أسباب تكسير المادة الوراثية في الحيوان المنوي
أول ما بنسمع إن عندنا تأخر في الإنجاب أو أن الزوجة بتعاني من الإجهاض بشكل متكرر ، تدريجياً بنفكر إن الزوجة هي السبب في المشكلة ، لكن مهم تبقى عارف إن الزوج بيكون السبب الرئيسي والأول في بعض حالات العقم وتأخر الإنجاب أو الإجهاض المتكرر عند الزوجة ، وده اللي بيكشفه تحليل تكسير المادة الوراثية في الحيوان المنوي.
ودلوقتي تعالوا نعرف مع بعض اي هو تكسير المادة الوراثية الموجود في الحيوانات المنوية…
في البداية لازم تكون عارف إن المادة الوراثية أو الحمض النووي (DNA) موجودة في رأس الحيوان المنوي ، وبتحمل المعلومات الوراثية الخاصة بالأب لتتحد مع المعلومات الوراثية الخاصة ببويضة الأم لتكوين الجنين ، وهو ده الوضع الطبيعي اللي بيحصل وقت تكوين الجنين في رحم الأم.
لكن لو حصل أي خلل أو تكسير في المادة الوراثية الموجودة في رأس الحيوان المنوي ، ده هيسبب:
- إن الحيوان المنوي مش هيكون عنده القدرة إنه يوصل للبويضة ويخصبها ، وبالتالي هيسبب تأخر في الإنجاب.
- أو إن الحيوان المنوي يخصب البويضة ، لكن بسبب تكسير المادة الوراثية ، الحمل مش هيكمل وهيحصل إجهاض مبكر في الشهور الأولى من الحمل ، لأن الخلل ده بيمنع الجنين من التطور بشكل طبيعي.
ولو عايز تعرف ايه علاقة تكسير المادة الوراثية بالسقط المتكرر عند الزوجة وفشل عملية الحقن المجهري ، اسمع الفيديو ده مع الدكتور اسامة البكل…
ودلوقتي خليني اقولك ازاى بنشخص ان عندنا تكسير في المادة الوراثية في الحيوان المنوي…
بنشخص تكسير المادة الوراثية من خلال تحليل تكسير المادة الوراثية ، وده واحد من أهم التحاليل المعملية اللي بتُجرى على الحيوانات المنوية ، والتحليل ده بيستهدف رأس الحيوان المنوي اللي بتحتوي على الحمض النووي ، والتحليل بيكشف عن أي خلل في المادة الوراثية ، وده مش بيظهر في تحليل السائل المنوي العادي.
ودلوقتي تعالوا نعرف ايه هي الاسباب اللي بتؤدي إلى تكسير المادة الوراثية في الحيوان المنوي…
لان دوالي الخصية بتأثر على الخصية وإنتاجها للحيوانات المنوية ، وخصوصاً لو كانت من الدرجة الثانية أو الثالثة ، ونتيجة ضعف الصمامات في الأوردة ، الدم بيتراكم داخل الأوردة ، وده بيرفع درجة حرارة الخصية وبيزود تراكم المواد المؤكسدة (ROS) اللي:
- بتأثر على الخصية وإنتاج الحيوانات المنوية.
- بتضر بالهرمونات المسؤولة عن إنتاج الحيوانات المنوية.
- وبتضر بالحيوانات المنوية السليمة والمكتملة وبتسبب تشوهات في الحيوان المنوي ، خصوصاً في الرأس اللي بتحتوي على المادة الوراثية.
ولان زي ما قولنا قبل كدة ان تشوه الحيوان المنوي ممكن يكون في الرأس او العنق او الذيل ، والمادة الوراثية بتكون موجودة في الرأس وبتكون مسؤولة عن تكوين الجنين ، وبالتالي لو كان التشوه في رأس الحيوان المنوي ، هيؤدي إلى تفتت المادة الوراثية بداخلها وعدم قدرة الحيوان المنوي على تخصيب البويضة ، وبكدة مش هيحصل طبيعي او ممكن يحصل لكن فرصة اكتماله هتكون ضعيفة وهيحصل اجهاض مبكر في أول 3 شهور من الحمل.
- الالتهابات أو العدوى في الجهاز التناسلي:
زي التهاب البربخ أو التهاب البروستاتا، واللي بتحصل بسبب الأمراض المنقولة جنسياً أو العدوى التناسلية. الالتهابات دي بتسبب تلف في إنتاج الحيوانات المنوية، وزيادة تشوهاتها، وده بيؤدي إلى تفتت المادة الوراثية والحمض النووي.
- التعرض للعلاج الإشعاعي أو الكيميائي:
بسبب الإصابة بالأمراض السرطانية ، لان ده بيأثر على انتاج الخصية للحيوانات المنوية ، وبيسبب تشوهات فيها وتكسير المادة الوراثية.
- التدخين:
لأن مادة النيكوتين الموجودة في السجائر بتقلل تدفق الدم للخصية ، وبتزود التشوهات في الحيوانات المنوية ، وبتزود نسبة تفتت المادة الوراثية في رأس الحيوان المنوي.
- التعرض للتلوث والسموم البيئية:
زي الأشخاص اللي بيشتغلوا في أماكن بيتعرضوا فيها للإشعاع أو المواد الكيميائية ، ده بيؤدي لمشاكل كبيرة في إنتاج الحيوانات المنوية ، زي التشوهات ، اللي بتسبب تكسير المادة الوراثية.
وبعد ما عرفنا الأسباب اللي بتؤدي إلى تكسير المادة الوراثية
تعالوا نعرف ازاي نعالج تكسير المادة الوراثية في الحيوانات المنوية…
علشان تعالج تكسير المادة الوراثية ، لازم الأول تعالج السبب اللي أدى للخلل في الحمض النووي ، بمعنى ان لو كان السبب في تكسير المادة الوراثية هو :
1/ دوالي الخصية:
لازم تعالج الدوالي باستخدام الجراحة الميكروسكوبية ، اللي بتعتبر أفضل وأحسن طريقة للعلاج ، وبعدها بيحصل تحسن في تحليل السائل المنوي ، وإمكانية حدوث حمل طبيعي بتصل إلى 30-40%.
2/ ولو كان السبب هو الالتهابات :
بنطلب من المريض يعمل مزرعة سائل منوي علشان نحدد نوع البكتيريا ، والمضاد الحيوي المناسب لحالة الشخص.
3/ لكن لو كان السبب هو التلوث البيئي:
العلاج هنا هو تجنب البيئة اللي فيها تلوث أو سموم بيئية.
4/ ولو كان السبب هو التدخين:
العلاج هيكون اننا نبتعد عن التدخين علشان نحسن جودة الحيوانات المنوية.
وفي النهاية ، لازم تبقي عارف ان الحيوان المنوي هو اللي مسؤول عن تكوين الجنين ، واي مشكلة هتأثر على صحة او جودة الحيوان المنوي ، هتكون السبب في تأخر الانجاب او الاجهاض المتكرر عند الزوجة زي تكسير المادة الوراثية في الحيوانات المنوية ، لكن ده مش معناه انك تفقد الأمل وتقول ان خلاص مش هيكون عندي طفل ، لازم تبقي عارف ان كل مشكلة وليها علاج ، وبدل الطفل هيكون اتنين باذن الله.
ولو محتاج تتابع معانا مشكلتك، تقدر تتواصل معانا على الرقم ده 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني، وخلينا نبدأ مع بعض رحلة علاج تنتهي انك تكون اب.