علاج دوالي الخصية بالليزر
دوالي الخصية هي مشكلة منتشرة بنسبة كبيرة جدا عند الرجال ، تصل إلى 15% والنسبة الاكبر اللي بتسببها دوالي الخصية تصل إلى 40% من حالات العقم وتأخر الإنجاب ، علشان كدة علاج دوالي الخصية أمر مهم وضروري ، وزي ما بنفكر ازاي نعالج دوالي الخصية علشان نتخلص من المشكلة اللي عندنا ، لازم كمان نختار الطريقة اللي نعالج بيها دوالي الخصية صح ، علشان منضرش الخصية ونضمن أعلى نسبة نجاح بعد العملية.
ودلوقتي خليني اقولك ايه هي طرق العلاج اللي مش بننصح بيها في علاج دوالي الخصية:
1/ علاج دوالي الخصية بالليزر:
في الفترة الاخيرة انتشر موضوع الليزر في عمليات كثير جدا ، بس ده معناه اننا ممكن نعالج دوالي الخصية بالليزر؟
اكيد طبعا لا ، لان دوالي الخصية بتكون عبارة عن أوردة منتفخة محيطة بالخصيتين وموجودة جوا كيس الصفن ، وعملية دوالي الخصية بتكون محتاجة ادوات واجهزة حديثة تساعد الجراح انه يشوف مكان العملية بشكل اوضح ، لان المكان اللي بنعمل فيه دوالي الخصية هو مكان حساس ودقيق جدا ، وعلشان نقدر نحافظ على الشريان الرئيسي اللي بيغذي الخصية بالدم ، ونتجنب اي ضرر ممكن يحصل للخصية ، لذلك الليزر مش علاج لدوالي الخصية.
2/ نيجي بقي للطريقة الثانية اللي مش بنفضلها في علاج دوالي الخصية، وهي الجراحة التقليدية:
وخليني اقولك ان اللي بيحصل في الجراحة التقليدية ، أن الجراح بيفتح فتحة في الخصية أو في المنطقة الاربية ، وبعد كدة بيبدأ يشوف فين الأوردة المنتفخة بعينه فقط ويربطها كلها من غير ما يستخدم اي ادوات او اجهزة حديثة تساعده يشوف مكان العملية بشكل اوضح ، وده طبعا بيسبب مشاكل كتير جدا للمريض ، زي :
1/ أن وقت العملية ممكن نقطع الشريان الخصوي اللي بيغذي الخصية بالدم ، لأنه بيكون موجود وسط الاوردة والشرايين ، وبيكون صعب اننا نميزه بعنينا فقط ، وبكده هنكون منعنا الدم انه يوصل للخصية ، وده هيسبب ضمور للخصية.
2/ ده غير اننا ممكن نربط الاوعية الليمفاوية بالغلط مع الاوردة ، والاوعية الليمفاوية دي هي اللي مسؤولة عن تصريف السوائل الزيادة من الخصية ، فلما نربطها بالغلط ده هيمنع السوائل انها تخرج بره الخصية وهيسبب لنا قيلة مائية على الخصية.
3/ وزي ما قولنا ان في الجراحة التقليدية مش بيكون معانا اي اجهزة حديثة ، فاحنا هنربط بس الأوردة المتضخمة اللي عاملة الدوالي ، ومش هنقدر نشوف الاوردة الصغيرة اللي بدأت تتضخم ، وده اللي هيخلي دوالي الخصية ترجع تاني بعد فترة من العملية.
3/ الطريقة الثالثة وهي جراحة المنظار:
ولازم تكون عارف ان مضاعفاتها متفرقش كثير عن مضاعفات الجراحة التقليدية ، لأن المنظار بيخلينا نعمل شقوق صغيرة في البطن علشان ندخل منها المنظار والأدوات الجراحية ، وبعدين نوصل للحبل المنوي ، وبعد كدة نربط الأوردة المنتفخة اللي عاملة الدوالي ، وبيسبب مشاكل كتير زي :
1/ مش هنقدر نوصل لكل الاوردة اللي مسببة الدوالي زي الاوردة الصغيرة والدقيقة ، وده هيخلي دوالي الخصية ترجع تاني بعد فترة من العملية.
