هل عملية دوالي الخصية هي الحل لمشكلة تاخر الانجاب ؟

هل عملية دوالي الخصية هي الحل لمشكلة تاخر الانجاب ؟

دوالي الخصية من أكثر المشاكل اللي بيعاني منها حوالي 15% من الرجال ، ووجودها مش بس بيسبب الم شديد للشخص ، ده كمان بتعمله مشكلة كبيرة جدا في الإنجاب ، ومش زي ما بنسمع ان علاج دوالي الخصية ادوية ولا علاج طبيعي ، لازم تبقي عارف ان الحل الوحيد والنهائي علشان تعالج دوالي الخصية وتحل مشكلة تأخر الإنجاب هي الجراحة.

بس قبل ما نتكلم عن عملية دوالي الخصية ، خلونا الاول نوضح ايه هي دوالي الخصية ، وايه هي مضاعفاتها اللي بتسبب تاخر الانجاب : 

في البداية لازم تبقي عارف ان دوالي الخصية هي عبارة عن اوردة منتفخة موجودة جوا كيس الصفن ، والاوردة دي بيكون جواها صمامات مسؤولة عن تنظيم تدفق الدم من الخصية الى القلب ، وتمنع عودته تاني للخصية ، وفي حال أن الصمامات دي كان فيها خلل او عيب ، ده هيتسبب في أن الدم هيرجع تاني للخصية ويفضل يتراكم جوا الأوردة ويتمدد ، وهو ده اللي بيسبب الدوالي.

ودلوقتي تعالوا نعرف مع بعض ايه هي المضاعفات اللي بتسببها دوالي الخصية ، واللي بدورها بتسبب تاخر في الانجاب : 

1/ بتسبب للمراهقين بطء في نمو الخصية ، وبتسبب للكبار صغر وانكماش في حجم الخصية ومع الوقت هيوصل لضمور الخصية.

2/ تاخر الانجاب : وهي دي النقطة الاهم اللي هنتكلم عنها ، علشان تعرف ازاي دوالي الخصية ممكن تاثر على الانجاب

وهنا لازم تبقي عارف ان الخصية هي المصنع اللي بينتج الحيوانات المنوية المسؤولة عن إنجاب طفل ، وعلشان الخصية تقدر تنتج حيوان منوي سليم يقدر يخصب البويضة ويكون جنين ، لازم تبقي درجة حرارتها أقل من درجة حرارة الجسم بحوالي درجتين ، وهو ده السبب اللي ربنا سبحانه وتعالي خلق كيس الصفن علشانه ، علشان يحمي الخصيتين من درجة حرارة الجسم العالية ، وعلشان الدم اللي يوصلها يكون دم بارد ، فتقدر تنتج حيوانات منوية.

لكن في وجود دوالي الخصية وخصوصا لو كانت الدوالي دي من الدرجة الثانية أو الثالثة ، ده هيتسبب : 

1/ في أن الأوردة اللي بتخرج الدم من الخصية هتضعف ومش هتبقي قادرة انها تستوعب الدم اللي فيها ، والدم هيفضل يتراكم جوا الوريد ويسخن ويرفع من درجة حرارة الخصية ، ويزيد معاه تراكم المواد المؤكسدة ( ROS ) اللي هتضر بالخصية وانتاجها للحيوانات المنوية ، وهتاثر على الهرمونات المسؤولة عن تكوين الحيوانات المنوية ، وهيزيد من تكسير المادة الوراثية الموجودة في رأس الحيوان المنوي.

2/ وهتسبب انخفاض في مستوى هرمون الذكورة في الجسم ، وده هياثر علي صحة وجودة الحيوانات المنوية من حيث العدد والحركة ونسبة التشوهات.

وكل دي أسباب هتؤدي في الاخر الي تاخر الانجاب ، والحل النهائي علشان تعالج دوالي الخصية من جذورها وتحل مشكلة تأخر الإنجاب ، هي الجراحة.

