ضعف الانتصاب وانواعه

انواع ضعف الانتصاب

ضعف الانتصاب مشكله كبيرة جدا لأنه بيأثر على القدره الجنسيه والحالة النفسيه كمان ، لانه بيخلى المريض مش قادر انه يمارس العلاقة الزوجية.

فتعالوا نعرف مع بعض

إي هو ضعف الانتصاب ؟

ده مرض بيصيب العضو الذكري وبيخلي العضو الذكرى مش صلب أو منتصب كافية ، يعني العضو الذكرى مش بيكون مستقيم بدرجة تسمح بالجماع أو بإقامة علاقة جنسية ناجحة.

طيب امتي يكون ضعف الانتصاب اللي عندك عرض ، وامتي بيكون مرض ؟؟

ضعف الانتصاب هيكون عرض

لو لقينا ان في اوقات ممكن يحصلنا خلل في الانتصاب اللي بنسميه ( ضعف انتصاب مفاجئ ) ودا ممكن يحصل عندنا من وقت للتاني بسبب تغيير مود او بسبب الأجهاد ، يعني مرتبط اكتر بالحاله النفسيه عندك ودا وضع طبيعي بيحصل لكل الناس ومش معناه انك مريض ضعف انتصاب ، لان مفيش شخص عنده انتصاب كامل طول الوقت المهم يكون عندك انتصاب صحيح بدرجة كافية تسمح بالايلاج وإقامة علاقة زوجية ، والحالات دي بيكون فيها ضعف الانتصاب عرض مش مرض ، والشخص بيرجع له الانتصاب تاني بشكل طبيعي.

لكن ضعف الانتصاب المرضي

فالشخص بيعاني من ضعف مستمر في الانتصاب وانه مش قادر يمارس علاقه زوجيه ، او ان الشخص يلاقى ان ضعف الانتصاب بيتكرر معاه اكتر من مرة خلال شهرين ل 3 شهور وكمان في الفتره دي مش بيحصل عنده انتصاب صباحي.

وهنا انت لازم تزور دكتور متخصص علشان يشخص حالتك ويعالجها ، وممكن كمان ضعف الانتصاب اللي عندك يكون مؤشر على وجود مرض تاني مأثر على انتصابك.

و دلوقتى بعد ما عرفنا اى هو ضعف الانتصاب و امتى يكون فعلا مرض محتاج علاج و امتى يكون حاجة طبيعيه ، ودلوقتي تعالوا نعرف

ايه هى انواع ضعف الانتصاب ؟

و اللى بنقسمهم لنوعين و هما : 

• ضعف الانتصاب الاولي
• و ضعف انتصاب ثانوي 

1- ضعف الانتصاب الاولي :وهنا الشخص بيكون معندوش صلابة أو انتصاب في العضو الذكري ابدا من وقت البلوغ ، يعني مش عارف يعمل إيلاج بسبب ارتخاء العضو حتى في حالة وجود إثارة جنسية ، ودا بيسبب للشخص معاناة ومشاكل نفسية وقلة ثقة في نفسه وكمان بيقلل من فرص الانجاب بطريقه طبيعيه.

•  و النوع ده بيكون نادر انه يحصل وبيصنف من حالات الضعف أو العجز الجنسي. بيحصل غالباً بسبب:
• تشوهات في القضيب.
• عيب خلقي اتولد بيه الشخص.

االاعراض اللي بتظهر علي مريض ضعف الانتصاب الاولي :- 

• ان الشخص المصاب بيه معندوش انتصاب صباحي من بدايه سن البلوغ 
• و مش بيكون عنده انتصاب وصلابة في العضو الذكرى ابدا بدرجه كفايه تسمح بالايلاج واقامه علاقه جنسية 

وفي الاغلب ضعف الانتصاب الاولي مش بنكتشفة غير بعد الزواج لما الشخص بيلاقي نفسه مش قادر يعمل علاقه جنسيه حتي مع وجود محفزات واثاره 

ولو عايز تعرف اكتر عن ضعف الانتصاب الاولي ، اسمع الفيديو ده مع الدكتور اسامة البكل………

2- ضعف انتصاب ثانوي: و هنا الشخص فى الاول كان عنده انتصاب طبيعي ، و بيبدأ يلاحظ ان بقى عنده مشكله فى الانتصاب او ان الانتصاب بيحصل بس بيفقده بسرعه وقت العلاقة الجنسية و ده بيخليه مش عارف انه يكمل العلاقة الزوجية لحد ما يوصل للنشوه الجنسية 

واكتر ناس بتكون معرضة لضعف الانتصاب الثانوى ، هما الاشخاص اللي اعمارهم فوق الـ 40 سنة ، فبنلاقى ان حوالي 50% من الرجالة وده اقل تقدير من عمر 40 لغاية 70 سنة في أمريكا بيعانوا من خلل انتصاب ثانوي، وبيزيد مع التقدم في العمر ، ودا بيكون سببه أما عوامل نفسية أو مشاكل عضويه.

و من أعراض ضعف الانتصاب الثانوي:

• صعوبه في المحافظه علي الانتصاب في العلاقه او عدم وجود انتصاب في العضو حتي في وقت الاثاره ودا بيخلي الشخص مش قادر يستمتع بحياته الجنسيه 
• انخفاض في الرغبة الجنسية والابتعاد عن العلاقه الزوجيه اصلا ، 

كل ده طبعا هيكون سبب فى ان الحياة الجنسية مش هتكون مرضية للطرفين ، و هتخلينا حاسين بالتوتر والقلق على طول بسبب ادائنا الجنسي .

و دلوقتى لو عاوزين تعرفوا ايه هي اسباب ضعف الانتصاب ، هتلاقوا كل التفاصيل هنا…..