اهم اسئله مرضى ضعف الانتصاب قبل تركيب دعامه القضيب
قررت تركب دعامة العضو الذكري عشان تعالج بيها ضعف الانتصاب ، بس لسه قلقان شوية من الخطوة دي ، وعندك أسئلة كتير مش لاقي ليها إجابة ، يبقى المقال ده معمول علشانك ، لأننا جمعنا فيه أكتر الأسئلة اللي بتشغل الناس اللي قررت تركب الدعامة وجاوبنا عليها ، يلا نبدا.
س 1: هل الدعامة بتعالج سرعة القذف؟
ج: الدعامة فعلاً بتعالج سرعة القذف بس مش بطريقة مباشرة ، بمعنى ان الشخص اللي عنده سرعة قذف عادةً بيشتكي إن القذف بيحصل بعد الإيلاج على طول ، وبعد القذف الانتصاب بيروح ومش بيقدر يكمل العلاقة الزوجية ، ده غير ان سرعة القذف كمان بتحصل لو عندنا ضعف انتصاب، فبنكون عاوزين نخلص العلاقة الزوجية بسرعه ومش بنكون واثقين في ادائنا وده بيسبب سرعه قذف.
لكن بعد تركيب الدعامة ،
- هنكون كده عالجنا ضعف الانتصاب، وبكده هنقدر نمارس العلاقة الزوجية بثقة وبشكل منتظم و ده مش هيخلى في سرعة في القذف.
- ده غير ان العضو الذكري بيفضل في وضع انتصاب حتى بعد القذف، و بكده هنقدر نكمل العلاقة لحد ما الزوجة توصل للنشوة الجنسية.
ولو عايز تعرف معلومات اكثر عن هل الاعراض اللي عندك دي ضعف انتصاب ولا سرعة قذف ، اسمع الفيديو ده مع الدكتور اسامة البكل…
س 2: هى مدة الانتصاب بعد تركيب الدعامة بتبقى قد إيه؟
ج: مده الانتصاب بعد تركيب الدعامة انت اللى بتحددها لانك بتقدر تتحكم فى انتصاب العضو الذكرى للفتره اللى انت عاوزها و لما تقرر انك تنهى العلاقة الزوجيه كل اللى عليك تعمله ،
- لو ركبت دعامة مرنة، انك بس تتنى العضو الذكرى عشان الانتصاب يروح .
- اما لو ركبت دعامة هيدروليك، تضغط على المضخة اللي موجودة في كيس الصفن عشان الانتصاب يروح.
س 3: هل طول العضو الذكرى هيزيد بعد تركيب الدعامة؟
ج: الاجابة هتكون لا، حجم العضو مش بيتغير بعد تركيب الدعامة ، وده لان مقاس الدعامة لازم يكون مناسب للعضو مش أكبر ومش أصغر، لان ده ممكن يسببلنا مشاكل كتير جدا بعد تركيب الدعامة.
و الحالة الوحيدة اللي ممكن تحس فيها إن طول العضو زاد هي لو كان العضو فيه انحناء و تليف كبير اتسبب فى انكماش العضو الذكرى ، فى الحالتين دول لما نركب الدعامة العضو الذكرى هيتفرد و هيرجع لوضعه الطبيعى وده هيخليك تحس ان طول العضو زاد .
وتقدر تعرف معلومات اكتر عن هل حجم وطول العضو الذكري هيتغير بعد دعامه ضعف الانتصاب من الفيديو دا مع دكتور أسامة البكل ………
س 4: هل الدعامة بتأثر على الإحساس (الرغبة أو النشوة الجنسية)؟
ج: لا خالص ، الدعامة ملهاش علاقة بالإحساس أو النشوة الجنسية لان احنا مابنجيش ناحية الاعصاب والنهايات العصبية المسؤولة عن الإحساس في العضو الذكرى ، احنا بنركب الدعامة جوا حاجة اسمها النسيج الكهفى و خلينا نتفق ان النسيج الكهفى ده ملهوش اى علاقة بالمتعة الجنسية ، و بكده الاحساس بالمتعه و الرغبه قبل تركيب دعامة الانتصاب هيكون زى ما هو بعد تركيب الدعامة ، و العلاقة الزوجيه هتتم بصورة طبيعية جدا و مش هيكون فى اى تغيير في الإحساس عند الزوج او الزوجة .