ولازم تبقي عارف ان في اكثر من طريقة تعالج بيهم دوالي الخصية : 

1. الجراحة التقليدية

تعتبر من اقدم الطرق اللي كانت بتعالج دوالي الخصية ، واللي بيحصل في الجراحة التقليدية ، أن الجراح بيعمل فتحة في المنطقة الاربية في اسفل البطن ، ويبدأ يشوف فين الاوردة المنتفخة اللي عاملة الدوالي ويربطها ، والطريقة دي بتسبب مشاكل كثيرة جدا للمريض زي : 

1/ أن الجراح مش بيكون معاه اي ادوية حديثة تساعده انه يشوف مكان العملية بشكل أوضح ، وده ممكن يخليه يربط الشريان الخصوي اللي بيغذي الخصية ، وبكده هنكون منعنا الدم أن يوصل الخصية ، وهيتسبب في ضمور الخصية.

2/ الجراح ممكن يربط الأوعية الليمفاوية بالغلط مع الأوردة ، وده هيسبب للمريض قيلة مائية على الخصية.

3/ وممكن الجراح ميشوفش الأوردة الصغيرة بالعين المجردة ، وبكدة هيكون عندنا فرصة كبيرة أن الدوالي ترجع تاني بعد فترة من العملية.

ولو عايز تعرف ليه دوالي الخصية ممكن ترجع تاني بعد العملية ، اسمع الفيديو ده مع الدكتور اسامة البكل….

2. جراحة المنظار

• مضاعفاته زي مضاعفات الجراحة التقليدية بالظبط ، لان المنظار مش بيخلينا نشوف الاوردة الدقيقة ونربطها ، ولا بيخلينا نقدر نحافظ علي الشريان الخصوي وقت العملية ، وعلشان كدة بيكون في احتمال كبير جدا ان دوالي الخصية ترجع تاني بعد العملية او ان يحصل ضمور للخصية.

3. الأشعة التداخلية

مش بننصح بيها في علاج دوالي الخصية ، لأن فرصة أن يحصل ارتجاع للدوالي تاني في الاشعة التداخلية بتكون بنسبة كبيرة ، لاننا مش بنقدر نوصل لكل الاوردة المنتفخة اللي فيها الدوالي ، ده غير ان في الاشعة التداخلية بنضطر نعرض الخصية لجزء كبير من الإشعاع ، وده طبعا هيضر الخصية وهي اصلا بتكون متضررة بسبب الدوالي.

2/ بنقدر بسبب قوة تكبير الميكروسكوب ، اننا نحافظ علي الشريان الخصوي اللي بيغذي الخصية بالدم ، وبكدة الخصية مش هيحصل فيها ضمور.

3/ بنقدر نشوف الشعيرات الليمفاوية ونتجنب ربطها وقت العملية ، وبكدة مش هيحصلنا قيلة مائية على الخصية.

4/ كمان بنقدر اننا نشوف كل الأوردة ، حتى الاوردة الصغيرة والدقيقة اللي فيها دوالي ، وبكدة مش هيكون عندنا فرصة أن الدوالي ترجع تاني بعد فترة من العملية.

5/ بتقدر تخرج من المستشفى في نفس اليوم ، وترجع شغلك بعد 3-5 أيام من العملية.

6/ بتقدر تمارس العلاقة الزوجية بعد اسبوع واحد بس من العملية.

ولو عايز تعرف ازاي تهتم بجرح العملية وتعرف ايه الادوية اللي تاخدها بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…

في النهاية ، لازم متسمعش كلام اي حد يقولك عالج دوالي الخصية بالحجامة ولا بخلطة اعشاب طبيعية ، وتبقى عارف كويس ان عملية دوالي الخصية بالجراحة الميكروسكوبية هي الحل الجذري والنهائي عشان تحل مشكلة تاخر الانجاب ، بس الاهم من كل ده انك تتشخص صح وفي مكان متخصص ، علشان تكون رحلة علاجك كلها صح وتحقق حلمك ويكون عندك أطفال.

ولو احتجت تتواصل معانا ونحجز لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني، تقدر تتواصل معانا على الرقم ده 01018874287