هل عملية تركيب دعامة القضيب ليها مضاعفات؟
ضعف الانتصاب مشكلة شائعة بتواجه حوالي 20-40% من الرجال ، وبيكون ليها أسباب ومشاكل متعددة بتؤدي للإصابة بالضعف الجنسي ، ولكن بعد ما بنكون لجأنا للادوية والمنشطات الجنسية ، والحقن الموضعي وفشلت معانا ، وقتها بنلجأ لتركيب دعامة القضيب باعتبارها هي أفضل حل لعلاج مشكلة ضعف الانتصاب.
ودلوقتي تعالوا نعرف مع بعض ايه هي دعامة القضيب وأهميتها ، وهل ليها مضاعفات بعد العملية ولا لا…
في البداية ، لازم تكون عارف ان ضعف الانتصاب بيحصل لما يكون في خلل في الاوعية الدموية اللي بتوصل الدم للقضيب ، سواء ضعف في ضخ الدم أو مش بيتم الاحتفاظ بالدم داخل القضيب المدة الكافية لحد ما نخلص وقت العلاقة الزوجية.
والدعامة في الحالة دي بتعالج مشكلة ضعف الانتصاب بشكل نهائي ، لأننا بنلجأ لها بعد ما بيكون الشخص جرب كل الطرق العلاجية في علاج ضعف الانتصاب زي الأدوية والحقن الموضعي وفشل معاه ، فالدعامة بتساعد على انتصاب العضو الذكري بشكل يشبه الانتصاب الطبيعي تمامًا ، ده غير كمان ان مش بيكون شرط اللي يركبها يكون سن معين ، وينفع أي شخص يركب دعامة القضيب سواء كان شاب ، أو في منتصف العمر، أو حتى كبير في السن.
ودلوقتي تعالوا نعرف ايه هي أهمية تركيب دعامة العضو الذكري:
- لأنها بتقضي بشكل نهائي على مشكلة ضعف الانتصاب ، من غير ما نلجأ لأي أدوية علاجية لفترة طويلة.
- ودعامة القضيب مش بتعمل أي تغير في شكل أو حجم العضو الذكري وبيفضل زي ماهو.
- بتحافظ على استمرار انتصاب القضيب لفترة طويلة.
- الأدوية أو المنشطات الجنسية آثارها بيروح أول ما بنوقف استخدامهما، لكن الدعامة آثارها مستمر بشكل دائم.
- بعض الأدوية أو المنشطات الجنسية ممكن تسبب مضاعفات زي هبوط في الدورة الدموية أو مشاكل في الضغط، لكن الدعامة مش بتسبب أي مشاكل صحية للشخص.
- الأشخاص المصابين بالأمراض المزمنة زي السكر أو الضغط أو القلب مينفعش أنهم ياخدوا أدوية أو منشطات ، لكن الدعامة ينفع كل الأشخاص أنهم يركبوها حتى اللي عندهم أمراض مزمنة.
وبعد ما عرفنا أهمية تركيب دعامة القضيب ، تعالوا نجاوب على سؤالنا ، هل عملية تركيب دعامة القضيب ليها مضاعفات؟
في البداية لازم تكون عارف أن عملية تركيب دعامة القضيب عملية سهلة وبسيطة جدًا ، وبالرغم من أنها بتحقق نسبة نجاح تصل إلى 95% ، إلا أن في بعض المضاعفات ممكن تحصل بعد تركيب الدعامة ، لو الدعامة اتركبت بطريقة غلط ، زي:
- لو كان المكان اللي بنعمل فيه العملية مش متعقم كويس ، أو أن الجراح يكون مش متخصص وعنده خبرة في إجراء العملية.
- أو أن العملية تكون فشلت ، لأن الجراح اختار دعامة حجمها مش مناسب مع العضو الذكري
- فلو كانت الدعامة أقصر من العضو الذكري: ممكن العضو الذكري يحصل فيه انحناء، وده هيخلي شكل العضو غريب وقت الانتصاب، ورأس العضو هتكون فاضية، وكمان الدعامة في الحالة دي مرونتها بتكون قليلة جدًا وممكن تتكسر.
- لكن لو كانت الدعامة أطول من العضو الذكري: وقتها هتسبب ألم ووجع شديد للشخص وقت الانتصاب، وممكن كمان تخرم رأس العضو الذكري أو أنها تخترق مجرى البول.
- لو الشخص اللي ركب الدعامة كان مريض سكر أو مريض قلب ، وملتزمش بالتعليمات ، وكان في إهمال في تظبيط السكر قبل أو بعد العملية ساعتها الجرح مش هيلتئم وممكن يحصل فيه عدوى أو التهابات.
- كمان لو الشخص ملتزمناش بالتعليمات الطبية بالغيار على الجرح وجرعات الأدوية الموصوفة في الموعد اللي حدده الدكتور ساعتها ممكن يحصل مضاعفات لا قدر الله.
وعلشان نتجنب المضاعفات دي ونعرف نختار دعامة مناسبة للعضو الذكري ، في شوية تعليمات لازم الأول نعملها علشان نتجنب أي مضاعفات ممكن تحصل بعد العملية زي :
- لازم نتأكد أن المكان اللي هنعمل فيه العملية يكون متعقم كويس جدًا ، وأن الجراح اللي هيعمل العملية يكون متخصص وعنده خبرة في إجراء النوع ده من العمليات.
- لو عندك أي أمراض مزمنة زي السكر أو القلب ، لازم يكون في إجراءات خاصة قبل وبعد العملية ولازم مستوى السكر في الدم يكون متضبط وتختار نوع دعامة مناسبة لحالتك الصحية.
- لازم تكون عارف طول وحجم العضو الذكري قد إيه بالظبط علشان تختار نوع دعامة مناسبة ليك علشان تتجنب اي مضاعفات.
- هل الشخص اللي هيركب الدعامة عمل أي عمليات جراحية في البطن أو الحوض ولا لا؟، علشان ميحصلش أي مضاعفات خطيرة بعد إجراء العملية.
ولو عايز تعرف اكثر عن الاجراءات اللي تعملها قبل عملية تركيب دعامة القضيب علشان تتجنب حدوث أي مضاعفات ، اسمع الفيديو ده مع الدكتور اسامة البكل…
في النهاية ، لازم تكون عارف أن عملية تركيب دعامة القضيب سهلة وبسيطة جدًا ، بس علشان العملية تنجح ومايكونش ليها أي أضرار أو مضاعفات ، لازم تتأكد كويس جدًا من المكان اللي هتعمل فيه العملية ، وأن الجراح يكون متخصص ويعرف يختار نوع دعامة مناسبة للعضو الذكري ، ولازم كمان يدي للمريض جرعة مضاد حيوي قبل العملية عشان يمنع حدوث أي عدوى أو التهاب بعد العملية. .
ولو محتاج تتابع معانا مشكلتك، تقدر تتواصل معانا على رقم 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.