2/ ومش هنقدر نحافظ على الشريان الخصوي وقت العملية ، وده هيسبب لنا ضمور للخصية.
4/ الطريقة الرابعة وهي الأشعة التداخلية:
وده يعتبر اسوء اجراء ممكن تفكر تعمل بيه عملية دوالي الخصيتين
1/ لان في الاشعة التداخلية احنا بنحط المريض تحت جهاز الاشعاع (c-arm) حوالي ساعة الا ربع وده بيخلينا نعرض الخصية لجزء كبير جدا من الإشعاع ، وده طبعا هيضر الخصية وهياثر على انتاجها للحيوانات المنوية ، وهي اصلا بتكون متضررة بسبب الدوالي.
2/ ده كمان ان في الاشعة التداخلية احنا بندخل القسطرة بتاعة الاشعة من الوريد اللي في الفخذ ، وبيكون صعب علي القسطرة انها توصل للخصية اليمنى نتيجة التكوين التشريحي بين الخصيتين ، وبالتالي لو الخصية اليمنى فيها دوالي منتفخة ، الاشعة التداخلية مش هتعالجها ، ده غير كمان انها مش هتقدر توصل للأوردة الصغيرة والثانوية اللي فيها دوالي ، وبكدة نسبة ارتجاع الدوالي بعد العملية هتكون أكبر.
وبكدة تكون عرفت كل الطرق اللي لو فكرت تعمل بيها عملية دوالي الخصية لازم تبعد عنها ، لأن الأضرار والمضاعفات اللي هتسببها هتكون أكبر من علاجها.
ودلوقتي تعالي اقولك على افضل واحسن طريقة تعالج بيها دوالي الخصية وانت مطمن ، وهي الجراحة الميكروسكوبية
1/ لأننا بنقدر نعمل العملية ببنج نصفي أو كلي ، ده غير أن جرح العملية بيكون صغير جدا حوالي من 2-3سم.
2/ وفي الجراحة الميكروسكوبية بنستخدم الميكروسكوب الجراحي اللي بيكبر الرؤية لحد 25 ضعف ، وده بيخلينا نشوف كل الأوردة والشرايين بشكل واضح جداّ ، وده بيخلينا نحافظ على الشريان الخصوي اللى بيغذي الخصية بالدم ، وبكده مش هنضر الخصية.
3/ وكمان بسبب قوة تكبير الميكروسكوب بنقدر اننا نوصل للأوردة الدقيقة والثانوية ونربطها كلها عشان ميحصلش ارتجاع للدوالي مره تانيه وده اللى مش بيكون موجود في اي طريقة جراحية ثانية غير الميكروسكوب.
4/ وبنقدر اننا كمان نشوف الشعيرات الليمفاوية وقت العملية ، ونتجنب اننا نربطها بالغلط مع الأوردة وبكده مش هيحصلنا قيلة مائية على الخصية.
5/ وده غير ان العملية مش بتاخد أكثر من ساعة واحدة بس ، وبعدها ممكن ترجع بيتك في خلال 3-4 ساعات بعد العملية.
6/ وتقدر كمان تنزل شغلك وتسافر بعد 3-5 أيام من العملية.
7/ وتقدر تمارس العلاقة الزوجية بعد العملية بأسبوع واحد بس.
ولو عايز تعرف امتي بيحصل حمل طبيعي وتحسن في تحليل السائل المنوي بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل….
وفي النهاية ، لازم تكون عارف ان الخصية هي بمثابة المصنع اللي بينتج هرمون الذكورة المسؤول عن مرحلة البلوغ وعن تعزيز الرغبة الجنسية وحدوث الانتصاب ، وكمان مسؤولة عن إنتاج الحيوانات المنوية المسؤولة عن الإنجاب، علشان كدة اي مشكلة هتحصل في الخصية زي الدوالي ، لازم تفكر مليون مرة في الطريقة اللي تعالج بيها المشكلة عشان متزودش مضاعفاتها وتوصل إنك تحرم نفسك من الإنجاب طول عمرك.
ولو خلاص فكرت وقررت إنك تتابع معانا مشكلتك، تقدر تتواصل معانا على الرقم ده 01018874287 واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.