ما هي دعامة الانتصاب وانواعها
دعامة الانتصاب دى عبارة عن أنبوبة أو اسطوانة من السيلكون ، بنركبها جوه القضيب فى النسيج الكهفى علشان تعالج ضعف الانتصاب ، و عشان تخلي العضو مفرود وصلب بدرجه كافيه تساعده على الإيلاج وإقامة علاقة جنسية صحيحة.
- والدعامة دي آخر علاج بنستخدمه مع المرضى اللي عندهم ضعف انتصاب بعد ما نجرب معاهم الأدوية والحقن الموضعي.
- نسبة نجاح عملية تركيب الدعامة اكتر من 95% لما تتعمل بالطريقة صحيحة على يد دكتور متخصص.
- بنركب الدعامة جوه الجسم الكهفي للقضيب، وده بيخلي شكلها مش باين ، و مش مأثر على ملمس العضو الذكرى
و بعد ما عرفنا يعنى اى دعامة ذكريه ، تعالوا نعرف دلوقتى
اى هى مميزات دعامة الانتصاب
- بتعالج ضعف الانتصاب وبتخلينا قادرين نعمل علاقة جنسية ناجحة وبسهولة.
- بتخلي شكل العضو الذكرى مفرود و فى حالة انتصاب حتي بعد القذف ، و ده بيخلينا نمارس العلاقة الزوجيه مده اطول ، و بكده الدعامة هتكون كمان بتحل مشكله سرعة القذف اللي بتحصل بسبب استعجال المريض فى انه يخلص العلاقة الزوجيه قبل ما يفقد انتصابه
- بترجع ثقة المريض في نفسه وتزود الرغبة الجنسية عنده ، و بتخليه معندوش أي قلق وتوتر وخوف على أدائه الجنسي لسهولة وسرعة استخدامها.
- مش بتأثر على الإحساس واللذة لأنها مش بتلمس الأعصاب المسؤولة عن اللذة الجنسية الموجودة على ظهر الجسم الكهفي.
- الدعامة ملهاش صلاحيه و مدة استخدامها صالحه طول العمر مع المريض .
- كمان بتزود من فرص الإنجاب عند المريض ، لان بسبب الدعامة هنكون قادرين اننا نعمل علاقة زوجية منتظمة.
طيب اى هى أنواع الدعامات :-
في نوعين من الدعامات وكل دعامة منهم ليها اكثر من اصدار
- الدعامة المرنة : دي عبارة عن أنبوبة سيلكون صلبة بتركب في العضو الذكري ، النوع دا في منه مقاسات كتير عشان تناسب حجم العضو الذكرى
- الدعامة الهيدروليكية : شكلها بيكون أقرب لشكل وحجم القضيب العادي وبتكون قابلة للنفخ وقت الانتصاب ونقدر ناخد منها الطول والحجم اللي عاوزينه و في منها انواع واصدارات مختلفة.
ولو عايزين تعرفوا اكتر عن الفرق بين الدعامة المرنة و الدعامة الهيدروليكية في علاج ضعف الانتصاب ، اضغط هنا…
تعالوا بقى دلوقتى نعرف امتى نحتاج اننا نركب دعامة الانتصاب ؟
هنحتاج اننا نركب دعامة الانتصاب لو كان :
- المريض بيعانى من ضعف جنسي مستمر ، ومش عارف يمارس حياته الجنسية وجرب الأدوية والحقن الموضعي وفشلت معاه.
- او المرضي اللي عندهم سبب عضوي زي المصابين بأمراض بتأثر على الأوعية الدموية زي السكر والضغط والقلب.
- او يكونو اتعرضوا لإصابات أو جراحات في الحبل الشوكي أو منطقة الحوض والأعضاء التناسلية.
- كمان الاشخاص اللي اخدت علاجات لسرطان البروستاتا والمثانة والقولون.
ولو عايز تعرف امتي يكون علاج ضعف الإنتصاب حله الوحيد هو تركيب دعامة القضيب ، اسمع الفيديو ده مع الدكتور اسامة البكل……
في النهاية ، لو عايزين تعرفوا معلومات اكثر عن أمتى يكون تركيب دعامة العضو الذكرى الحل الوحيد لعلاج ضعف الانتصاب ، اضغط هنا…