تشوهات الحيوان المنوي
تشوه الحيوانات المنوية يعتبر من اهم اسباب تأخر الانجاب ، و اللى احيانا كتير بيتشخص غلط لاننا بنعمل التحليل فى مكان مش متخصص و لا بنلجأ لدكتور متخصص فى علاجه .
و عشان نفهم كويس امتى الحيوان المنوى يكون مشوه ، تعالوا نعرف الحيوان المنوى بيتكون من اى ، و امتى اقول ان الحيوان المنوى مشوه .
الحيوان المنوى بيتكون من 4 اجزاء :
ولو عايزين تعرفوا اكثر عن تكوين الحيوان المنوي ، تقدروا تعرفوا كل المعلومات عنه في الفيديو ده من دكتور اسامة محمد البكل………
و دلوقتى هنعرف امتى الحيوان المنوى يكون مشوه :
🔵 و هنا خلينا نعرف معلومة مهمه جدا ، وده بيكون اول سؤال بتسئله فى العياده ، هو يا دكتور معنى ان الحيوان المنوى مشوه ده معناه ان الطفل كمان هيتولد مشوه ؟
👈 و الاجابه طبعا لا، لان الحيوان المنوى المشوه ده ولا هيقدر انه يخترق البويضه و يخصبها ، ولا هيكون قادر انه يوصلها ، و بكده مش هيحصل حمل اصلاّ عشان ينتج عنه حيوان مشوه ، ده غير ان اللى ممكن يسبب تشوه للأجنه هو مشكله فى الماده الوراثيه ، وده ملهوش علاقة بتشوه الحيوانات المنوية .
و دلوقتى و بعد ما عرفنا امتى الحيوان المنوى يكون مشوه 👇
1️⃣ تعالوا نعرف اى هى اسباب تشوهات الحيوان المنوى ؟
2️⃣ و اي هى نسب التشوه اللى ممكن يحصل فيها حمل طبيعى ؟
و خلينا نبدء الاول بأى هى نسبة التشوهات اللى ممكن يحصل معاها حمل طبيعى و ازاى نقدر نحددها
👈 لازم عشان نقدر نحدد نسبة التشوهات و نكون واثقين منها لازم التحليل يتم فى اماكن معينه زى مراكز الخصوبه او اطفال الانابيب او معامل متخصصة ، لان التحليل ده لازم يتم بطريقة معينة ، و هى اننا بنصبغ الاول الحيوان المنوى بصبغه معينه و دى مش بتكون موجوده فى اغلب معامل التحاليل العادية ، و بعدها نحطه تحت ميكروسكوب معين و نبدأ نفحص شكل الحيوان المنوى بدقة عشان نقدر نحدد نسبة التشوهات .
👈 اما بالنسبة لنسبة التشوهات المقبوله اللى نقدر نقول ان هيحصل معاها حمل طبيعى بتكون اقل من 96% ، اما لو نسبة التشوهات كانت اكتر من 96% وقتها فرص الحمل الطبيعى بتكون اقل
‼️ و هنا فى نقطة مهمه لازم نعرفها قبل ما نعمل الحقن المجهرى ، و هى اي اصلاّ السبب فى تشوه الحيوانات المنوية لاننا لو عرفنا السبب و قدرنا اننا نعالجة هنقدر اننا نقلل من نسبة تشوه الحيوان المنوى ، و فى حالات بعد العلاج بيكون عندها فرصه ان يحصل حمل طبيعى هتكون كبيرة جدا و تعالوا بقى دلوقتى نعرف اسباب تشوه الحيوانات المنوية وازاى بنقدر اننا نعالجها
ولو عايزين تعرفوا اكثر عن النسبة الطبيعية لتشوه الحيوانات المنوية ، تقدروا تعرفوا كل المعلومات عنها من دكتور اسامة محمد البكل………
اسباب تشوه الحيوانات المنوية
و بالنسبة للعلاج ، فلو كان التشوه سببه مكتسب ، فالعلاج هنا هيكون على حسب السبب اللى عمل تشوه فى الحيوانات المنويه فمثلاّ لو كان السبب دوالى الخصية ، فهنا نقدر نعالجها بعمليه بسيطة جدا ، و لو كان السبب التهاب فى الجهاز التناسلى فهنا كل اللى هنعمله اننا ناخد مضاد حيوى نعالج بيه الالتهاب ، اللى لما يروح نسبة تشوه الحيوانات المنوية هتقل و هيحصل حمل طبيعى ، شوفت الموضوع سهل ازاى ، و قيس على كده كل الاسباب المكتسبة نقدر نعالجها فى فتره بسيطة جداّ متزدش عن 6 شهور و تريح نفسك من الحقن المجهرى .