البكل…
وبعد ما عرفنا اسباب ضعف الانتصاب خلينا نعرف كمان اننا لازم لو اكتشفنا إن عندنا ضعف انتصاب مستمر، لازم نلجأ للعلاج بعد ما نستشير دكتور متخصص ، علشان يفهم حالتنا ويشخصها ويعالجها صح ومينفعش نسمع من أصدقاء ومعارف في اي حاجه تخص الصحه لان الحالات بتختلف عن بعضها في التشخيص والعلاج.
وكل ما اتعالجنا بدري هيكون أفضل لصحتنا واسرع في التعافي ، ولو عندكم اي تساؤل او استفسار تقدروا تتواصلوا مع الفريق الطبي علي الرقم ده 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني…