ضعف الانتصاب النفسي وطرق علاجه
الأزمات والمشاكل النفسية اللي بنواجهها في حياتنا اليومية بتأثر بشكل كبير على صحتنا ، وبالنسبة لكثير من الرجال بتؤدي لمشاكل في القدرة والأداء الجنسي ، وبالتالي بيحصل عندهم ضعف جنسي أو ضعف انتصاب ، وده بيكون بسبب التوتر والقلق والاكتئاب اللي بيتعرضولهم في حياتهم اليومية.
ودا لان المشاكل النفسية زي التوتر ، القلق ، والاكتئاب بتأثر على قدرة المخ على إرسال الإشارات اللازمة للقضيب أثناء انتصاب العضو الذكرى ، دا غير ان العوامل النفسية دي ممكن تزود إفراز هرمون الكورتيزول واللي لما بيكون مرتفع بيمنع تدفق الدم في الأوعية الدموية بالقضيب ، وكمان ارتفاع مستويات الكورتيزول لفترة طويلة ممكن يقلل من إنتاج هرمون التستوستيرون ، وده بدوره ممكن يسبب مشاكل جنسية وضعف في الانتصاب.
ودلوقتى تعالوا نتكلم بالتفصيل اكتر عن
ضعف الانتصاب النفسي
النوع دا من ضعف الانتصاب زي ما قولنا بيحصل لأسباب ومشاكل نفسيه وعاطفيه ، وكل الرجاله معرضة للإصابة بضعف الانتصاب النفسي ، وحتى لو ادائك الجنسي كان كويس ومش بتعاني من اي مشاكل في الانتصاب ف انت بردو عرضة للإصابة بالضعف الجنسي النفسي ، ودا هيخليك مش قادر تمارس علاقه زوجيه ناجحه نتيجة صعوبة في حدوث الانتصاب ، أو صعوبة في الحفاظ عليه ، وده هيعملك ضعف في الرغبة الجنسية و هيخليك مش عاوز تمارس اصلا العلاقة الزوجية.
والنوع دا من الضعف الجنسي النفسي ملوش سن معين ولا وقت معين …
وتعالوا دلوقتى نعرف
ايه هى أسباب ضعف الانتصاب النفسي ؟
- تغيير مودك بسبب الضغط النفسي اللي بتعاني منه
- وكمان ممكن يحصلك بسبب الإجهاد والتعب
- أو بسبب القلق من الأداء الجنسي والخوف من عدم نجاح العلاقة الزوجية خاصة في بداية الزواج.
- او نتيجه التوتر والضغوط النفسية في حياتك اليوميه.
- او بسبب الخلافات الزوجية وضعف الترابط العاطفي بينك وبين زوجتك.
- أو بسبب الاكتئاب.
- كمان لو بتتفرج على مقاطع اباحيه كتير دا بردو هيزود من معدل اصابتك بالضعف الجنسي وضعف الانتصاب
وكل الاسباب النفسيه دي بتاثر على ادائك الجنسي وقدرتك علي ممارسه العلاقه الزوجيه وهتعملك انعدام في ثقتك بنفسك وكمان ممكن تكون سبب تأخر الإنجاب الطبيعي ، لانك مش بتكون قادر تمارس العلاقة الزوجية.
ولو عايز تعرف ازاي المشاكل النفسية والخلافات الزوجية ممكن تسبب ضعف انتصاب ، اسمع الفيديو ده مع الدكتور اسامة البكل…
ودلوقتى بعد ما عرفنا اسباب ضعف الانتصاب النفسي تعالوا نعرف ايه هى طرق علاجه
وفي اكتر من طريقه نقدر نعالج بيهم ضعف الانتصاب النفسي زي :-
1- استشارة طبيب أو معالج نفسي : واللى بيكون دوره مهم جدا ، وهيساعدك في :
- التخلص من التوتر والقلق المزمن
- تقليل المخاوف النفسية المرتبطة بالأداء الجنسي
- تحسين علاقتك بزوجتك وحل الخلافات العاطفية
- علاج القلق الجنسي ومخاوف الفشل
ودا هيخلي حالتك النفسية اهدي وهيساعدك على الاسترخاء والتخلص من التوتر والقلق المزمن .
2- ممارسة تمارين الاسترخاء زى تمارين اليوجا و اللى هتساعد في تقليل التوتر، وتحفيز الاسترخاء.
3- تغيير نمط الحياة : التغييرات الصغيرة في نمط حياتك بتعمل فرق كبير في تحسين الحالة النفسية وقدرتك الجنسية ، زي:
- ممارسة التمارين الرياضية بانتظام ، دا بيساعد بشكل كبير على تقليل التوتر وكمان هيزود ويحفز إنتاج هرمون التستوستيرون اللي بيساعد علي تحفيز الرغبة الجنسية وارتخاء العضلات وتدفق الدم للأوعية الدموية وتحقيق الانتصاب
- ممارسة تمارين الحوض مثل تمارين كيجل ، لأنها بتقوي العضلات اللي بتساعد على تدفق الدم للقضيب.
- تناول أكل صحي، لأن صحة الجسم بتدعم الأداء الجنسي.
- تجنب التفكير السلبي المتعلق بالأداء الجنسي وثقتك بنفسك.
ولو فشلت معاك كل الطرق السابقة في علاج أو تحسين وضع الانتصاب بنلجأ للعلاجات المعروفة والطبية للتخلص من ضعف الانتصاب زي
– العلاج الدوائي
– الحقن الموضعي في القضيب
– الجراحة لزرع دعامة القضيب
وفي النهاية ، لازم تكون عارف ان الضغوط النفسية والاكتئاب والمشاكل الزوجية ممكن تأثر بشكل كبير جدا على العلاقة الزوجية وتسبب ضعف انتصاب أثناء ممارسة العلاقة الزوجية ، علشان كده مهم جدا انك تغير من نمط وأسلوب حياتك وتمارس الرياضة ، لأنها بتقلل من الضغط النفسي وبتحسن من الرغبة الجنسية ، ولازم كمان انك تتكلم مع زوجتك في اي مشكلة بتواجهك ، لان ده ليه عامل ايجابي كبير في قدرتك الجنسية.
ولو عندك اي تساؤل او استفسار ، تقدر تتواصل مع الفريق الطبي علي الرقم ده 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.