س 5: امتى أقدر أمارس العلاقة الزوجية بعد عملية تركيب الدعامة؟
ج: تقدر ترجع تمارس العلاقة الزوجية بعد ما يعدى على العمليه 6 – 8 أسابيع بالكتير ، عشان نتأكد إن جرح العمليه والنسيج الكهفي التأموا بشكل كامل
س 6: هل الزوجة ممكن تحس إن فيه دعامة في العضو الذكري؟
ج : لا طبعا لان الدعامة نفسها بتكون طريه شويه ، و لو ضغطنا على العضو الذكرى صعب جدا اننا نميز وجودها ، ده غير ان الجرح كمان بتاع العمليه مش هيكون ليه اى اثر بعد ما يلتئم ، لان الخياطة بتكون تجميليه .
س 7: هل الدعامة ممكن تأثر على الإنجاب؟
ج: لا، الدعامة مش بتأثر على الإنجاب ولا ممكن انها تمنع خروج السائل المنوي ، وده لان السائل المنوي والحيوانات المنوية بيخرجوا وقت القذف من مجرى البول اللي موجود في النسيج الإسفنجي، والدعامة بتركب في النسيج الكهفي .
ولو عايز تعرف اكثر عن هل تركيب دعامة العضو الذكري ممكن تاثر على الانجاب او القذف ، اسمع الفيديو ده مع الدكتور اسامة البكل…….
س 8: هل عملية تركيب الدعامة خطر؟
ج: عملية تركيب الدعامة سهلة وبسيطة جداً، وملهاش أي مضاعفات لو اتعملت صح. المهم نتأكد إن المكان معقم كويس وإن الدكتور اللي هيعمل العملية يكون عنده خبرة وده لان :
- لو الدعامة أصغر من العضوالذكرى ، ممكن العضو يحصل فيه انحناء وده هيلخى شكله غريب وقت الانتصاب، وراس العضو هتكون فاضية، وكمان الدعامه فى الحالة دى مرونتها بتكون قليلة فممكن تتكسر،
- و كمان مينفعش ان الدعامة تكون اطول من العضو الذكرى ، لانها كده هتسبب وجع شديد وقت الانتصاب، وممكن توصل لانها تخرم راس العضو او تخترق مجرى البول .
س 9: هل هحس بوجع وقت الانتصاب بعد تركيب الدعامة؟
ج: لو اختارنا مقاس الدعامة صح، مش هتحس بأي وجع وقت الانتصاب ، ولا وقت العضو ما يكون مرتخى وده لان الجسم بعد فتره قليله هيبدء يتعود على الدعامه و يعاملها على انها جزء من العضو الذكرى
س 10: لو عملت حقن موضعي وماجابش نتيجة، ممكن أركب دعامة؟
ج : طبعا تقدر ، وده اصلا واحد من اسباب تركيب دعامات القضيب ، انك تكون جربت الطرق العلاجية زى العلاج بالادويه او الحقن الموضعة و مجابش نتيجة و قتها بنقرر اننا نركب الدعامة
س 11: هل ممكن أركب دعامة الانتصاب وأنا عندي القلب؟ وهل هستحمل العملية؟
ج: أيوة، تقدر تركب الدعامة. مرضى القلب وخصوصاً اللي بياخدوا أدوية موسعة للشرايين مينفعش ياخدوا أدوية لعلاج الضعف الجنسي لأنها ممكن تسبب انخفاض شديد في ضغط الدم وممكن لاقدر الله تكون سبب للوفاة وهنا بيكون الحل الافضل عملية الدعامة.
اما بقي لنقطة إذا كنت هتستحمل العملية او لأ ، فخلينى اقولك ان مدة العملية نفسها مش بتزيد عن 45 دقيقة، و بكده فأحنا مش بنحتاج ناخد جرعه بنج كبيره
ودلوقتى لو لسه عندك اى سؤال تقدر تبعتهولنا واحنا هنرد عليك ونجاوب على كل استفساراتك ، ولو عاوز تعرف معلومات اكتر عن الفرق بين الدعامة المرنة والدعامة الهيدروليك ، اضغط هنا..