المضاعفات اللي بتسببها الدرجة الثالثة من دوالي الخصية
دوالي الخصية مشكلة من أهم المشاكل الصحية اللي بتواجه حوالي 15% من الرجال ، بس الخطر مش في النسبة دي ، لانك لازم تكون عارف ان دوالي الخصية لو كانت من الدرجة الثالثة ، اللي هي تعتبر اخطر درجة من درجات دوالي الخصية ، فهي بتكون السبب في إصابة حوالي 40% من الرجال بالعقم وتاخر الانجاب.
وقبل ما نتكلم عن الدرجة الثالثة من دوالي الخصية ، خليني الاول اوضح لك :
ايه هي دوالي الخصية ؟
دوالي الخصية هي عبارة عن تضخم في الاوردة المحيطة بالخصية الموجودة داخل كيس الصفن ، والتضخم ده بيحصل نتيجة ضعف الصمامات الموجودة في الاوردة ، واللي مسؤولة عن تنظيم تدفق الدم من الخصيتين الى القلب ، ومنع عودته تاني للخصية ، فلما الصمامات دي بتضعف ، بالتالي الدم بيرجع تاني للخصية ويفضل يتراكم جوا الاوردة ، وهو ده اللي بيسبب الدوالي.
ودلوقتي تعالوا نعرف:
ايه هي الدرجة الثالثة من دوالي الخصية ، وازاي بنشخصها ؟
في البداية لازم تكون عارف ان دوالي الخصية 3 درجات ، وإن كل درجة منهم ليها شكل وتاثير وخطورة عن الدرجة الثانية ، لكن الدرجة الثالثة هي أخطر درجة من درجات دوالي الخصية من حيث خطورتها ودرجة تأثيرها على المريض ، لأن الأوردة فيها بتكون متضخمة جدا ومرئية بوضوح ، والدكتور بيقدر يشوفها ويحسها بسهولة من خلال الفحص ، لان الدرجة دي بتعمل تغير كبير وواضح في شكل كيس الصفن وحجمه.
ودلوقتي تعالوا نعرف مع بعض
ازاى بنشخص دوالي الخصية ؟
1/ من خلال الفحص اليدوي : وفي الحالة دي المريض لازم يكون واقف ، لانه بيكون صعب علي الدكتور تشخيص وجود دوالي الخصية والمريض نايم.
2/ تحليل السائل المنوي : وهنا الدكتور بيطلب من المريض تحليل سائل منوي علشان يوضح تأثير دوالي الخصية على إنتاج الحيوانات المنوية ، لان دوالي الخصية من أهم أسباب انعدام الحيوانات المنوية في الخصية.
3/ الفحص بالموجات فوق الصوتية : وده بيكون عن طريق اشعة الدوبلر الملون ، وهو فحص امن ومش بيسبب للمريض أي ألم ، وبيستخدمه الدكتور علشان يوضح حجم الخصيتين بالظبط بالملى ، وطبيعة تدفق الدم في الاوردة ، وحجم الأوردة بالظبط ، لان حجم الاوردة الطبيعي بيكون 2ملم ، لكن لما تزيد حجم الأوردة عن 3ملم ، ده بيؤكد وجود دوالي في الخصية.
ودلوقتي تعالوا نجاوب على أهم سؤال عندنا، وهو ايه هي المضاعفات اللي ممكن تسببها الدرجة الثالثة من دوالي الخصية…
1/ دوالي الخصية بتكون خطيرة على المراهقين لانها بتسبب لهم بطء في نمو الخصية ، ده غير انها بتسبب للكبار صغر وانكماش في حجم الخصية ، ومع الوقت ممكن يوصل لضمور الخصية.
2/ بتسبب تاخر في الانجاب : وهنا لازم تكون عارف ان الخصية في المصنع الرئيسي اللي بينتج الحيوانات المنوية ، والخصية علشان تقدر تنتج حيوان منوي سليم يقدر يخصب البويضة ويكون جنين ، لازم درجة حرارتها تكون أقل من درجة حرارة الجسم الطبيعية بحوالي درجتين ، عشان الدم اللي يوصلها يكون بارد وتقدر تنتج حيوانات منوية ، لكن دوالي الخصية وخصوصا لو كانت من الدرجة الثانية أو الثالثة ، هترفع من درجة حرارة الخصية وهتزيد من تراكم المواد المؤكسدة ( ROS ) اللي بتأثر على الخصية وانتاجها للحيوانات المنوية ، وبتاثر على الهرمونات المسؤولة عن إنتاج الحيوانات المنوية ، وكمان بتسبب تكسير في المادة الوراثية الموجودة في رأس الحيوان المنوي ، ده غير كمان انها بتسبب انخفاض في هرمون الذكورة في الجسم ، وده هياثر علي صحة وجودة الحيوانات المنوية من حيث عددها وحركتها وشكلها ، وكل ده هيسبب تأخر في الإنجاب.
ودلوقتي تعالوا نعرف :
ايه هو علاج دوالي الخصية من الدرجة الثالثة ؟
في البداية لازم تكون عارف ان علاج دوالي الخصية الوحيد هو الجراحة ، بالجراحة الميكروسكوبية افضل واحسن طريقة تعالج بيها دوالي الخصية.
1/ لأن الميكروسكوب الجراحي بيكبر مكان العملية لغاية 25 ضعف ، وده بيساعدنا نشوف كل الأوردة و الشرايين بوضوح.
2/ الميكروسكوب الجراحي بيساعدنا نربط الأوردة الثانوية والصغيرة عشان نمنع رجوع الدوالي مرة ثانية بعد العملية.
3/ والميكروسكوب بيساعدنا نبعد عن الشعيرات والأوعية الليمفاوية اللي لو اتربطت بالغلط ممكن تسبب قيلة مائية على الخصية.
4/ ده غير اننا بنقدر نحافظ على الشريان الخصوي اللي بيوصل الدم للخصية ، واللى لو حصله اى ضرر وقت العملية هيسبب ضمور للخصية.
5/ وبنقدر اننا نروح من المستشفى في نفس اليوم، وننزل شغلنا عادي جدا بعد 3-5 أيام ، أما بالنسبة للعلاقة الزوجية، فبنقدر نمارسها بعد العملية بأسبوع.
ولو عايز تعرف ازاى تهتم بجرح العملية واي الادوية اللي هتاخدها ، اسمع الفيديو ده مع الدكتور اسامة البكل…
في النهاية ، لازم تكون عارف ان دوالي الخصية مش خطر بيهدد حياتك ، وحتى لو كانت من الدرجة الثالثة اللي هي أخطر أنواع دوالي الخصية ، فهي برضه مش هتحرمك من الانجاب ، بس المهم انك متهملهاش وتتشخص صح وتختار الطريقة اللي تتعالج بيها صح ، علشان تحقق حلمك ويكون عندك أطفال.
ولو احتجت انك تتواصل معانا ونحجز لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني ، تقدر تتواصل معانا على الرقم ده 01018874287