عملية دوالي الخصية بالميكروسكوب
دوالي الخصية من أكثر المشاكل المنتشرة عند الرجال ، واللي بتمثل حوالي 40% من حالات العقم وتأخر الإنجاب ، ودلوقتي ومع التقدم العلمي ظهرت تقنية حديثة نقدر نعالج بيها دوالي الخصية بسهولة وفي أقل من ساعة واحدة بس ومن غير اي مضاعفات ، وهي الجراحة الميكروسكوبية.
وتعتبر عملية دوالي الخصية بالميكروسكوب من التقنيات العلاجية الحديثة والمتطورة المستخدمة في علاج دوالي الخصية ، لأنها بتعالج مشاكل صحية كثير في الخصية زي انخفاض الرغبة الجنسية ومشاكل العقم وتأخر الإنجاب ، وده بيكون من خلال تحسين مستوى هرمون الذكورة في الجسم.
بس قبل ما نتكلم عن دوالي الخصية بالجراحة الميكروسكوبية ، خلينا الأول نوضح
اي هي دوالي الخصية ؟
دوالي الخصية هي عبارة عن أوردة منتفخة موجودة داخل كيس الصفن ، والأوردة دي اللي بتكون مسؤولة عن أنها تخرج بقايا الدم من الخصية بعد ما تكون استفادت منه ، بس بسبب الضعف اللي بيحصل في الأوردة ، الدم مبيخرجش وبيفضل يتراكم داخل الأوردة ، والوريد يفضل يتمدد ويتضخم عشان يستوعب كمية الدم اللي فيه ، وهو ده اللي بيسبب الدوالي.
وبعد ما عرفنا ايه هي دوالي الخصية ، تعالوا بقى نعرف حاجة مهمة ،
ايه هي الحالات الضرورية اللي لازم اعالج فيها دوالي الخصية
- لو دوالي الخصية كانت السبب الرئيسي في تأخر الإنجاب
- لو دوالي الخصية ماثرة على جودة السائل المنوي زي نقص العدد ، ضعف الحركة ، أو زيادة نسبة تشوهات الحيوانات المنوية.
- ولو دوالي الخصية كانت السبب الرئيسي في ارتفاع مؤشر تكسر الحمض النووي والمادة الوراثية لان ده بياثر على جودة الحيوانات المنوية وتكوين الجنين.
- لو كانت دوالي الخصية مسببة ألم شديد للمريض ، لأن الألم ده بيعيق ممارسة الأنشطة اليومية وبالتالي بيحتاج تدخل جراحي.
ولو عايز تعرف اي علاقة تفتت المادة الوراثية عند الزوج بتاخر الانجاب و السقط المتكرر عند الزوجة ، اسمع الفيديو ده مع الدكتور اسامة البكل……
ودلوقتي بعد ما عرفنا أمتي لازم نعالج دوالي الخصية ، نيجي بقى للطريقة اللي نعالج بيها دوالي الخصية.
ولازم تكون عارف أن أفضل وأحسن طريقة تعالج بيها دوالي الخصية هي الجراحة الميكروسكوبية ، لأن ليها مميزات كثير جدا.
1/ عملية دوالي الخصية بالجراحة الميكروسكوبية بتم في المستشفى ، والمريض بيكون تحت تأثير التخدير النصفي أو الكلي ، وبنبدأ نعمل جرح صغير طوله حوالي 2 او 3 سم في أسفل البطن عند المنطقة الاربية ، وبعد كده بنستخدم الميكروسكوب علشان نشوف الأوردة المتضخمة اللي فيها مشكلة لأنه بيكبر الرؤية لحد 25 ضعف.
2/ الميكروسكوب بيساعدنا اننا نحافظ على الشريان الخصوي اللى بيغذى الخصية بالدم ، و بكده الخصية مش هيحصلها ضرر.
3/ التكبير كمان بيساعد اننا نوصل للأوردة الدقيقة والصغيرة ، ونربطها كلها عشان ميحصلش ارتجاع للدوالى مره تانيه.
4/ وكمان بنقدر اننا نشوف الشعيرات الليمفاويه ،علشان منربطهاش بالغلط مع الأوردة لان ده ممكن يسبب قيلة مائية على الخصية.
5/ ده غير كمان ان العملية مش بتاخد اكتر من ساعه ، وكمان بنقدر نروح بعد العملية ، و ممكن ننزل الشغل بعد 3-5 أيام.
6/ وكمان بيكون مسموح لنا أننا نمارس العلاقة الزوجية بعد العملية بأسبوع واحد بس.
ولو عايز تعرف امتي بيحصل حمل وتحسن في تحليل السائل المنوي بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل….
في النهاية ، لازم تكون عارف أن عملية دوالي الخصية عملية سهلة جدا ، بس قبل اي حاجة لازم تختار الطريقة اللي تتعالج بيها صح ، لأنها مش بس هتخلصك من الألم والوجع اللي عندك في الخصية وهتعالج مشكلة تأخر الإنجاب ، ده كمان هتخليك تتجنب اي أضرار أو مضاعفات ممكن تحصلك بعد العملية.
ولو احتجت تتواصل معانا ونحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا علي الرقم ده 01018874287.