إلتواء الخصية

و عشان نفهم ازاى الخصية بتضر بسبب الالتواء ده ، خلونا نعرف الاول ان الخصية بتكون موجوده فى كيس الصفن و بتكون متعلقة فى الحبل المنوى ، و الحبل المنوى ده بيكون فيه مجموعة من الشرايين اللى بتكون مسؤوله انها توصل الدم و الاكسجين للخصية عشان يغذيها ، و بيكون فيه كمان الاوردة و دى اللى بتكون مسؤولة عن انها تخرج بقايا الدم من الخصية بعد ما تكون استفادة منه للدوره الدموية مرة تانية ، و بيكون كمان فيه الانابيب المنوية اللى بتخرج الحيوانات المنوية من الخصية للحويصله المنوية ، فلما الخصية تلف حوالين نفسها هيبدء كمان الحبل المنوى اللى متعلقة فيه الخصية يحصل فيه التفاف و بسبب الالتفاف ده الشرايين و الاوره بتتقفل و بكده الدم مش بيوصل للخصية ، و بيبدء يحصل للخصية اختناق و تلف فى الانسجة ، و هيبدء لونها يتغير و يبقى مزرق بسبب نقص الدم و الاكسجين ، و هنا لازم نروح فوراّ للمستشفى عشان نلحق الخصية ، لاننا لو اتأخرنا مش هنقدر نعالج التلف اللى حصل للانسجة و بكده هيحصل ضمور و غرغرينة للخصية و هنضطر نستأصلها .

طيب دلوقتى بعد ما عرفنا يعنى اي التواء الخصية

• التواء الخصية ممكن يحصل بسبب ان وضع الخصية الخصية فى كيس الصفن يكون بشكل افقي مش راسي وده بيخليها معرضه للالتفاف حولين نفسها اكثر من الوضع الطبيعي الراسي
• لو كان عندنا خلل فى العضلات الموجوده حوالين لحبل المنوى ، ده هيخلى الحبل المنوى نفسه بيتحرك كتير ، و ده هيحرك معاه الخصية و يسبب التوائها .
• لو عملنا عمليات فى الخصية ده ممكن يخليها معرضة ان يحصلها التواء .
• لو حصل خبطة او ضربه جامده فى الخصية ده ممكن يسبب التوائها .
• لو حصل نمو سريع للخصية فى وقت البلوغ ، ده ممكن يسبب بعد كده التواء فى الخصية .

• هنحس الم مفاجئ فى الخصية و الالم ده مش بيروح بالمسكن و بيفضل فتره طويله ، وهنكون مش قادرين نستحملة و لا نلمس الخصية بسبب شده الالم .
• و ممكن يكون فى كمان قيئ بسبب شدة الالم .
• والم فى البطن .
• و هيحصل تورم للخصية .
• وهنحس ان الخصية مرتفعه اكتر من الطبيعى .

و هنا لازم تعرف ان و لو حسينا بالاعراض دى لازم فورا نروح لمستشفى ، و نعمل فحص سريع بأشعه الدوبلر عشان نتأكد من وضع الدوره الدموية فى الخصية ، و لو اتأكدنا من وجود التواء بالخصية لازم نكون بنجهزعشان هنعمل عمليه نلحق بيها الخصية قبل ما يحصلها ضمور و غرغرينة

العمليه نفسها بتكون بسيطة جدا مش بتاخد اكتر من 45 دقيقة ، كل اللى بنعمله فيها فتحة صغيره فى كيس الصفن ، عشان نخرج منها الخصية ، و بعدين نفك الالتواء اللى حصل و نحاول اننا ننعش الخصية مره تانية ، و هنا لو لقينا ان لونها بدء يرجع تانى للطبيعى ، وقتها هتبقى الخصية سليمة و هنبدء نرجعها تانى لكيس الصفن و نثبتها فيه بخيط جراحى عشان الالتواء ميحصلش مره تانية .

• أن الخصية لو لحقناها هترجع بعد العملية لطبيعتها و هتقدر تمارس كل وظائفها بشكل طبيعى.
• لكن لو للأسف ملحقناهاش وقتها هنضطر إننا نستأصلها ،بس خلينى اطمنك ان احنا لسه عندنا خصية تانية سليمة هتقدر تنتج الحيوانات المنوية وهرمون الذكورة ، لكن عشان نفضل محافظين عليها لازم واحنا بنعمل العملية للخصية اللى حصلها التواء ، نكون بنثبت الخصية السليمة فى كيس الصفن ، لانها بتكون معرضة أن يحصلها هى كمان التواء فى اى وقت ، و لو ده حصل و ملحقناش نعالجها فكده إنتاج هرمون الذكورة و الحيوانات المنوية هيتوقف بشكل نهائى ، لان الخصيتين مش موجودين ، و لو ده حصل كل اللى هنقدر نعمله اننا بس نعوض نقص هرمون الذكورة علشان ميحصلش تأثير على القدرة الجنسية ، لكن للأسف مش هنعرف نلاقي طريقة ننتج بيها حيوانات منوية مره تانيه لو حصل استئصال للخصيتين ، وكده مش هيكون فى فرصة للإنجاب بسبب انعدام الحيوانات المنوية.

عشان كده مهم جدا ان اللى يشخص الأعراض و يحط خطة العلاج يكون دكتور متخصص فى امراض الذكورة ، وعنده خبره كبيره لان الغلطة هنا هتضيع منك حلم انك تبقى أب.