مضاعفات الجراحة التقليدية المستخدمة في علاج دوالي الخصية

مضاعفات الجراحة التقليدية المستخدمة في علاج دوالي الخصية

قرار عملية دوالي الخصية مش قرار سهل ، لان مش اي شخص عنده دوالي في الخصية يبقي محتاج عملية ، لازم يكون بيعاني من ألم شديد في الخصية وماثر على حياته ، أو بيعاني من تأخر في الإنجاب ، في الحالتين لازم يعمل عملية دوالي الخصية ، لكن في بعض الطرق اللي بتعالج دوالي ، هي مش هتعالج المشكلة اللي عندك ، هي هتزود عليها مشاكل تانية كثير زي الجراحة التقليدية. 

بس قبل ما نتكلم عن الجراحة التقليدية ومضاعفاتها ، خلينا في الاول نعرف ايه هي دوالي الخصية وايه هي مضاعفاتها

في البداية لازم تكون عارف ان دوالي الخصية هي عبارة عن تمدد وتضخم في الأوردة المحيطة بالخصية الموجودة داخل كيس الصفن ، واللي بتحتوي علي صمامات وظيفتها انها بتنظم تدفق الدم من أنسجة الخصية الي القلب وبتمنع رجوعه تاني للخصية بعد تدفقه ، ولما الصمامات دي بتضعف نتيجة وجود خلل فيها بيبدا الدم يتراكم داخل الأوردة وتفضل تتمدد و تتضخم و تسبب الدوالي. 

ولازم تكون عارف ان دوالي الخصية بتسبب : 

1/ صغر وانكماش في حجم الخصية ومع الوقت ممكن يوصل لضمور الخصية. 

2/ تأخر الإنجاب ، نتيجة ضعف في الأوردة اللي بتخرج الدم من الخصية ، وده هيتسبب في أن الدم هيبدأ يتراكم في الأوردة وهتزيد بسببه درجة حرارة الخصية ، ده غير كمان ان هيحصل زيادة في تراكم المواد المؤكسدة (ROS) وده هيضر بالهرمونات المسؤولة عن إنتاج الحيوانات المنوية و هيأثر علي تكوين الحيوان المنوي نفسه وهيضر بالحيوانات المنوية 

السليمة وكل ده هيسبب تأخر الإنجاب.

ولو عايز تعرف ازاي تتاكد انك لازم تعمل عملية دوالي الخصية ، اسمع الفيديو ده من الدكتور اسامة البكل…

ودلوقتي تعالوا نعرف مع بعض كيفية استخدام الجراحة التقليدية في علاج دوالي الخصية 

في البداية احب اوضحلك ان الجراحة التقليدية تعتبر من اقدم الطرق اللي كانت بتعالج دوالي الخصية ، واللي بيحصل في الجراحة التقليدية ، أن الجراح بيبدا يعمل جرح في الخصية أو في المنطقة الاربية ، وبعد كدة بيبدا يشوف فين الأوردة المنتفخة بعينه بس ومن غير ما يستخدم أي أدوات حديثة تساعده انه يشوف أوضح ، وده طبعا هيتسبب في مضاعفات كثيرة جدا زي : 

1/ القيلة المائية :

• لان في الجراحة التقليدية الجراح بيكون معتمد على نظره وأدواته الجراحية فقط ، ومش بيكون معاه اي ادوات حديثة تساعده انه يشوف كل حاجة بشكل اوضح ، فهو ممكن يربط الأوعية الليمفاوية بالغلط مع الاوردة.
• والأوعية الليمفاوية دي هي اللي بتكون مسؤولة عن نقل السوائل في الجسم ، فلما تتربط وقت العملية ، ده هيخلي السوائل تتجمع حول وتعمل قيلة مائية.

2/ ضمور الخصية :

• بمعنى أن الشرايين والأوردة في الخصية بتكون قريبة جدا من بعض ، ولان في الجراحة التقليدية مش بيكون في اي اجهزة حديثة ، ده طبعا ممكن يعرض الشريان الخصوي اللي بيغذي الخصية بالدم للقطع ساعة العملية.
• وده طبعا هيؤدي الي منع وصول الدم الغني بالاكسجين للخصية ، وهيؤدي الي ضمور الخصية.

3/ رجوع الدوالي تاني للخصية بعد العملية : 

• بنسبة كبيرة دوالي الخصية ممكن ترجع تاني بعد العملية ، لان زي ما قولنا قبل كدة ان الجراحة التقليدية مش بيكون فيها أي اجهزة حديثة تساعد الدكتور انه يشوف الاوردة بشكل واضح ، بالتالي الدكتور وقت العملية ممكن ميشوفش الاوردة الصغيرة والثانوية اللي فيها دوالي وميربطهاش وبكدة الدوالي هترجع تاني بعد العملية.
• او ممكن الدوالي كانت على الخصيتين ، ولان مفيش تكبير يوضح مكان العملية ، الدكتور عمل ناحية واحدة بس ، و ده هيزود من فرص رجوع الدوالي تاني بعد العملية. 

1/ الجراحة الميكروسكوبية : افضل تقنية حديثة مستخدمة في علاج دوالي الخصية ، لاسباب كثير زي : 

• المريض بيكون متخدر تخدير نصفي وده طبعا بيقلل من مضاعفات التخدير الكلي ، ده غير أن جرح العملية بيكون صغير جدا حوالي 2-3سم  في أسفل البطن.
• وبنستخدم الميكروسكوب لانه بيكبر لحد 25 ضعف ، وده بيخلينا نميز بين الاوردة والشرايين ، وكمان نحافظ على الشريان الرئيسي اللي بيغذي الخصية بالدم.
• وبسبب قوة تكبير الميكروسكوب بنقدر نحافظ على الأوعية الليمفاوية ونتجنب ربطها بالغلط مع الاوردة المصابة بالدوالي وبكدة مش هيحصل للمريض قيلة مائية على الخصية.
• وبنقدر اننا نتجنب رجوع الدوالي مرة ثانية بعد العملية ، لأننا بنقدر نوصل للاوردة الصغيرة اللي فيها دوالي ونربطها كلها.
• العملية بتستغرق حوالي ساعة واحدة بس ، وبعدها المريض بيقدر يروح بيته بعد 3 او 4 ساعات ، ويقدر كمان ينزل الشغل بعد يومين من العملية.
• وبيقدر يمارس العلاقة الزوجية بعد العملية باسبوع واحد بس.

في النهاية ، لازم تكون عارف ان عملية دوالي الخصية هي عملية سهلة وبسيطة جدا ، بس في البداية لازم تختار الطريقة اللي هتعمل بيها العملية كويس جدا ، لان الاختيار ده هو اللي هيتبني عليه نتيجة العملية سواء بحل المشكلة اللي عندك ، او انك اضافت عليها مشكلة جديدة. 

ولو احتجت انك تتواصل معانا علشان تحل مشكلتك ، تقدر تتواصل مع فريقنا الطبي علي الرقم ده 01018874287 وهما هيحددولك اقرب ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.