هل دوالي الخصية من الدرجة الثالثة تؤثر على الإنجاب؟

هل دوالي الخصية من الدرجة الثالثة تؤثر على الإنجاب؟

دوالي الخصية تعتبر من أكثر الأمراض الشائعة اللي بتصيب حوالي 15% من الرجال ، ولازم تكون عارف ان دوالي الخصية 3 درجات ، وإن الدرجة الأولى والثانية مش بيسببوا اي الم او تأثير على الشخص ، ولكن الخطورة كلها بتكون في الدرجة الثالثة ، وده بيكون نتيجة تجمع الدم بكميات كبيرة في الأوردة ، بالتالي مضاعفاتها هتكون أكبر ، لأنها بتكون السبب في اصابة حوالي 40% من الرجال بتأخر الانجاب او العقم التام.

ولكن قبل ما نتكلم عن تأثير الدرجة الثالثة من دوالي الخصية على الإنجاب

تعالوا الاول نأخذ نبذة بسيطة عن دوالي الخصيتين.

في البداية لازم تكون عارف ان دوالي الخصية هي عبارة عن تضخم في الاوردة المحيطة بالخصية الموجودة جوا كيس الصفن ، والتضخم ده بيحصل نتيجة لضعف الصمامات الموجودة في الأوردة واللي بتكون مسؤولة عن تنظيم تدفق الدم من الخصيتين الى القلب ومنع عودته تاني للخصية ، وبالتالي لما الصمامات دي تضعف ويحصل فيها خلل ، ساعتها الدم اللي طالع من الخصية في اتجاه القلب ، هيرجع تاني للخصية ويفضل يتراكم جوا الأوردة ، والاوردة تفضل تتمدد وتنتفخ ، وهو ده اللي بيكون السبب في الاصابة بدوالي الخصية.

ودلوقتي تعالوا نعرف ايه هي درجات دوالي الخصية: 

خليني اقولك ان دوالي الخصية 3 درجات 

1/ الدرجة الأولى: تعتبر ابسط درجة من درجات دوالي الخصية ، ومش بتسبب أي ألم للمريض ، والدكتور مش بيقدر يشوفها ويفحصها إلا من خلال الفحص بالموجات فوق الصوتية.

2/ الدرجة الثانية: الاوردة فيها بتكون مش مرئية ، والدكتور ممكن يحس بيها من خلال الفحص اليدوي ، لما بيطلب من المريض انه يتنفس بعمق ويحبس النفس فترة قصيرة ويضغط بجسمه لتحت علشان يعرف يفحص كيس الصفن ويشوف لو في اي أوردة منتفخة.

3/ الدرجة الثالثة: هي أخطر درجة من درجات دوالي الخصية ، ومضاعفاتها بتكون أكبر ، وده لأن الأوردة فيها بتكون منتفخة جدا ، والدكتور بيقدر يشوفها ويفحصها بالايد ، لأنها بتكون مسببة تغير كبير وواضح في شكل كيس الصفن وحجمه.

ودلوقتي جه الوقت اللي نجاوب فيه على سؤالنا وهو 

هل دوالي الخصية من الدرجة الثالثة بتاثر على الانجاب؟

الإجابة ببساطة ايوا ، دوالي الخصية هي السبب الرئيسي والأول في تأخر الإنجاب عند الرجال.

بس في الاول لازم تكون عارف ان الخصية هي المصنع المسؤول عن انتاج الحيوانات المنوية واللي مسؤولة عن إنجاب طفل ، بالتالي الخصية علشان تقدر تنتج حيوان منوي سليم يقدر يخصب البويضة عند الزوجة ويكون جنين ، لازم تكون درجة حرارتها أقل من درجة حرارة الجسم الطبيعية بحوالي درجتين ، عشان كدة ربنا سبحانه وتعالي خلق الخصيتين بره الجسم وداخل كيس الصفن ، علشان يحميها من درجة حرارة الجسم العالية ، وعلشان الدم اللي يوصلها يكون دم بارد ، فتقدر تنتج حيوانات منوية سليمة.

