هل دوالي الخصية تسبب الضعف الجنسي ؟
العلاقة بين دوالي الخصية والضعف الجنسي تعتبر واحدة من أهم الموضوعات الحساسة اللي بتشغل بال اي راجل ، وعلى الرغم من أن نسبة كبيرة من الرجال اللي بيعانوا من دوالي الخصية مش بتظهر عليهم أي أعراض واضحة ، إلا أن دوالي الخصية اوقات بتكون مصدر قلق في المواضيع اللي بتخص الانجاب والاصابة بالعقم ، واخيرا تأثيرها على الرغبة الجنسية والانتصاب ، فهل فعلا دوالي الخصية بتسبب ضعف جنسي ؟
هجاوبك على السؤال ده ، بس الاول خليني اقولك ايه هي دوالي الخصية :
دوالي الخصية هي عبارة عن تضخم في الاوردة المحيطة بالخصية والموجودة جوا كيس الصفن ، والتضخم ده بيحصل نتيجة ضعف الصمامات الموجودة في الاوردة واللي بتكون مسؤولة عن تنظيم تدفق الدم من الخصيتين الى القلب ومنع عودته تاني للخصية ، فلما الصمامات دي بتضعف او بيحصل فيها عيب او خلل ، ساعتها الدم اللي طالع من الخصية في اتجاه القلب ، هيرجع تاني للخصية ويفضل يتراكم جوا الاوردة ويتمدد وهو ده اللي بيسبب دوالي الخصية.
ودلوقتي تعالي اجاوبك على سؤالك ، هل دوالي الخصية بتسبب ضعف جنسي ؟
في البداية لازم تكون عارف ان دوالي الخصية مش بتسبب ضعف جنسي بشكل مباشر ، ولكن خليني اقولك ان الخصية هي المصنع المسؤول عن إنتاج هرمون الذكورة المسؤول عن تعزيز الرغبة الجنسية وحدوث الانتصاب.
وده بيكون عن طريق الغدة النخامية في المخ اللي بتفرز هرمون LH اللي بيمشي في الدم ويروح لخلايا ليدج في الخصية علشان تنتج هرمون التستوستيرون ( هرمون الذكورة ).
ولازم تكون عارف ان هرمون التستوستيرون بيكون ليه دور مهم في الوظائف الجنسية وبيساهم في تطوير ملامح الذكورة ، زي :
1/ ظهور شعر الوجه والجسم.
2/ زيادة كتلة العضلات.
3/ بنية الجسم القوية.
4/ إنتاج الحيوانات المنوية.
5/ تعزيز الرغبة الجنسية وحدوث الانتصاب.
وبعد ما عرفنا أن هرمون الذكورة هو المسؤول عن تعزيز وزيادة الرغبة الجنسية وانتصاب العضو الذكري ، تعالوا نعرف ازاي دوالي الخصية بتسبب انخفاض في هرمون الذكورة :
في البداية لازم تكون عارف ان دوالي الخصية بتاثر على الخصية وخصوصا لو كانت الدوالي دي من الدرجة الثانية أو الثالثة ، هترفع من درجة حرارة الخصية وهتزيد من تراكم المواد المؤكسدة ( ROS ) اللي هتاثر علي الخصية وهتاثر على خلايا ليدج في الخصية اللي بتنتج هرمون الذكورة ، وبكدة هتبدا مستويات هرمون الذكورة تقل في الجسم ، وده هيسبب :
2/ ضعف انتصاب.
لان زي ما وضحنا قبل كدة ان علشان تقدر تقيم علاقة زوجية ناجحة ويحصل انتصاب للعضو الذكري ، لازم يكون عندك كمية مناسبة من هرمون التستوستيرون ورغبة جنسية كافية في العلاقة ، واللي بيحسن الرغبة الجنسية هو هرمون التستوستيرون ، ولو مستواه قل في الجسم عن المعدل الطبيعي ، هيسبب انخفاض في الرغبة الجنسية وضعف انتصاب.
وبعد ما عرفنا ان دوالي الخصية مش بتسبب ضعف جنسي بشكل مباشر ، ولكن تعتبر السبب المباشر والرئيسي لانخفاض هرمون التستوستيرون ، ولازم تكون عارف ان الحل الوحيد علشان تعالج المشكلة دي وتحسن من مستوى هرمون الذكورة في الجسم وتحسن الرغبة الجنسية ويكون عندك انتصاب قوي أثناء ممارسة العلاقة الزوجية ، لازم تعالج دوالي الخصية ، وعلاج دوالي الخصية مش علاج دوائي ، علاج دوالي الخصية علاج جراحي بالجراحة الميكروسكوبية ، افضل واحسن طريقة تعالج بيها دوالي الخصية من غير ما تضر الخصية
1/ لان في الجراحة الميكروسكوبية بنستخدم الميكروسكوب الجراحي اللي بيكبر مكان العملية لحد 25 ضعف.
2/ وبسبب قوة تكبير الميكروسكوب بيساعدنا اننا نحافظ على الشريان الخصوي اللى بيغذى الخصية بالدم ، و بكده الخصية مش هيحصلها أي ضرر.
3/ التكبير كمان بيساعد اننا نوصل للأوردة الدقيقة والصغيرة ، ونربطها كلها عشان ميحصلش ارتجاع للدوالي مره تانيه.
4/ وكمان بنقدر اننا نشوف الشعيرات الليمفاويه ،علشان منربطهاش بالغلط مع الأوردة ، وبكدة مش هيحصلنا قيلة مائية على الخصية.
5/ ده غير كمان ان العملية مش بتاخد اكتر من ساعه ، وكمان بنقدر نروح بعد العملية ب 3-4 ساعات ، و ممكن ننزل الشغل بعد 3-5 أيام.
6/ وبالنسبة للعلاقة الزوجية بنقدر نمارسها بعد العملية بأسبوع واحد بس.
<> ولو عالجنا دوالي الخصية ولقينا ان نسبة هرمون الذكورة لسه قليلة في الجسم ، وقتها العلاج هيكون عن طريق الأدوية ببدائل التستوستيرون ، علشان نعوض نقصه في الجسم ، ده غير ان الادوية دى بتعمل على تحسين الأداء والوظيفة الجنسية من خلال :
1/ زيادة الرغبة الجنسية.
2/ زيادة النشاط والكتلة العضلية.
3/ تحسين المزاج.
4/ والادوية دي هتقلل من خطر الاصابة بالمشاكل الصحية اللي بتسبب ضعف انتصاب زي مرض السكر.
ولو لسه عايز تعرف معلومات اكثر عن هل دوالي الخصية أو عملية دوالي الخصية ممكن تسبب لك ضعف جنسي ، اسمع الفيديو ده من الدكتور اسامة البكل….
في النهاية ، لازم تكون عارف ان صحتك الجنسية والإنجابية هي اهم حاجة عندك ، لازم تحافظ عليهم ، ولو حصل فيهم اي مشكلة ، لازم تعالجها فورا ، علشان من خلالهم تقدر تمارس حياتك بشكل طبيعي ، ويكون عندك قدرة جنسية كافية وقدرة على إنجاب أطفال.
ولو لسه عندك اي تساؤل او استفسار تقدر تتواصل معانا على الرقم ده 01018874287 ، واحنا هنحجزلك ميعاد مع الدكتور اسامة محمد البكل مدرس واستشاري طب وجراحة امراض الذكورة وتاخر الانجاب والصحة الجنسية بطب القصر العيني.