هل التسريب الوريدي بيسبب ضعف انتصاب؟
في البداية ، لما جينا نعرف ضعف الانتصاب ، قولنا إنه عدم قدرة الرجل على بلوغ الانتصاب أو الحفاظ عليه المدة الكافية لحد ما يخلص العلاقة الزوجية ، وده بيحصل بسبب خلل في الأوعية الدموية المسؤولة عن توصيل الدم للقضيب ، والخلل ده ممكن يكون بسبب ضعف في ضخ الدم للقضيب ، أو إن الدم مش بيتم الاحتفاظ بالدم داخل القضيب و ده اللي بنسميه “التسرب الوريدي”.
وده موضوع المقال: هل التسرب الوريدي بيسبب ضعف انتصاب؟ لكن خلونا نوضح في الأول يعني إيه التسرب الوريدي
في البداية لازم تكون عارف ان المرحلة الثانية من الانتصاب ، بتكون عن طريق منع مغادرة الدم من القضيب وبقاؤه داخل انسجة الجسم الكهفي ، فلو الوريد ده مش قادر على بقاء الدم في القضيب المدة الكافية ، بالتالي الرجل مش هيقدر يحافظ علي الانتصاب لحد ما يخلص العلاقة الزوجية ، وده نتيجة تسرب الدم خارج العضو الذكري ، ولازم تكون عارف اننا لو معالجناش التسرب ده هنوصل لمرحلة ان مش هيبقي في انتصاب اصلا بيحصل وقت العلاقة الزوجية ، إذ التسرب الوريدي بيسبب ضعف انتصاب.
ودلوقتي تعالوا نعرف ايه هي اسباب واعراض التسرب الوريدي…
بس في البداية لازم تكون عارف نقطة مهمة جدا، وهي ان كل الاسباب اللي بتعمل ضعف انتصاب، هي ممكن تعمل ضعف انتصاب بس من خلال التسرب الوريدي.
أسباب التسرب الوريدي: نفسية وعضوية
- الأسباب النفسية :
1/ وزي ما قولنا قبل كدة ان الامراض النفسية والاكتئاب بتخلي الشخص معندوش رغبة جنسية.
2/ في حالات كثير من اللي بتعاني من القلق والتوتر الشديد في العلاقة الزوجية بتجعل العضلات الملساء في القضيب تفقد قدرتها على الاسترخاء ، وبالتالي الدم مش هيتدفق داخل القضيب ، وحتى لو تدفق للقضيب ، هيتسرب بسرعة جدا خارج القضيب وهيحصل ضعف انتصاب.
3/ والادوية اللي بنستخدمها في علاج الأمراض النفسية بتسبب تسرب وريدي وضعف انتصاب.
- الأسباب العضوية :
1/ انخفاض في مستوى هرمون الذكورة.
2/ وجود خلل في وظائف الغدد التناسلية.
3/ وجود عيب خلقي في الوريد نفسه ، وبسبب العيب ده صمامات الاوردة مش بتقفل كويس ، فمش بنقدر نحافظ علي الدم جوا القضيب وبيحصل ضعف انتصاب.
4/ مرض السكر أو الضغط أو أمراض القلب.
5/ الإصابة بمرض بيروني.
6/ التدخين بشراهة.
ودلوقتي تعالوا نعرف مع بعض ايه هي اعراض التسرب الوريدي:
بس في البداية لازم تكون عارف ان اعراض التسرب الوريدي تشبه إلى حد كبير أعراض ضعف الانتصاب ، ومنها :
1/ عدم القدرة علي حدوث الانتصاب من البداية.
2/ عدم قدرة الرجل علي الحفاظ علي القضيب منتصبا لمدة كافية تسمح بإكمال العلاقة الزوجية.
ودلوقتي لازم تكون عارف ان علشان يحصل انتصاب للقضيب ، لازم الاول نعالج التسرب الوريدي اللي سبب ضعف الانتصاب ، وعلاج التسرب الوريدي بيكون من خلال معالجة السبب اللي ادى الى التسرب من البداية ، زي مثلا :
1/ لو كان سبب التسرب أسباب نفسية : هنا هنلجا للعلاج السلوكي ، علشان نتخلص من المشاكل النفسية ويكون عندنا رغبة جنسية لحدوث الانتصاب كاملا.
2/ ولو كان التسرب عضوي : لازم نحدد أي سببه الأول ونبدأ نعالجه ، والعلاج هنا ياما بيكون عن طريق
1/ الأدوية.
2/ أو الحقن الموضعي داخل العضو الذكري.
3/ أو من خلال تركيب دعامة العضو الذكري.
ولو عايز تعرف معلومات اكثر عن تشخيص وعلاج التسريب الوريدي في العضو الذكري ، اسمع الفيديو ده مع الدكتور اسامة البكل…
في النهاية ، احب اطمنك ان مفيش قاعدة ثابتة لعلاج أي مرض ، وان طريقة العلاج بتتحدد على أساس حاجات كتير اوي ، وان اللجوء للجراحة بيكون اخر طريق وحل احنا بنلجا له ، بعد ما بيكون المريض أخذ كل فرصه في العلاج الدوائي أو في الحقن الموضعي ، وان مش لازم لو حصلت لك اي مشكلة من المشاكل دي تجري بسرعة على المنشطات الجنسية علشان تهرب من الاحراج في العلاقة الزوجية ، لان كدة انت هتكون بتزود عليها مشاكل تانية كثير وخاصة لو كنت بتعاني من أي أمراض مزمنة.
ولو لسه عايز تعرف اكثر عن التسرب الوريدي وعلاجه ، ممكن تتواصل مع الفريق الطبي علي رقم 01018874287 وهما هيجاوبوا علي كل اسئلتك ، او تطلب منهم تحديد ميعاد مع الدكتور اسامة محمد البكل مدرس واستشاري طب وجراحة امراض الذكورة وتاخر الانجاب والصحة الجنسية بطب القصر العيني.