هل دوالي الخصية بتمنع من دخول الكليات العسكرية ؟
الالتحاق بالكليات العسكرية، سواء شرطة او حربية، بيكون حلم كل شاب ولكن في بعض المعوقات الطبية اللي بتأثر علي قبولك داخل أي كلية عسكرية ، وواحدة من أهم المعوقات دي هي دوالي الخصية.
وزي ما قولنا قبل كدة ان دوالي الخصية هي تضخم في الأوردة الموجودة حول الخصية داخل كيس الصفن ، والحالة دي بتكون شائعة بين سن 15 لـ25 سنة، وبتزيد مع مرور الوقت، خصوصا في فترة البلوغ ، لأن الخصيتين في الوقت ده بتنمو بسرعة وبتحتاج كمية دم أكبر لتغطية احتياجاتها ، فلو الصمامات الموجودة في الأوردة فيها خلل ، ده هيخلي الدم يرجع تاني للخصية ويتراكم جوا الأوردة ، وده هيسبب تضخم الأوردة وظهور الدوالي.
وبعد ما عرفنا ليه دوالي الخصية بتكون مؤثرة أكثر على الشباب في السن ده ، خلينا نعرف خطورة دوالي الخصية على الطلبة المتقدمين للكليات العسكرية
في البداية لازم تكون عارف ان دوالي الخصية بتسبب للشباب بطء في نمو الخصية بيوصل لصغر وانكماش في حجم الخصية ، وممكن كمان يوصل لما يكبروا لضمور في الخصية ، وفي حالة انك بتفكر تقدم في أي كلية عسكرية لازم تعالج دوالي الخصية الاول ، لان ساعة الكشف الطبي الدكتور اللي بيكشف عليك هيعرف ان عندك دوالي على الخصية وساعتها هيتم رفضك من الاختبار الطبي.
وبعد ما عرفت خطورة دوالي الخصية ، تعالوا نعرف مع بعض ازاي تعالج دوالي الخصية ؟
بس في البداية خليني اقولك انك لو بتفكر تعمل عملية دوالي الخصية بالجراحة التقليدية، فالاحسن بلاش لان الجراحة التقليدية مضاعفاتها كثير، والسبب في ده
1/ لان الدكتور في الجراحة التقليدية بيكون معتمد على نظرة وأدواته الجراحية فقط، وده بيخليه ميشوفش كل الاوردة والشرايين، وممكن كمان يعرض الشريان الخصوي اللي بيغذي الخصية بالدم للقطع ساعة العملية، و لو ده حصل هيؤدي لضمور بالخصية.
2/ ده غير انه مش بيقدر يشوف كل الأوردة بالتالي هيربط بس الأوردة المنتفخة ويسيب الاوردة الصغيرة اللي فيها دوالي، وده هيخلي دوالي الخصية ترجع تاني بعد فترة.
3/ وممكن كمان ساعة العملية يربط الاوعية الليمفاوية بالغلط، ودي الاوعية اللي بتخرج السوائل بره الخصية، فلما تتربط ده هيمنع السوائل انها تخرج بره الخصية ويسبب لك قيلة مائية على الخصية.
ولو عايز تعرف ليه دوالي الخصية ممكن ترجع تاني بعد العملية ، اسمع الفيديو ده مع الدكتور اسامة البكل….
ودلوقتي بعد ما عرفت الضرر اللي ممكن تتعرض له لو عملت عملية دوالي الخصية بالجراحة التقليدية وانها ممكن تكون السبب في ضياع حلم قبولك في الكليات العسكرية، تعالي اقولك ليه الجراحة الميكروسكوبية احسن وافضل طريقة تعالج بيها دوالي الخصية ، لأن :
1/ في الجراحة الميكروسكوبية جرح العملية بيكون صغير جدا حوالي 2-3 سم ، وبيكون تجميلي يعني مش هيبان.
2/ من خلال الميكروسكوب الجراحي ، بنقدر نشوف كل الأوردة والشرايين بدقة، ونربط الأوردة الصغيرة اللي فيها دوالي،وده طبعا بيمنع رجوع الدوالي تاني بعد العملية.
3/ وبنقدر بسبب قوة تكبير الميكروسكوب اننا نشوف الشعيرات الليمفاوية، ونتجنب اننا نربطها بالغلط مع الاوردة وبكدة مش هيحصلنا قيلة مائية على الخصية.
4/ العملية بتكون مدتها ساعة واحدة بس، وتقدر ترجع البيت بعدها بـ3-4 ساعات، وتمارس حياتك بشكل طبيعي وتنزل وتسافر كمان بعد العملية ب 3 او 5 ايام.
اذا في الجراحة الميكروسكوبية وقت التعافي بيكون اسرع وجرح العملية بيكون صغير جدا، يعني في الحالة دي اطمن لو عملت عملية دوالي الخصية بالجراحة الميكروسكوبية، لان الدكتور ساعة الكشف الطبي مش هيكتشف اصلا ان كان عندك دوالي على الخصية وهتعدي من الاختبار على خيير.
ولو عايز تعرف ازاى هتهتم بالجرح واي الادوية اللي هتاخدها بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل….
في النهاية خليك عارف ان الطريقة اللي بتعالج بيها دوالي الخصية، ممكن تكون السبب في انك تحقق حلمك في القبول بالكليات العسكرية، وممكن تسبب لك مشاكل تانية اكثر بكثير من الدوالي، فلازم في البداية تختار طريقة العلاج صح.
ودلوقتي لو عندكم اي تساؤل او استفسار تقدروا تتوصلوا معانا علي رقم 01018874287 واحنا هنجاوب على كل اسئلتكم.