ما هي عملية استخراج الحيوانات المنوية من الخصية؟

ما هي عملية استخراج الحيوانات المنوية من الخصية؟

اثبتت الاحصائيات ان حوالي 15% من الرجال بيعانوا من مشاكل بالعقم وتأخر الإنجاب نتيجة انعدام الحيوانات المنوية في السائل المنوي ، وعلى الرغم من أنها نسبة كبيرة وممكن تقلق اي راجل لدرجة انه ممكن ياخد قرار الانفصال عن زوجته لعدم  قدرته علي الانجاب ، الا ان دلوقتي ومع التقدم العلمي بقي في طرق كثير جدا نقدر نستخرج بيها الحيوانات المنوية من الخصية علشان نستخدمها في الحقن المجهري ويكون عندنا اطفال.

ودلوقتي تعالوا نعرف مع بعض ازاي بنقدر نستخرج الحيوانات المنوية من الخصية : 

في البداية لازم تكون عارف ان في 3 طرق نقدر بيهم نستخرج الحيوانات المنوية من الخصية فى الحالات اللي بتعاني من انعدام الحيوانات المنوية في السائل المنوي ، زي : 

1/ العينة العادية

• ودي بنستخدمها عن طريق الجراحة التقليدية، حيث يتم فتح كيس الصفن والخصية ونبدأ ناخد عينات عشوائية من نسيج الخصية.
• وبعد كدة بيتم إرسال هذه الأنسجة إلى معمل الأجنة لفحصها تحت الميكروسكوب واستخراج الحيوانات المنوية السليمة والجاهزة للتخصيب لاستخدامها في الحقن المجهري او تجميدها.

• لكن مهم تبقي عارف ان العينة العادية على قد ما هي عملية بسيطة وسهلة ، الا انها ممكن تضر انسجة الخصية ، لان الجراح وقت العملية بيكون معتمد على بصره وأدواته الجراحية فقط من غير ما يستخدم اي ادوات واجهزة حديثة تساعده يشوف مكان العملية والانسجة بشكل اوضح ، وده ممكن يخليه يشيل جزء كبير من أنسجة الخصية.
• علشان كده مهم اننا نتاكد من خبرة الجراح اللي هيعمل لنا العملية ، وكمان لازم نتاكد من المكان اللي هنعمل فيه العملية ، لانه لازم يكون مكان متخصص ويكون فيه معمل اجنة مجهز علشان ياخد العينة اول ما تطلع من الخصية ويفحصها ويستخرج منها الحيوانات المنوية السليمة لاستخدامها في الحقن المجهري.

2/ سحب العينة بالابرة

• دي طريقة من الطرق اللي بنستخرج بيها الحيوانات المنوية من الخصية في الحالات اللي بتعاني من انعدام الحيوانات المنوية في السائل المنوي نتيجة وجود انسداد في القنوات المنوية اللي بتنقل الحيوانات المنوية من الخصية إلى البربخ وحتى خروجها من القضيب وقت القذف.
• واللى بنعمله في العملية اننا بنركب كانيولا في المكان اللي هنسحب منه العينة، وبعد كدة بنركب في الكانيولا سرنجة وبيكون جواها محلول عشان يحافظ على الحيوانات المنوية ويغذيها، وبعد كدة بنسحب الأنسجة اللي فيها الحيوانات المنوية عن طريق اننا بنفضل ندخل ونخرج في الكانيولا، والحركة دي هي اللي بتخلينا نقدر نسحب الأنسجة اللي فيها الحيوانات المنوية، وبعد كدة بنحطها في أنبوب ونبعتها معمل الاجنة عشان يفحصها تحت الميكروسكوب ويستخرج منها الحيوانات المنوية السليمة لاستخدامها في عملية الحقن المجهري.

• وبعد العملية بنغطي الجرح بلاصق طبي معقم ، ويفضل اننا نحط كيس من الثلج على الخصية لتقليل أي تورم أو انتفاخ في الخصية.
• والمريض بيخرج من المستشفى في نفس اليوم ، و يقدر يمارس حياته الطبيعية على طول ، لكن يفضل انه يتجنب أي نشاطات مجهدة ولا يمارس العلاقة الزوجية لمدة أسبوع من وقت العملية.

3/ نيجي بقى للطريقة الثالثة واللي تعتبر احدث واامن طريقة نستخرج بيها الحيوانات المنوية من الخصية فى الحالات اللي بتعاني من انعدام في الحيوانات المنوية ، وهي الجراحة الميكروسكوبية :  

• والجراحة الميكروسكوبية هي عملية بسيطة وسهلة جدا والمريض فيها بيكون تحت تأثير التخدير النصفي او الكلي ، وبعد كدة بنعمل فتحة صغيرة طولها حوالي 1-2سم في منتصف كيس الصفن علشان نقدر نوصل للخصية ، وبعدها بنستخدم الميكروسكوب الجراحي لانه بيكبر الرؤية لحد 40% ضعف ، وده بيخلينا نقدر نوصل للأنابيب المنتفخة اللي بيكون جواها الحيوانات المنوية بكميات أكبر ، ونبعد عن الانابيب المنكمشة والضعيفة اللي بيكون جواها الحيوانات المنوية بكميات أقل.
• وبعد كدة بنبعت العينات دي للمعمل عشان يفحصها تحت الميكروسكوب ويستخرج منها الحيوانات المنوية المنوية السليمة علشان نستخدمها في الحقن المجهري.
• وبعد ما بنخلص العملية بنقفل الجرح اللي عملناه في الخصية وبنرجعها مكانها في كيس الصفن ، وبنقفل الجرح اللي في كيس الصفن بغرز تجميلية علشان ميكونش ليه اي اثر.
• والمريض بيقدر يخرج من المستشفى في نفس يوم العملية ، ويقدر بعد حوالي 2-3 أيام يمارس حياته الطبيعية وينزل شغله ، لكن يتجنب ممارسة أي نشاطات مجهدة حتي تتعافي الخصية بشكل تام ،  وبالنسبة للعلاقة الزوجية بيقدر يمارسها بعد العملية باسبوع واحد بس من العملية.

ودلوقتي لازم تكون أن في حالات كتير بتعاني من انعدام في الحيوانات المنوية وبتكون قابلة للعلاج ومش هتحتاج للتفتيش الميكروسكوبي من الخصية ، لو عايز تعرف انت واحد منهم ولا لا ، اسمع الفيديو ده مع الدكتور اسامة البكل…

في النهاية، لازم تكون عارف انك لو بتعاني من انعدام تام في الحيوانات المنوية و تأخر في الإنجاب، خليك متأكد ان لسه في امل في العلاج وأن يكون عندك طفل واثنين وثلاثة، من خلال طرق كثير جدا نقدر نستخرج بيها الحيوانات المنوية من الخصية ونعمل بيها حقن مجهري، بس المهم انك تتشخص صح وتعرف إيه الطريقة المناسبة لحالتك.

ولو خلاص قررت تبدأ معانا رحلة علاجك، تقدر تتواصل معانا من خلال الرقم ده 01018874287 ، واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.