هل في علاج لدوالي الخصية غير العملية؟
النهاردة احنا قدام مشكلة صحية هي السبب الأهم والرئيسي في 40% من حالات العقم الأولي عند الرجال ، والنسبة دي كمان بتزيد اكتر في حالات تأخر الإنجاب الثانوي ، وهي دوالي الخصية.
وزي ما قولنا قبل كدة ان دوالي الخصية بتحصل نتيجة لتمدد وتضخم الأوردة المحيطة بالخصية الموجودة داخل كيس الصفن، والتضخم ده بيحصل نتيجة لضعف الصمامات الموجودة في الاوردة واللي مسؤولة عن تنظيم تدفق الدم من الخصيتين الى القلب ومنع عودته تاني للخصية بعد تدفقه، فلما الصمامات دي تضعف، الاوردة مش هتكون قادرة انها تستوعب كمية الدم اللي فيها وهيبدأ الدم يتراكم جوا الأوردة ويعمل تضخم في الأوردة ويسبب الدوالي.
وهنا لازم تكون عارف ان الحل الوحيد هو علاج دوالي الخصية بالجراحة ، بس دلوقتي خلينا نجاوب على سؤال مهم جدا وهو موضوع المقال ده ، هل في علاج لدوالي الخصية غير العملية؟ بس قبل ما نجاوب على السؤال ده، الاول خليني اقولك
ايه هي المضاعفات اللي ممكن تسببها دوالي الخصية.
1/ صغر و انكماش حجم الخصية: وجود دوالي على الخصية وخصوصا لو كانت الدوالي دي من الدرجة الثانية أو الثالثة، ممكن تسبب للشخص ده صغر وانكماش في حجم الخصية، ومع مرور الوقت ممكن توصل لضمور الخصية.
2/ تأخر الإنجاب: لأن الخصية علشان تقدر تنتج حيوان منوي سليم يقدر يخصب البويضة ويكون جنين لازم تكون درجة حرارة الخصية أقل من درجة حرارة الجسم الطبيعية بحوالي درجتين، فوجود دوالي في الخصية، بيرفع من درجة حرارة الدم داخل الخصيه وبيزيد من تراكم المواد المؤكسدة ( ROS ) اللي بتأثر علي انتاج الخصية للحيوانات المنوية، وبتضر بالهرمونات المسؤولة عن إنتاج الحيوانات المنوية، ده غير انها بتضر بالحيوانات المنوية السليمة والمكتملة، وبتسبب تكسير المادة الوراثية الموجودة في رأس الحيوان المنوي وبتؤدي الى تشوه الحيوان المنوي وتضعف من قدرته على الوصول للبويضة وتخصيبها، وكل ده هيسبب تأخر الإنجاب.
إذا دلوقتي نقدر نجاوب على سؤال ، هل في علاج لدوالي الخصية غير العملية ؟
الإجابة ببساطة لا ، مفيش علاج لدوالي الخصية غير العملية ، وأي علاج بنكتبه للمريض بيكون لعلاج تأخر الإنجاب وتحسين وظيفة الخصية، وليس لعلاج الدوالي نفسها ، لان ممكن يكون تأخر الإنجاب ناتج عن أسباب تانية غير الدوالي ، زي :
1/ خلل في الهرمونات أو وجود التهابات في الخصية.
2/ ضعف حركة الحيوانات المنوية، اللي بيقلل من قدرة الحيوان المنوي على الوصول للبويضة.
3/ دوالي بسيطة مش مؤثرة على الإنجاب.
اذا اي علاج المريض بياخده بيكون لتاخر الانجاب وتحسين وظيفة الخصية على إنتاج وتصنيع الحيوانات المنوية وليس لعلاج دوالي الخصية.
لكن لازم تكون عارف معلومة مهمة جدا, لو عندك دوالي و أثرت على حجم أو وظيفة الخصية، أو تسببت في ألم أو تأخر الإنجاب، ساعتها الحل الوحيد هو الجراحة الميكروسكوبية مش العلاج الدوائي، وهي ليها مميزات كتيرة زي:
1/ جرح العملية صغير جدًا (حوالي 2-3 سم).
2/ بنقدر بسبب قوة تكبير الميكروسكوب اننا نشوف كل الاوردة والشرايين بدقة ونتجنب ربط الشريان الخصوي اللي بيغذي الخصية بالدم.
3/ ولان الميكروسكوب بيكبر لحد 40 ضعف بنقدر نبعد عن الشعيرات الليمفاوية اللي لو اتربطت بالغلط وقت العملية هتسبب للمريض قيلة مائية على الخصية.
4/ ده غير ان الميكروسكوب بيساعدنا اننا نشوف الأوردة الصغيرة والثانوية اللي فيها دوالي ونربطها كلها.
5/ وقت العملية بيكون ساعة واحدة بس وبعدها تقدر تروح في نفس اليوم ، وتنزل الشغل بعد 3-5 أيام ، أما بالنسبة للعلاقة الزوجية تقدر تمارسها بعد العملية باسبوع.
ولو عايز تعرف ازاي تهتم بجرح العملية واي الادوية اللي تاخدها بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…