ما هي أسباب البرود الجنسي عند الرجال ؟

ما هي أسباب البرود الجنسي عند الرجال ؟

الرغبة الجنسية هي أساس إقامة العلاقة الزوجية ، لان علشان تقدر تقيم علاقة زوجية ناجحة ويحصل انتصاب للعضو الذكري ، لازم في الاول يكون عندك رغبة في العلاقة و انجذاب جسدي تجاه الزوجة ، بالتالي لو حصل اي مشكلة أثرت على فقدان الرغبة الجنسية ، ساعتها مش هيحصل انتصاب وكل ده هيأثر بالسلب على العلاقة الزوجية.

بس في البداية لازم تكون عارف ان في اوقات ممكن الرجل يفقد الاهتمام بالجنس او حتى التفكير فيه ، لكن لو الموضوع استمر عنده فترة طويلة ، ده معناه ان عنده مشكلة أدت إلي ضعف الرغبة الجنسية.

ودلوقتي تعالوا نعرف مع بعض ايه هي الاسباب اللي بتؤدي إلى البرود الجنسي وانعدام الرغبة الجنسية عند الرجال :

أسباب البرود الجنسي عند الرجل نوعين : 

• أسباب عضوية زي : 

1/ انخفاض مستوى هرمون التستوستيرون : 

حيث أن هرمون التستوستيرون ( هرمون الذكورة ) هو الهرمون الجنسي الأساسي للذكور الذي تنتجه الخصيتين واللي بيكون مسؤول عن ظهور الخصائص الذكورية للرجل ، زي ظهور شعر الوجه والجسم وزيادة كتلة العضلات وليه دور كبير جدا في تحفيز الرغبة الجنسية وحدوث الانتصاب اثناء العلاقة الزوجية ، وبالتالي لو حصل انخفاض في مستوى هرمون الذكورة في الجسم هيؤدي إلى انخفاض في الرغبة الجنسية ، ولو مشخصناش المشكلة دي وعالجنها بدري ، هيسبب لنا ضعف انتصاب مستمر.

2/ الإصابة بأحد الأمراض المزمنة : 

بمعني ان الاصابة بأحد الامراض المزمنة زي الضغط أو السكر او أمراض القلب ، قد تؤثر على الرغبة الجنسية ، لان الالم والتعب اللي بيكون ناتج عن الأمراض دي بيؤدي الي ضعف في الرغبة اجنسية وعدم وضعها في اولويات الشخص.

3/ ارتفاع هرمون البرولاكتين

بمعني ان هرمون البرولاكتين مهم جدا عند الرجال ، لأنه مسؤول عن تنظيم وظيفة الخصية وتعزيز الرغبة الجنسية ، بالتالي لو مستوي هرمون البرولاكتين ارتفع في الجسم عن المعدل الطبيعي ، هيؤدي إلى انخفاض هرمون الذكورة وانخفاض الرغبة الجنسية.

4/ الأدوية : 

حيث ان تناول بعض الادوية ممكن تاثر بالسلب  وتؤدي الى انخفاض الرغبة الجنسية عند الرجل ، زي 

• أدوية الاكتئاب 
• والعلاج الكيميائي والاشعاعي 
• أدوية القلب والأوعية الدموية 
• أدوية الضغط 

5/ السمنة : 

بمعنى أن السمنة وتناول الوجبات السريعة والأكل الغير صحي ، بتأثر على الرغبة الجنسية ، وده لان الدهون بيكون فيها إنزيم بيكثر الهرمون الذكري وبيحوله إلى هرمون أنثوي ، وده بيكون السبب في ضعف الرغبة الجنسية وضعف الانتصاب عند الرجال.

6/ التدخين بشراهة أو شرب الكحوليات : 

لأن مادة النيكوتين الموجودة في السجائر بتقلل من وصول الدم إلى القضيب وبيسبب ضعف انتصاب وبيؤدي إلى فقدان الرغبة الجنسية.

نيجي بقي للاسباب النفسية اللي بتؤدي إلي ضعف الرغبة الجنسية والبرود الجنسي عند الرجال : 

1/ الضعف الجنسي : 

حيث ان الضعف الجنسي وضعف الرغبة الجنسية هما مشكلتين مختلفين عن بعض تماما ، ولكن المشاكل اللي بيواجهها الزوج اثناء العلاقة الزوجية زي سرعة القذف وضعف الانتصاب ، بتاثر على نفسيته و بتخليه يهرب من العلاقة الزوجية نتيجة الفشل اللي بيشوفه فيها ، وده بيؤدي إلى فقدان الرغبة الجنسية.

