التعافي بعد عملية دوالي الخصية بالميكروسكوب
عملية دوالي الخصية بالميكروسكوب تعتبر أفضل وأحسن طريقة لعلاج دوالي الخصيتين ، لأنها من أهم الإجراءات الطبية والحديثة اللي بنستخدمها عشان نخفف من آلام المريض او علشان نعالج مشكلة كبيرة مسببة تأخر في الانجاب عند حوالي 40% من الرجال ، ده كمان بفضل وجود الميكروسكوب الجراحي في العملية بيخلينا نتجنب مضاعفات كثير ممكن تحصل للمريض زي ضمور الخصية ، وبالتالي عشان نحسن من وظيفة الخصية ونتعافى بشكل أسرع ، في شوية تعليمات ونصائح لازم نلتزم بيها بعد العملية.
لكن قبل ما نتكلم عن التعافي بعد عملية دوالي الخصية بالميكروسكوب
خليني اقولك نبذة بسيطة عن دوالي الخصية
دوالي الخصية هي عبارة عن تضخم في الاوردة المحيطة بالخصية الموجودة جوا كيس الصفن ، والتضخم في الاوردة ده بيحصل نتيجة ضعف وخلل الصمامات اللي بتكون مسؤولة عن تنظيم تدفق الدم من الخصيتين الى القلب ومنع عودته تاني الي الخصية ، فلما الصمامات دي تضعف ، ساعتها الدم اللي طالع من الخصية في اتجاه القلب ، هيرجع تاني للخصية وهيفضل يتراكم داخل الاوردة ، وهو ده اللي بيسبب دوالي الخصية.
ودلوقتي تعالوا نعرف مع بعض كيفية إجراء عملية دوالي الخصية بالميكروسكوب الجراحي:
في البداية لازم تكون عارف ان عملية دوالي الخصية بالجراحة الميكروسكوبية بتكون في المستشفى والمريض بيكون تحت تأثير التخدير النصفي او الكلي ، وبعدها الجراح بيبدأ يعمل فتحة في أسفل البطن بالتحديد في المنطقة الاربية طولها حوالي 2-3سم ، وبعد كده بيستخدم الميكروسكوب الجراحي لانه بيكبر الرؤية لحد 25 ضعف ، وبعدها بيبدأ يشوف فين الأوردة المتضخمة اللي عاملة الدوالي ، ويبدأ يربطها كلها ويحول مسار الدم المتدفق فيها إلى أوعية دموية تانية طبيعية.
ولازم تكون عارف ان الجراحة الميكروسكوبية هي أفضل طريقة ممكن تعالج بيها دوالي الخصية ، لأسباب كثير:
1/ لان المكان اللي بنعمل فيه عملية دوالي الخصية هو مكان حساس ودقيق جدا ، فالميكروسكوب الجراحي بيكبر الرؤية و بيخلينا نشوف مكان العملية بشكل اوضح.
2/ وبسبب قوة تكبير الميكروسكوب ، بنقدر اننا نميز بين الاوردة والشرايين في الخصية ونتجنب ربط الشريان الخصوي اللي بيغذي الخصية بالدم ، وبكدة مش هيحصل ضمور للخصية.
3/ ده غير اننا بنقدر نتجنب ربط الأوعية الليمفاوية بالغلط وقت العملية ، وبكدة مش هيحصلنا قيلة مائية على الخصية.
4/ وكمان بسبب تكبير الميكروسكوب ، بنقدر نشوف كل الأوردة الصغيرة والثانوية اللي بتكون موجودة على جدار الحبل المنوي اللي بدأت تتضخم ونربطها كلها ، وبكدة مش هيكون في اي فرصة لرجوع الدوالي تاني بعد العملية.
5/ والعملية نفسها مش بتستغرق أكثر من ساعة واحدة بس ، وبعدها المريض بيقدر يرجع بيته بعد 3-4 ساعات ، وبيقدر كمان ينزل شغله بعد 3-5 أيام من العملية.
وعشان نضمن نجاح العملية ونتعافى بشكل أسرع ، في شوية تعليمات ونصائح لازم نلتزم بيها بعد العملية ، لو عايز تعرف ايه هي التعلمات دي ، اسمع الفيديو ده مع الدكتور اسامة البكل…
ودلوقتي تعالوا نعرف مع بعض امتي ممكن يحصل حمل بعد عملية دوالي الخصية بالميكروسكوب:
بس في الاول لازم تكون عارف ان دوالي الخصية بتاثر على وظيفة الخصية في انتاج وتصنيع الحيوانات المنوية ، بالتالي عملية دوالي الخصية بتحسن من وظيفة الخصية في انتاج الحيوانات المنوية السليمة والمكتملة ، لكن بعد عملية دوالي الخصية بالجراحة الميكروسكوبية لازم المريض ياخد فترة علاج هرموني لمدة 3 شهور ، علشان ننشط الخصية وترجع تاني تنتج حيوانات منوية بصورة طبيعية ، وبعد العلاج الهرموني اول تحليل سائل منوي بنعمله بيكون بعد 6 شهور من العملية ، لان دورة تكوين الحيوان المنوي بتستغرق حوالي 3 شهور علشان الخصية تكون تعافت بشكل كافي من تأثير الدوالي ، وبعدها بنلاحظ تحسن في تحليل السائل المنوي نسبة 70% ، واول حاجة بتتحسن هي عدد الحيوانات المنوية وبعدها الحركة بتتحسن ونسبة التشوهات بتقل ، وفرصة ان يحصل حمل طبيعي بعد العملية تصل إلى 40-45% من الفترة من 6 شهور لسنة بعد العملية.
في النهاية ، خليك عارف ومتأكد ان اول واهم خطوة للتخلص من الم دوالي الخصية وحل مشكلة تأخر الإنجاب ، هي عملية دوالي الخصية بالميكروسكوب ، وبعد العملية والاهتمام بالجرح والإلتزام بتناول الأدوية والمضادات الحيوية ، ساعتها التعافي هيكون أسرع ، وهنضمن أعلى نسبة نجاح وهيكون عندنا اعلى فرصة لحدوث حمل طبيعي باذن الله.
ولو اخدت قرار العملية معانا، تقدر تتواصل مع الفريق الطبي على الرقم ده 01018874287 وهما هيحجزولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.