سحب العينة بالإبره

سحب العينة من الخصية بالإبره :

و دلوقتى تعالوا نعرف ازاى العملية بتم :

• العمليه بسيطة جدا ، مدتها مش بتزيد عن 10 دقايق .
• نقدر نعملها ببنج نصفى او موضعى ، و كمان بناخد جرعة بنج موضعى فى الحبل المنوى عشانن التخدير يفضل معاك كمان لبعد العملية بفتره عشان متكونش حاسس بأى الم .
• بنقدر فى نفس العملية نسحب عينة من اكتر من مكان و ده بيضمن اننا نوصل لحيوانات منوية اكتر .
• مش بيكون فى نزيف او غرز لان اصلا مش بيكون فى اى جروح ، كل الموضوع شكة ابره و كمان مش بتكون حاسس بيها لان زى ما قولنا بنكون واخدين جرعة بنج .
• بعد العمليه مش بيكون فى تورم فى الخصية، ولا بيكون فى اى علامات على كيس الصفن لاننا زى ما قولنا مش بيكون فى اى جرح .
• و كمان الالم اللى هنحس بيه بعد ما يروح تأثير البنج بسيط جدا ، هيروح بعد ما ناخد جرعة بسيطة من المسكن .
• وبنقدر اننا نروح بعد العمليه بساعتين .
• وكمان نقدر اننا ننزل شغلنا بعد العملية بيوم .

طيب بما ان العملية بسيطة اوى كده ده معناه ان اى حد يقدر يعملها ؟

• ان حجم الخصية لازم يكون طبيعى ، يعنى لو عندنا متلازمة الكلاينفلتر منقدرش نعمل سحب للحيوانات المنوية بالأبره ، لان حجم الخصية هنا بيكون صغير جدا ، و هنا افضل اجراء ممكن نعمله عشان نستخرج حيوانات منوية هو التفتيش الميكروسكوبى .

• لو عندنا تليف شديد فى انسجة الخصية ، وقتها بردو منقدرش نعمل العمليه ، لان بسبب التليف مش هيطلع اى انسجة او حيوانات منوية فى الابره ، و ممكن لو دخلنا و طلعنا الابره اكتر من مره نتسبب فى جرح للشرايين او الاورده .
• لو عندنا زياده فى نسبة هرمونات الغده النخامية ، ده معناه ان الخصية فيها مشكلة و ممكن تكون مش بتنتج حيوانات منوية ، وفى الحالة دى بنضطر نلجأ للتفتيش الميكروسكوبى او العينة العادية عشان ندور على الانسجة و الانابيب اللى ممكن يكون فيها حيوانات منوية .

• لازم فى الاول نعمل تحليل للسائل المنوى اكتر من مرة والنتيجة تكون انعدام للحيوانات المنوية فى السائل المنوى فى كل مرة بنعمل فيها التحليل .
• و هنعمل كمان اشعة على الخصية عشان نتأكد من حجم الخصية ، ووضع الدوره الدموية .
• و هنحتاج نعمل تحاليل هرمونية نقيم بيها وضع الهرمونات .
• وممكن كمان نحتاج تحليل جينى عشان نتأكد اننا معندناش اى خلل جيني زى متلازمة الكلاينفلتر اللى قولنا اننا منقدرش نعمل العملية لو هى عندنا .

وتعالوا بقى دلوقتى نعرف اى هى الحالات اللى نقدر فيها نعمل سحب عينة بالابره :

• لو عندنا انسداد فى القنوات المنوية ، او ان الوعاء الناقل مش متخلق ، وده معناه ان طريق خروج الحيوانات المنوية من الخصية مقفول و ده هيمنع خروج الحيوانات المنوية وقت القذف ، وقتها هنحتاج اننا نسحب الحيوانات المنوية من الخصية على طول و نعمل بيها حقن مجرى .
• لو بيحصل تفتت للمادة الوراثية في السائل المنوي فى الحالة دى الافضل اننا نعمل سحب للحيوانات المنوية من الخصية بالابره حتى لو الحيوانات المنوية بتطلع فى القذف ، لان الحيوان المنوى و هو جوا الخصية مش بيتعرض لاى عوامل تأثر على المادة الوراثية .
• لو عندنا اى مشكلة سببت ان ميحصلش حمل طبيعى ، و مع المشكلة دى كان عندنا كمان ضعف انتصاب ، وقتها هنحتاج نسحب عينة حيوانات منوية بالابره ، لان ممكن فى يوم عمليه الحقن لمجهرى الزوج ميقدرش يجيب عينة سائل منوى .
• لو يوم الحقن المجهري لقينا نسبة صديد مرتفعة فى عينة السائل المنوي وقتها مش هينفع نستخدم الحيوانات المنوية من القذف في الحقن المجهري ولازم نعمل سحب بالابرة من الخصية .