تهتك الخصية

الاجابة لا ، نسيج الخصية نفسه نسيج اسفنجى بيقدر انه يمتص الخبطات البسيطة و يخليها متأثرش على الخصية ، ده غير ان الخصية بتكون كمان متحوطة بغشاء اسمه الغلالة البيضاء ، و الغشاء ده بيكون سميك شويه عشان يحمى الخصية .

• لو بنمارس رياضة زى كرة القدم مثلا و الكوره خبطت بقوة كبيرة فى الخصية ، او لو بنمارس العاب عنيفة ممكن تيجى خبطة قويه فى الخصية ، وده اللى هيسب فى تهتكها .
• لو اتعرضنا لحادثة اتسببت فى سحق للخصية فى عظمة الحوض .
• لو اتجرحنا بأله حادة و الجرح ده اخترق كيس الصفن ، وقتها ممكن يحصل تهتك فى الخصية .

• الم شديد جدا و مستمر لاكتر من ساعه .
• الاحساس بالغثيان بسبب شده الالم .
• الم فى البطن .
• تورم كبير وسريع في كيس الصفن .
• هنحس كمان بسخونية .

و طبعا كل الاعراض دي هتظهر بعد خبطة قوية و مباشره للخصية ،و لو حسينا بالاعراض دى وقتها لازم نتحرك فوراّ على المستشفى ، و لحد ما نوصل ممكن ناخد مسكن نقلل بيه الالم ، و نحاول نعمل كمدات تلج عشان نقلل التورم ، و نحاول اننا نرفع كيس الصفن و نقلل حركته على قد ما نقدرعشان نقلل من ضرر الاصابه لحد ما نوصل المستشفى .

و اول ما نوصل المستشفى هنعمل فحص و اشعة دوبلر على الخصية عشان نحدد وضع الدوره الدموية فى الخصية  و حجم الاصابة ، و لو لقينا من الفحص ان الاصابه كبيره وفى نزيف داخلى فده معناه ان حصل تهتك فى انسجة الخصية او قطع فى الغشاء المحيط بيها  وقتها لازم يكون فى تدخل جراحى نوقف بيه النزيف اللى حصل و نعالج الانسجة اللى اتضررت او نستأصلها ، و نخيط القطع اللى حصل فى غلاف الخصية ،

و هنا لازم نعرف حاجة مهمه ان كل ده لازم يتم بسرعه ، لان لو حصل تأخير ده ممكن يسبب غرغارينا لانسجة الخصية  ، و نضطر اننا نستأصلها .

•  ممكن نحتاج اننا نركب درنقة لمده 4 او 5 ايام عشان نخرج اى سوائل و دم فى الخصية .
• لازم نلتزم بالعلاج عشان نقلل من فرصة ان يحصل اى التهابات .
• هنبعد عن اى مجهود بدنى عنيف لمده متقلش عن شهر .

اننا لو بنمارس رياضه ممكن اننا نتعرض بسببها لخبطة فى الخصية ، فأحنا ممكن نلبس واقى من البلاستك ، الواقى ده بيغطى الخصية و العضو الذكرى ، و بكده هنكون بنحميهم و لو حصل و اتخبطنا فده مش هيضر بالخصية و لا العضو الذكرى

و لو عاوز تعرف معلومات اكتر عن كسر العضو الذكرى اضغط هنا