لكن في حالة لو الشخص ده كان عنده دوالي في الخصية وخصوصا بقى لو كانت الدوالي دي من الدرجة الثانية أو الثالثة ، ساعتها الدم اللي خارج من الاوردة هيرجع تاني للخصية ويفضل يتراكم ويرفع من درجة حرارة الخصية ، ويزيد من تراكم المواد المؤكسدة (Ros) اللي هتسبب: 

1/ ضرر كبير على الحيوانات المنوية السليمة والمكتملة في الخصية.

2/ وهتضر بالهرمونات المسؤولة عن إنتاج الحيوانات المنوية.

3/ وهتسبب نقص في عدد الحيوانات المنوية وضعف في حركتها.

4/ وهترفع من نسبة تشوهات الحيوانات المنوية لأكثر من 96%.

5/ وهتسبب انخفاض في هرمون الذكورة واللي بيكون السبب في انخفاض الرغبة الجنسية وضعف الانتصاب.

6/ وهتسبب تكسير في المادة الوراثية الموجودة في رأس الحيوان المنوي ، لأن زي ما قولنا قبل كدة ان دوالي الخصية بتسبب تشوه في الحيوان المنوي ، والتشوه ده ممكن يكون في رأس الحيوان المنوي ، اللي جواها المادة الوراثية المسؤولة عن تكوين الجنين ، ولو حصل فيها أي تفتت ، ده هيضعف من قدرة الحيوان المنوي على الوصول للبويضة وتخصيبها وحدوث الحمل ، او ممكن يحصل حمل ، لكن فرصة اكتماله هتكون ضعيفة جدا ، وهيحصل اجهاض للزوجة في خلال اول 3 شهور من الحمل.

وبكدة نفهم من كل ده ، ان دوالي الخصيتين هي سبب تأخر الانجاب والاجهاض المتكرر عند الزوجة ، لان مفيش حيوان منوي سليم قادر يخصب البويضة ويكون جنين. 

لو عايز تعرف ازاي تتاكد انك لازم تعمل عملية دوالي الخصية ، اسمع الفيديو ده مع الدكتور اسامة البكل…

اولا: لأن الجراح في الجراحة الميكروسكوبية بيستعين بالميكروسكوب اللي بيكبر الرؤية لحد 25 ضعف ، وده بيخلينا نشوف الاوردة والشرايين بشكل واضح جدا وكمان بنقدر نحافظ على الشريان الخصوي اللي بيغذي الخصية بالدم.

ثانيا: وكمان بنقدر بسبب قوة التكبير دي اننا نتجنب رجوع الدوالي تاني بعد العملية ، لأننا بنقدر نوصل للأوردة الصغيرة جدا والدقيقة اللي فيها الدوالي ونربطها كلها.

ثالثا: وكمان بنقدر نحافظ على الأوعية الليمفاوية ونتجنب ربطها بالغلط مع الاوردة المصابة وكده مش هيحصلنا قيلة مائية على الخصية.

رابعا: والعملية مش بتستغرق أكثر من ساعة واحدة بس ، وبعدها المريض بيقدر يروح بيته بعد 3 او 4 ساعات ، وبيقدر كمان ينزل الشغل بعد يومين بالظبط من العملية.

خامسا: ويقدر يمارس العلاقة الزوجية بعد العملية بأسبوع واحد.

وفي النهاية ، أحب اطمنك واقولك ان دوالي الخصية زي ما هي مرض شائع والسبب الرئيسي في اصابتك بتأخر الانجاب او العقم ، فهي برضو ليها علاج أيا كانت درجتها أو تأثيرها وخطورتها عليك ، بس الاهم من كل ده ، إنك تتشخص صح وتختار الطريقة اللي تعالج بيها دوالي الخصية صح ، علشان تتخلص منها بشكل نهائي من غير ما تضر الخصية ، ومن غير ما يكون في اي نسبة رجوع للدوالي تاني بعد العملية.

ولو لسه عندك اي تساؤل او استفسار عن علاج دوالي الخصية، تقدر تتواصل مع الفريق الطبي على الرقم ده 01018874287 وهما هيجاوبوا على كل اسئلتك، او ممكن تطلب منهم تحديد ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.