الفرق بين دوالي الخصية والخصية المعلقة في تأخر الإنجاب عند الرجال
الخصية هي جزء اساسي من الجهاز التناسلي للرجل ، وكل رجل لديه خصيتين وظيفتهم إنتاج هرمون الذكورة المسؤول عن عملية البلوغ ، وإنتاج الحيوانات المنوية المسؤولة عن عملية الإنجاب ، وربنا سبحانه وتعالي كان ليه حكمه أنه يخلق كل مولود ذكر بخصيتين مش خصية واحدة ، لأن المولود ده خلال مراحل عمره الطويلة ممكن يتعرض لخبطة او اصابة شديدة في الخصية فيفقدها ، بالتالي وجود الخصية الثانية هتعوض فقد الاولي وهتقوم بوظيفتها في إنتاج هرمون الذكورة وإنتاج الحيوانات المنوية ولكن مش هتكون بنفس العدد والكفاءة اللي بتنتجه خصيتين.
وفي المقال ده هنتكلم عن اهم مشكلتين ممكن تتعرض لها الخصية ، وتاثر على وظيفتها في إنتاج الحيوانات المنوية وهرمون الذكورة ويؤدي إلي تأخر الإنجاب :
1. الخصية المعلقة
في البداية لازم تكون عارف ان الخصية بتنمو في أعلى تجويف البطن وخلال الشهر السابع من الحمل ، بتبدا الخصية تتحرك إلى القناة الاربية علشان تنزل في مكانها الطبيعي في كيس الصفن، وهنا يجي دور الغدة النخامية ، لأنها بتفرز هرمونات ال fsh وlh، والهرمونات دي اللي بتحفز الخصية على إفراز هرمون التستوستيرون ، اللي بيلعب دور أساسي في نزول الخصية إلى كيس الصفن ، وده بيوضح لنا أن الخصية لو ممشيتش في المسار الطبيعي ونزلت الى كيس الصفن ، كدة الطفل ده هيكون عنده خصية معلقة.
والخصية المعلقة دي بتكون موجودة في حوالي 1% من المواليد الذكور ، وبتفضل خصية واحدة أو الاتنين معلقين داخل البطن ، والحالة دي لازم تتعالج خلال السنه الاولى من عمر الطفل بالجراحة ، بس لازم قبلها نستني 6 شهور ، لان وارد جدا ان الخصية تنزل لوحدها خلال 4 شهور ، لان الغدة النخامية بتفضل شغالة لحد 6 شهور وبعدين بتقف.
وهنا بقي نيجي للنقطة الاهم ، لو الخصية مخدناش بالنا منها وفضلت معلقة داخل البطن ومنزلتش ، ده هيسبب للطفل مشاكل ومضاعفات كثير جدا:
1/ لان ده معناه ان الغدة النخامية اصلا مش شغالة ، وبالتالي مش هتفرز هرمون fsh و lh ، اللي هما اصلا بيشغلوا الخصية ويحفزها انها تنتج حيوانات منوية وهرمون الذكورة.
2/ هتسبب ضمور الخصية ، لأنها جوا البطن بتتعرض لدرجة حرارة عالية وده هياثر علي انتاجها للحيوانات المنوية وهرمون الذكورة ، والشخص ده هيعاني من تاخر الانجاب ، لان ساعتها مش هيكون في حيوان منوي اصلا في الخصية يخصب البويضة ويحصل حمل.
وفي الحالة دي لازم نتشخص بدري ونتعالج علشان منوصلش للنقطة ويكون عندنا تأخر في الإنجاب.
ولو عايز تعرف معلومات اكثر عن علاقة الخصية المعلقة بتاخر الانجاب عند الرجل ، اسمع الفيديو ده مع الدكتور اسامة البكل…
2. دوالي الخصية
بتيجي لحوالي 15% من الرجال ، وبتكون عبارة عن تضخم في الاوردة المحيطة بالخصية الموجودة داخل كيس الصفن ، والاوردة بيكون جواها صمامات وظيفتها انها تنظم وصول الدم من الخصية الى القلب ، وتمنع رجوعه تاني بعد تدفقه ، ولو الصمامات دي فيها خلل او عيب ، ده هيخلي الدم يتراكم جوا الاوردة وده اللي بيسبب الدوالي.
ووجود الدوالي في الخصية بيسبب للشخص مضاعفات كثير جدا زي :
1/ صغر وانكماش في حجم الخصية ، ممكن يوصل لضمور الخصية.
2/ تاخر الانجاب.
لأن الخصية هي المصنع اللي بينتج الحيوانات المنوية ، وعلشان الخصية تقدر تنتج حيوان منوي سليم يقدر يخصب البويضة ويكون جنين ، لازم تكون درجة حرارتها أقل من درجة حرارة الجسم الطبيعية بحوالي درجتين ، عشان الدم اللي يوصلها يكون دم بارد فتقدر تنتج حيوانات منوية.
لكن لو عندك دوالي في الخصية وخصوصا بقى لو كانت الدوالي دي من الدرجة الثانية أو الثالثة ، ده هيسبب :
1/ ضعف في الأوردة اللي بتخرج الدم من الخصية ، وهيتسبب في أن الدم يتراكم في الأوردة ، ويرفع من درجة حرارة الخصية.
2/ وبسبب ارتفاع درجة الحرارة هيزيد من تراكم المواد المؤكسد (ROS) ، و اللى بتضر بالهرمونات المسؤولة عن إنتاج الحيوانات المنوية ، ده غير تأثيرها على جودة الحيوانات المنوية نفسها من حيث العدد و الحركة و التشوهات وكمان بتسبب تكسير في المادة الوراثية الموجودة في رأس الحيوان المنوي.
وكل ده هيسبب طبعا تاخر الانجاب ، لان ساعتها مش هيكون في حيوان منوي سليم قادر يخصب البويضة ويكون جنين.
في الحالة دي علاجها الوحيد هو الجراحة ، وتكون بالجراحة الميكروسكوبية افضل واحسن طريقة في علاج دوالي الخصية.
1/ لان جرح العملية بيكون صغير جدا حوالي 2-3سم في اسفل البطن ، ومن خلال الميكروسكوب الجراحي اللي بيكبر مكان العملية لحد 40 ضعف بنقدر اننا نربط كل الأوردة المنتفخة اللي فيها دوالي ، حتي الاوردة الصغيرة والثانوية ، وبكدة الدوالي مش هترجع تاني بعد العملية.
2/ بسبب قوة تكبير الميكروسكوبي بنقدر نحافظ على الشريان الرئيسي اللي بيغذي الخصية ، وبنمنع أن يحصلنا ضمور في الخصية.
3/ وبعدها بتقدر تروح من المستشفى بعد 3-4 ساعات.
4/ وبتقدر كمان تنزل شغلك بعد يومين بس من العملية.
5/ وبعد العملية بناخد علاج هرموني لمدة 3 شهور علشان ننشط الخصية ، ونساعدها انها ترجع تاني تنتج حيوانات منوية بصورة طبيعية ويحصل حمل.
ولو عايز تعرف امتي بيحصل حمل بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…
في النهاية ، لازم تبقي عارف ان الخصية هي جزء أساسي في الجسم ، وأي مشكلة هتحصل فيها هتحطك قدام عواقب كثير جدا ، بس علشان نتجنب كل ده ، لازم نتشخص بدري ، علشان يكون عندك فرصة للعلاج ، وتحقق حلم الانجاب وتبقي اب.
ولو محتاج تتابع معانا ، تقدر تتواصل مع الفريق الطبي علي رقم 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنمسية بطب القصر العيني.