2/ ممارسة العادة السرية باستمرار : 

لان ده بيخلينا نفرغ كل الرغبة والشهوة اللي جوانا فيها ، ونيجي وقت العلاقة الزوجية مش بيكون عندنا رغبة جنسية لممارسة العلاقة ، وكمان العادة السرية بتخلي عندنا نوع من التوحد واننا مش متقبلين وجود طرف تاني في العلاقة ، وبكدة هيكون عندنا فقدان للرغبة الجنسية.

3/ مشاهدة الأفلام الجنسية : 

لانها بتخلي عندنا مفهوم وشكل معين عن العلاقة الزوجية وعن الطرف التاني ، ولما مش بنلاقيها زي ما احنا متخيلين ده بيخلي عندنا قلة ثقة في نفسنا اننا مش كويسين في العلاقة الزوجية او اننا مش متقبلين شكل الطرف التاني ، وده بيخلينا نهرب من ممارسة العلاقة الزوجية ، وبيولد عندنا ضعف في الرغبة الجنسية.

4/ المشاكل والخلافات الزوجية : 

بمعنى أن الضغوط النفسية والمشاكل الزوجية مش بتخلينا نستمتع بالعلاقة الزوجية ولا بيكون عندنا رغبة جنسية ، وزي ما قولنا قبل كدة علشان يحصل انتصاب لازم يكون عندنا رغبة جنسية ، والضغط النفسي مش بيخلي عندنا رغبة ولا اثارة جنسية لممارسة العلاقة الجنسية. 

ولو عايز تعرف ازاي المشاكل والخلافات الزوجية بتاثر على العلاقة الزوجية وبتسبب ضعف انتصاب ، اسمع الفيديو ده مع الدكتور اسامة البكل…..

5/ التوتر وقلة النوم :  

بمعنى أن عدد ساعات النوم بتفرق في رغبة الشخص الجنسية ، وعشان يبقي عندك رغبة جنسية كافية لممارسة العلاقة الزوجية ، لازم تنام بصورة طبيعية وعدد ساعات كافية لراحة الجسم.

6/ عدم ممارسة الرياضة : 

حيث أن الرياضة بتلعب دور كبير جدا في تعزيز الرغبة الجنسية عند الرجل ، لانها بتقلل من التوتر والضغط العصبي ، وكمان بتساهم في الوقاية من الأمراض المزمنة اللي بتسبب البرود الجنسي.

7/ مشاكل في العلاقة نفسها : 

بمعنى ان الزوجة ممكن تكون السبب في البرود الجنسي وضعف الرغبة الجنسية عند الزوج ، لانها لو مش متفاعلة مع الزوج وقت العلاقة او مش بتشجعه بعد العلاقة او لو بترفض العلاقة الزوجية باستمرار ، ده هيخلي الزوج ميحسش بمتعة ويبعد عن العلاقة الزوجية ويكون عنده ضعف وفقدان في الرغبة الجنسية.

ودلوقتي تعالوا نعرف ازاي الشخص يعرف ان عنده برود جنسي او ضعف في الرغبة الجنسية : 

1/ اختفاء الانجذاب الجسدي بين الزوجين تماما.

2/ الشخص بينظر إلى العلاقة الزوجية وكأنها واجب لازم نادية من غير الإحساس بالمتعة.

3/ الشخص بيبعد ويتجنب أي حديث عن العلاقة الجنسية.

4/ عدم الاهتمام بالجنس أو حتى التفكير فيه حتى مع وجود الزوجة.

5/ الشعور بالضيق والانزعاج قبل او بعد العلاقة الزوجية.

وفي النهاية ، اوعى تفقد الامل في اي مشكلة بتواجهك في العلاقة الزوجية زي البرود الجنسي وفقدان الرغبة الجنسية ، لأن كل مشكلة وليها في الآخر علاج ، بس المهم انك تعرف سبب المشكلة اللي عندك واللي على أساسها هنحدد طرق العلاج ، ولو عايز تعرف كيفية تشخيص وعلاج البرود الجنسي عند الرجال ، اضغط هنا…

ولو عايز تتابع معانا مشكلتك ، تقدر تتواصل معانا على الرقم ده 01018874287 ، واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.