هل مرض بيروني يسبب ضعف الانتصاب؟
يعاني حوالي 30 إلى 50% من الرجال من ضعف الانتصاب ، ويعتبر من اكثر المشاكل اللي بتأثر على الرجل نفسيا لاحساسه بالعجز والاحراج قدام زوجته ، وزي ما قولنا قبل كدة ان ضعف الانتصاب بيحصل نتيجة خلل في الأوعية الدموية اللي بتوصل الدم إلى القضيب ، والخلل ده ياما بيكون ضعف في ضخ الدم للقضيب أو عدم الحفاظ على الدم داخل العضو المدة الكافية لحد ما يخلص العلاقة الزوجية ، والضعف ده بيحصل لأسباب عضوية أو نفسية ، ولكن من أهم الاسباب العضوية اللي بتؤدي الي ضعف الانتصاب هي الإصابة بمرض بيروني.
لكن قبل ما نتكلم عن علاقة مرض بيروني بضعف الانتصاب، خلونا الاول نوضح إيه هو اصلا مرض بيروني
في البداية لازم تكون عارف ان العضو الذكري بيتكون من 3 أنابيب ، انبوببتين اسمهم النسيج الكهفي وده اللي بيكون مسؤول عن انتصاب القضيب لما بيتعرض الشخص للإثارة الجنسية ، والانبوبة الثالثة وتسمى النسيج الاسفنجي ودي اللي بيكون جواها فتحة مجري البول.
ومرض بيروني بيكون عبارة عن تليفات بتحصل في أنسجة القضيب ، والتليفات دي بتكون بالتحديد في طبقة الغلالة البيضاء المحيطة بالنسيج الكهفي واللي ليها دور كبير في صلابة القضيب عند الانتصاب ، والتليفات دي ممكن تخلي شكل القضيب يبان أقصر وقت الانتصاب ، لان الاماكن اللي بيكون فيها تليفات مش بتتمدد وقت الانتصاب ، وده طبعا هيسبب انحناء او اعوجاج للقضيب ، والاعوجاج ده ياما بيكون ناحية اليمين او الشمال ، ياما بيكون الاعوجاج لفوق او انحناء لتحت.
وبعد ما عرفنا ايه هو مرض بيروني، تعالوا نعرف مع بعض ايه هى أسبابه وأعراضه:
أسباب الإصابة بمرض بيروني بيتم تقسيمها إلى :
- أسباب خلقية
- أسباب مكتسبة
1/ الأسباب الخلقية : وده عيب خلقي بيحدث نتيجة خلل في نمو أنسجة العضو الذكري ، اتسبب في اعوجاج او انحناء القضيب.
2/ الأسباب المكتسبة : بمعنى ان العضو الذكري في الاول كان طبيعي ومفيش اي مشكلة في الانتصاب ، ولكن بعد كده بدا يكون في انحناء او اعوجاج في القضيب مكنش موجود قبل كده ، وده بيكون نتيجة لأسباب كثير زي :
- الإصابة بمرض السكر : لانه بيضعف الاعصاب ، وكمان بياثر علي ضخ الدم جوا الشرايين.
- لو اتصابنا إصابة شديدة في القضيب : أثناء ممارسة العلاقة الزوجية بعنف ، أو خلال ممارسة الأنشطة الرياضية أو الحوادث.
- لو عندنا نقص في مستوى هرمون الذكورة : لانه بيسبب انخفاض في الرغبة الجنسية.
- التدخين بشراهة.
- لو عندنا زيادة في نسبة الدهون في الدم.
ودلوقتي تعالوا نعرف مع بعض ايه هى الاعراض والعلامات اللي بتكون عند مريض بيروني:
1/ انحناء القضيب : بمعنى أنه قد يظهر القضيب منحني بشكل واضح جدا وقت الانتصاب ، وده طبعا مش بيسبب الم للشخص بس ، ده كمان بيسبب الم شديد جدا للزوجه اثناء العلاقة الزوجية.
2/ إحساس الشخص بوجود كتل أو ندبات على جلد القضيب : بمعني انه بيشعر الشخص بوجود كتل أو تليفات تحت جسم القضيب ، والتليفات دي هي اللي بتسبب الانحناء.
3/ قصر طول القضيب : بمعنى إن التليفات والندبات اللي بتحصل في القضيب ، بتعمل انكماش وصغر في طول القضيب.
4/ ضعف الانتصاب : بمعنى إن التليفات اللي بتحصل اسفل جسم القضيب ، بتاثر على الدورة الدموية في القضيب و بتمنع من وصول الدم الى القضيب ، وبالتالي هيسبب ضعف انتصاب.
ودلوقتي تعالوا نعرف ايه هي المضاعفات والاضرار اللي ممكن يسببها مرض بيروني:
1/ قد يسبب صعوبة في الانتصاب او الحفاظ عليه.
2/ وقد يسبب الاحراج والتوتر بخصوص العلاقة مع الزوجة.
3/ وقد يسبب انحناء او اعوجاج القضيب الى الم شديد في العلاقة الزوجية.
4/ ويسبب قصر في طول القضيب.
5/ واكبر مشكلة ممكن يسببها مرض بيروني هي تأخر الإنجاب ، لأن الشخص اللي بيعاني من اعوجاج أو انحناء القضيب مش هيبقي قادر بسبب الالم أنه يمارس العلاقة الزوجية ، وبالتالي كل ده هيسبب مشاكل في الانجاب.
إذا مرض بيروني بيسبب للشخص ضعف انتصاب أثناء ممارسة العلاقة الزوجية ، وفي الحالة دي علشان نعالج ضعف الانتصاب ، لازم في الاول نعالج الانحناء والاعوجاج اللي سبب ضعف الانتصاب ، والعلاج الوحيد هنا هيكون عن طريق تركيب دعامة العضو الذكري ، لانها في الحالة دي بتصلح الاعوجاج وكمان بتعالج ضعف الانتصاب.
ولو عايز تعرف هل التليف في العضو الذكري ( مرض بيروني ) ممكن يمنع تركيب دعامة القضيب ؟ ، اسمع الفيديو ده مع الدكتور اسامة البكل….