أعراض نقص هرمون التستوستيرون
في البداية خلينا نتفق ان نقص هرمون الذكورة مش حاجه تقلق و لا حالة صعبة ملهاش علاج ، مدام اتشخصت صح و اتعالجت صح ،
لو ده حصل اتأكد انك هتقدر تمارس حياتك الزوجية بشكل طبيعى من غير اى مشاكل سواء فى العلاقة الزوجية او الانجاب
ازاى اقدر اعرف ان عندي أعراض انخفاض هرمون التستوستيرون أو نقص في الهرمون الذكرى
فى البداية خليني اسألك شوية اسئله :
- هل عندك اى مشكله فى الانتصاب اثناء العلاقه الزوجيه ، او في فترة الصبح ، أو بيحصل انتصاب و بينتهى قبل ما يحصل قذف ؟
- بتحس اوقات كتير انك معندكش رغبه جنسيه ، و مش عاوز العلاقة الزوجية ؟
- عندك إحساس مستمر بالإرهاق ، و معندكش طاقه تعمل اى مجهود ؟
- على طول بتكون حاسس انك متوتر، و اعصابك على طول مشدودة و عندك اكتئاب؟
- بتكون عاوز تنام طول الوقت ؟
- هل حصلك زيادة كبيرة فى الوزن من غير سبب ؟
- طب هل حاولت تعمل نظام غذائى و التزمت بيه ، و برضو وزنك منزلش ؟
- لاحظت زيادة كبيرة جدا فى الدهون و بالذات فى منطقة البطن ؟
- بتحس بألم في العضلات ، و حاسس ان عضمك كله بيوجعك من اقل مجهود ؟
- حسيت بأن حجم الثدى زاد (تثدي) ، أو أن حجم الخصية صغر و ملمسها بقى لين شويه ؟
- لاحظت ان شعر جسمك بيقع ؟
- لاحظت تغير فى السائل المنوى ، و ان كميته بقت قليله ، و ان فى تأخر في الحمل مع ان مفيش موانع من ناحية الزوجة ؟
ولو عايز تعرف معلومات اكثر عن نقص كمية السائل المنوي وقت القذف ، اسمع الفيديو ده مع الدكتور اسامة البكل…
لو اجابتك على كل الاسئله أو جزء منها كانت اه هو ده اللى بحس بيه ، يبقى كده فعلا احنا عندنا انخفاض فى هرمون الذكورة
لو اجابتك على كل الاسئله أو جزء منها كانت اه هو ده اللى بحس بيه ، يبقى كده فعلا احنا عندنا انخفاض فى هرمون الذكورة ، بس مش عايزك تقلق وتعالى واحده واحده نفهم كده ايه هو هرمون التستوستيرون و ايه علاقته بكل ده ،
و ليه اصلا ممكن يكون عندك نقص فى هرمون الذكورة ؟
اولا : ايه هو هرمون التستوستيرون ؟
هو هرمون بيتفرز من الخصية وقت اكتمال الجنين ، فى اول شهور الحمل والهرمون ده اللى بيكون مسؤول عن :
- نمو و زيادة حجم القضيب و الخصيتين .
- توزيع الشعر في الجسم .
- نمو العضلات و تناسق حجم الأطراف مع الجسم .
- هو المسؤل عن خشونة الصوت .
- بيكون كمان مسؤول عن انتاج الحيوانات المنوية ، وإنتاج كرات الدم الحمرا .
- و هو المسؤول عن تحفيز انسجة القضيب و ده اللى بيحقق الانتصاب وقت العلاقه الزوجيه ، او فى فترة الصبح .
- كمان بيكون مسؤل عن الرغبه الجنسيه ، و الوصول للنشوه ، غير انه كمان مسؤل عن قوة القذف .
طيب نلخص كل اللى فات ده ونقول إن أي انخفاض أو نقص فى الهرمون الذكرى ، لازم يكون ليه تأثير على اجسامنا سواء من الناحيه الصحية او الناحيه الجنسيه أو الناحية الإنجابية .
تعالوا دلوقتي نعرف بقى ايه هى اسباب انخفاض هرمون التستوستيرون ؟
- لو حصل اى اصابه فى الخصية زى مثلا دوالي الخصية .
- العلاج الكيميائي او الاشعاعى على الحوض ، بسبب الاصابة لاقدر الله بسرطان الخصية او البروستاتا .
- لو عندنا مشاكل فى الغدة النخامية .
- السمنة المفرطة .
- الإصابة بأمراض الكلى أو الكبد
- ارتفاع ضغط الدم .
- الإصابة بفيروس نقص المناعة .
- واخيرا طبيعى جدا يحصل نقص في هرمون الذكورة كل ما بنكبر فى العمر .
و دلوقتى خليني أسألك , فاكر السؤال رقم 4 اللى سألتهولك في بداية كلامنا ، اللى كنت بسألك فيه عن إحساسك بالقلق و التوتر و الاكتئاب
هو ده بالظبط اللى مش عاوزك تعمله دلوقتي ، خليك دايما عارف اول خطوه فى اى علاج هى الامل ،و بعدها لازم تعرف كويس انت عندك ايه بالظبط و ازاى تقدر تعالجه .
ولو لسه عاوز تعرف اكتر عن نقص هرمون الذكورة ممكن تتواصل مع فريقنا الطبى على رقم 01018874287 ، وهما هيجاوبوا على كل استفساراتك ، أو تطلب منهم تحديد ميعاد مع دكتور اسامه محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.