ايه هو سبب تأخر الإنجاب رغم أن تحليل السائل المنوي سليم ؟ 

ايه هو سبب تأخر الإنجاب رغم أن تحليل السائل المنوي سليم ؟ 

تحليل السائل المنوي بيكون مؤشر أساسي على قدرة الزوج على الإنجاب ، لكن ممكن تكون كل نتايج التحليل سليمة زي أن الحركة تكون طبيعية ، والعدد طبيعي ونسبة التشوهات طبيعية ، ومع ذلك يحصل تأخر في الإنجاب في الحالة دي لازم نعمل تحليل تكسير المادة الوراثية في الحيوان المنوي ، لأنها من أهم أسباب تأخر الإنجاب عند الرجال.

و قبل ما نتكلم عن أن ازاى ممكن يحصل تأخر في الإنجاب و تحليل السائل المنوى سليم ، خلونا الاول نعرف شوية حاجات زى : 

امتى نقول اصلا ان في تأخر في الإنجاب ؟

1/ أن الزوجين يكون عدى على زواجهم أكثر من سنة .

2/ وتكون العلاقة الزوجية بتم بانتظام .

3/ والزوجة تكون معندهاش اي موانع للحمل .

و في الحالة دي بنطلب من الزوج يعمل تحليل للسائل المنوي ، و لازم نعمل التحليل ده اكتر من مره ، ويكون على فترات متباعدة علشان نتاكد من نتيجة التحليل كويس ، لان علشان نحكم على تحليل السائل المنوي انه سليم ، لازم يكون من خلال شوية معايير زي : 

1- عدد الحيوانات المنوية

العدد الطبيعي للحيوانات المنوية لازم يكون اكتر من 39 مليون حيوان منوي في عملية القذف الواحدة وأكثر من 15 مليون حيوان منوي في الملي الواحد ، و ده معناه إن العدد طبيعي .

2- أما بالنسبة للحركة

لازم الحيوان المنوي يتحرك حركة تقدمية سريعة ، يعني في خط مستقيم أو دوائر واسعة بسرعة 25 ميكرو متر في الثانية ، فلو كانت الحركة بالشكل ده ، فده معناه ان حركة الحيوان المنوي طبيعية وتحليل السائل المنوي سليم .

3- نسبة التشوهات

الطبيعي أن السائل المنوي يكون في نسبة من الحيوانات المنوية المشوهة ، لكن النسبة دي لازم تكون أقل من 96% فلو لقينا نسبة التشوهات في الحدود دي، يبقى التحليل سليم .

وتحليل تكسير المادة الوراثية في الحيوانات المنوية يعتبر واحد من أهم التحاليل المعملية اللي بيتم إجراؤها على الحيوانات المنوية علشان نتاكد من سلامة الحمض النووي ، وهنا لازم تكون عارف ان الحمض النووي أو المادة الوراثية دى بتكون موجودة في راس الحيوان المنوي وهي اللي بتحمل المعلومات الوراثية الخاصة بالاب علشان تتحد مع المعلومات الوراثية الخاصة بالأم لتكوين الجنين ، ولو في اي خلل او تكسير في المادة الوراثية ده بيقلل من قدرة الحيوان المنوي على إخصاب البويضة ، وطبعا هيسبب تأخر في الانجاب ، ده غير ان تكسير الماده الوراثية كمان بيزود من فرصة ان يحصل للزوجة اجهاض مبكر في حالة حدوث حمل طبيعي . 

وهنا لازم تعرف معلومة مهمة جدا ، وهي ان تحليل تكسير المادة الوراثية هو اللي بيكشفلنا عن أي خلل في المادة الوراثية للحيوان المنوي ، و ان ده مش بيظهر فى تحليل السائل المنوي العادي ، لان تحليل السائل المنوي العادي بيكشف بس عن عدد وجودة وحركة الحيوانات المنوية بالإضافة إلى نسبة التشوهات ونسبة الحموضة فى السائل المنوى 

وده اثبتته دراسة علمية بأن حوالي من 20-40 % من الرجال بتكون نتائج تحليل السائل المنوي عندهم طبيعية ومع ذلك بيكون عندهم خلل وتكسير في المادة الوراثية ، وده طبعا بيكون السبب في حالات تأخر الإنجاب أو الإجهاض المتكرر للزوجة .

 ولو عايز تعرف معلومات اكثر عن اسباب تفتت المادة الوراثية عند الرجال وعلاقته بتاخر الانجاب والسقط المبكر عند الزوجة ، اسمع الفيديو ده مع الدكتور اسامة البكل……

طيب ازاى بنعالج تكسير المادة الوراثية ؟

علشان نقدر نعالج تكسير المادة الوراثية الموجودة في الحيوان المنوي ، لازم الاول نعالج السبب اللي ادى الى حدوث خلل في الحمض النووي ، ولازم كمان تبقي عارف ان اسباب كتيرة لتكسير المادة الوراثية ، و اللي من أهمها

 1/ التدخين 

2/ أو وجود التهابات في مسار خروج السائل المنوي 

3/ وأهم اسباب تكسير المادة الوراثية هي دوالي الخصيتين

وهنا لازم تبقي عارف ان عملية دوالي الخصية بتحسن من نتائج تحليل السائل المنوي و بتحسن من حركة الحيوان المنوي و بتزيد من العدد و بتقلل من نسبة التشوهات ، وكمان بتقلل من معدل تكسير المادة الوراثية الموجودة في رأس الحيوان المنوي والمسؤولة عن تأخر الإنجاب والإجهاض المتكرر وبالتالي بتحسن من فرص حدوث الحمل واكتماله. 

ولو عايز تعرف طرق علاج دوالي الخصية اضغط هنا…

في النهاية ، لازم تكون عارف ان تحليل السائل المنوي مش مؤشر لتأخر الإنجاب ، و ان لو تحليل السائل المنوى سليم يبقى اكيد تأخر الانجاب سببه مشكلة عند الزوجة ، لأن في تحاليل وفحوصات تانية لازم تعملها واللي بتوضح سبب تأخر الإنجاب زي تحليل تكسير المادة الوراثية ، ولو خلاص قررت وعاوز تتابع معانا مشكلتك ، تقدر تتواصل معانا على الرقم ده 01018874287 ، واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.