أنواع الدعامات الهيدروليك وإصداراتها
هنتكلم انهارده عن انواع و اصدرات الدعامات الهيدروليكية ، و اللى كنا شرحنا مكونتها ازاى بنقدر اننا نستخدمها عشان يكون فى انتصاب فى العضو وقت العلاقة الجنسيه فى مقال ” الدعامه الهيدروليكية لعلاج ضعف الانتصاب “
هنتكلم عن الدعامة الهيدروليكية والنوعين الموجودين منها:
- اول نوع من الدعامات الهيدروليكية لشركة الكولوبلاست (Coloplast)
- ودى صناعة أمريكية
- واللى بتعتبر من أقدم انواع الدعامات ، و اللى اتجربت على حالات كتير ونجحت فى علاج ضعف الانتصاب ،
- و الدعامة دى من الدعامات اللى لما بيتضخ فيها السائل بيبدأ قطرها يتتمدد بطريقة غير محدوده بس طولها بيفضل ثابت و مش بيتأثر ،
و دى فى منها إصدارين وهما
- Titan
- Titan NB
- اما النوع التانى من الدعامات فهو لشركة ريجيكون (Rigicon)
- و هى صناعة أمريكية و تعتبر أحدث شويه من الكولوبلاست ،
- و الدعامة دى من الدعامات اللى لما بيتضخ فيها السائل بيبدأ قطرها يتتمدد بطريقة غير محدوده بس ، و طولها كمان بيزيد
- و المضخة في الدعامة ريجيكون أكبر شوية ، والزرار كمان بيكون بارز أكتر وده بيخلي المريض يعرف مكانه بسهولة ، لكن في الكولوبلاست الزرار غير محسوس بسهولة.
- كمان في انواع من الدعامات مغطي بالمضاد الحيوي وطرق التعقيم اختلفت ، ودي من الحاجات اللي قللت من المضاعفات و بتقلل كمان من احتمال فرص ان يحصل عدوى بعد تركيب الدعامة
و الدعامة ريجيكون و دى بيكون فيه منها إصدارين
- اسمه Infla 10
- و نوع تانى اسمه Ams 700 TM series ودا تبع شركه اسمها Boston وفي منها 3 اصدارات
Cx – Cxp – Lgx
و بعد ما عرفنا اصدارات الدعامات الهيدروليكية ، خلونا نعرف دلوقتى
اى هى مميزات تركيب الدعامة الهيدروليكية ؟
- الدعامة الهيدروليكية بتحقق انتصاب اقرب للطبيعي .
- القضيب بيرجع لمكانه ويرتخي بعد الاستخدام، وده بيخلى العضو الذكرى شبه الطبيعى و هو مش منتصب و بكده محدش هيلاحظها .
- الدعامة الهيدروليكية بتساعد على ان الانتصاب يكون قوي ، و ده بيوفر إشباع جنسي للطرفين.
- ده غير ان الدعامة الهيدروليكية صلابتها بتفضل مستمرة حتى بعد القذف ، وده بيسمح ان العلاقة الزوجيه تفضل لاى فتره لحد ما يوصل الطرفين للنشوة الجنسية .
- ده غير ان الانتصاب بيحصل بمجرد الضغط على المضخة خلال 15 ثانية.
- و بالنسبه لعملية زرع الدعامة الهيدروليكية ، فنسبة نجاح العملية أكثر من 95% ، والمريض بيستعيد حياته الجنسية بشكل طبيعي بعد زرع الدعامة مش بتأثر على استمتاعه بالعلاقة .
- الدعامة ملهاش مدة صلاحية مدام محصلش فيها اى مشكله .
- الدعامه الهيدروليكية الثلاث قطع بتكون صلبة أكثر من المرنة.
- الدعامة الهيدروليكية مش بتأثر على الإحساس او النشوه الجنسية ولا بتأثر على القذف أو التبول.
- ده غير ان الدعامة الهيدروليكية ، بتناسب حجم كل قضيب.
- بتزود من فرص الإنجاب نتيجة أن المريض هيقدر يعمل علاقة جنسية منتظمة .
- ده غير ان الدعامة الهيدروليكية بتعالج سرعة القذف بطريقة غير مباشره ، و السبب فى ده اننا بنقدر نتحكم فى مده العلاقة و نفضل محافظين على الانتصاب طول فترة العلاقة الزوجية حتى بعد القذف ما يحصل .
اما بالنسبة لعيوب الدعامة الهيدروليكية
- الدعامة الهيدروليكية معرضة للأعطال أكتر من المرنة بسبب تصميمها و لكن بيكون ليها ضمان.
- ممكن يحصل بعد تركيب الدعامة عدوى في مجرى البول أو المثانة البولية ، ولكن نسبة ان ده يحصل بيكون نادر جدا
- لو الدعامة الهيدروليكية اتركبت بطريقه غلط ممكن تعمل تآكل في الجلد ونزيف وحمى.
و دلوقتى لو عاوزين تعرفوا معلومات اكتر عن امتى نركب الدعامة المرنه و امتى نركب الدعامة الهيدروليكيه ممكن نضغط هنا ” مقال مقارنه بين الدعامه المرنه والدعامة الهيدروليك “