دعامات العضو الذكري

و هنا الاجابة هتكون طبعا لا , هتحس بالمتعه عادى جدا ، لان احنا اتفقنا ان العمليه دى احنا بنعملها عشان بس نعالج النسيج الكهفى لانه مبقاش قادر يقوم بالانتصاب ، و خلينا نتفق ان النسيج الكهفى ده ملهوش اى علاقة بالمتعة الجنسية .

الاجابة طبعا لا الدعامة ملهاش اى تأثير على الإنجاب ، لأننا بنحط الدعامة زي ما قولنا فى النسيج الكهفي ، و السائل المنوي بيخرج وقت القذف من مخرج البول فملهوش علاقة خالص بالدعامة . 

لا طبعا ممكن تركبها عادى جدا ، و هى اصلا الدعامة بتتركب فى الحالات اللى منفعش فيها العلاج الدوائي او الحقن الموضعى . 

زرع الدعامة مش بيعالج سرعة القدف بطريقة مباشرة بمعنى :
1- ان سرعة القذف احيانا بتحصل لو احنا عندنا ضعف جنسي فبنكون عاوزين نخلص العلاقة الزوجية بسرعه و مش بنكون واثقين فى ادائنا وده بيسبب سرعه قذف .
2- كمان بسبب الضعف الجنسي مش بنمارس العلاقة بشكل منتظم ، وده كمان بيسبب سرعه قذف ، لكن بعد ما نعالج الضعف الجنسى هنمارس العلاقة بأنتظام و ده مش هيخلى فى سرعه قذف
3- و أخيرا بسبب الدعامة هنقدر اننا نتحكم ان العضو يفضل في وضع انتصاب و مييحصلهوش ارتخاء حتى لو حصل قذف و بكده نقدر نكمل العلاقة لحد ما الزوجة توصل هى كمان للنشوة الجنسية .

الاجابة اه طبعا ، لان مرضى القلب احيانا العلاج الدوائي بيكون متعارض مع أدوية القلب ، ف بيبقى الحل اننا بنجرب الحقن الموضعى و لو منفعش بنلجأ وقتها للدعامة ، و هنا عاوز اطمنك من حاجه انت اكيد قلقان منها و هى البنج بس انت مش محتاج تقلق لان زى ما قولنا قبل كده ان مده العمليه بتكون تقريبا 45 دقيقة و ساعات اقل فعشان كده احنا مش بنحتاج جرعة بنج كبيرة .

هقولك على كام حاجة لو التزمت بيهم عملية دعامة القضيب هتكون ناجحة انشاء الله بنسبة 100% :
1- لازم المكان اللى هتعمل فيه العمليه يكون متوفر فيه أعلى درجات التعقيم لاننا بنزرع جسم غريب جوة جسمك وكمان فى منطقة حساسة جدا فى الجسم ،فعشان ميحصلش اى عدوي تخلى الجسم يرفض الدعامة ، و تتسبب اننا نعيد العمليه مره تانى
2- لازم المكان يكون متعقم كويس جدا و دى اهم خطوة في نجاح العملية .
3- لازم وقت العملية ميزدش عن 45 دقيقة او ساعة ، عشان منرهقش الأنسجة فميحصلهاش التهاب .
4- لازم نتأكد اننا بنركب دعامة مناسبة لطول العضو و قطره مينفعش أصغر من العضو ، لان كده العضو هيحصل فيه انحناء و هيكون شكله غريب وقت الانتصاب ، و رأس العضو هتكون فاضية ، وكمان الدعامة فى الحالة دى مرونتها بتكون قليلة فممكن تتكسر ، و مينفعش اطول لانها هتسبب وجع وقت الانتصاب ، و ممكن توصل لانها تخرم راس العضو
5- لو انت مريض سكر لازم السكر يكون مظبوط و خصوصاّ لو السكر مش مستقر فلازم نظبط مستوى السكر التراكمى و العشوائى عشان ميحصلش التهابات ، لان السكر معروف انه بيضعف المناعة و بيقلل قدرة الانسجة على انها تستوعب الاجسام الغريبة ، عشان كده لازم نحافظ على السكر ، عشان نساعد ان الجرح يلتأم بسرعة و ميحصلش اى التهابات .
6- لو مريض ضغط لازم الضغط يكون مظبوط .
7- لو بناخد ادوية سيولة ، فى ادوية معينة للسيولة لازم نوقفها قبل العملية ب 3 او 4 ايام .
8- و اخيرا لازم نلتزم بالأدوية و المضادات الحيوية لمدة اسبوع او 10 ايام بعد العملية .