درجات دوالي الخصية وأشكالها
دوالي الخصية أو (varicocele)، هي من الأمراض الشائعة اللي بتصيب الرجال بسبب تمدد وتضخم الأوردة الموجودة فى كيس الصفن و ليها 3 درجات ، و فى المقال ده هنشرح بالتفصيل درجات دوالي الخصية وازاي بنقدر نكتشفها ، و هنبدأ دلوقتى بأول درجة من دوالى الخصية و هى :
- الدرجة الأولى من درجات دوالي الخصية :
- الدرجة دي ابسط درجة من درجات دوالي الخصية ، بتكون الدوالي صغيرة ومش مسببة للمريض أي أعراض فبيكون صعب على الدكتور انه يشوفها او يفحصها بالايد ، ولكن بيقدر يحددها عن طريق الكشف والفحص بالموجات فوق الصوتية.
- الدرجة الثانية من درجات دوالي الخصية :
- الدرجة دي بيقدر الدكتور انه يستشعر فيها بدوالي الخصية ويلمسها عند اجراء الفحص اليدوي على المريض بعد ما بيطلب منه أنه يتنفس بعمق مع حبس النفس لوقت قليل وينزل بجسمه لتحت علشان يعرف يفحص الخصية وكيس الصفن ويشوف لو كان موجود أي كتل أو أوردة متضخمة.
- الدرجة الثالثة من درجات دوالي الخصية :
- اخطر درجة من درجات دوالي الخصية لأن الدوالي هنا بتكون كبيرة وواضحة والدكتور بيقدر يشوفها ويلمسها ، لأن الأوردة فيها بتكون متضخمة جدا وكمان بتعمل تغير كبير وواضح في شكل كيس الصفن وحجمه.
وكل ما كانت الدوالي درجاتها كبيرة كل ما زادت اضرارها ومضاعفاتها ، ودلوقتي تعالوا نعرف ايه هي المضاعفات اللي بتسببها دوالي الخصية لو معالجنهاش :
1/ الدوالي بتسبب للمراهقين بطء في نمو الخصية ، لييه ؟؟ لأن فترة البلوغ هي فترة نمو الخصيتين بسرعة وده بيخليها تحتاج لدم اكثر علشان تسد احتياجاتها فلو الصمامات الموجودة في الاوردة فيها خلل ده هيخلي الأوردة مش قادرة تتحمل الدم الكتير ده وهيتراجع ويتراكم الدم ويعمل تضخم ، أما مع الكبار بتعمل انكماش وصغر في حجم الخصية ممكن يوصل الي ضمور لأن الخصية بتكون مش قادرة تؤدي دورها بشكل طبيعي.
2/ دوالي الخصية بتسبب تاخر في الانجاب ، لان دوالي الخصية بترفع من درجة حرارة الخصية وبتزيد من تراكم المواد المؤكسدة ( ROS ) اللي هتاثر على الخصية وعلى انتاجها للحيوانات المنوية ، وبتاثر على الهرمونات اللي مسؤولة عن إنتاج الحيوانات المنوية ، وكمان بتضر بالحيوانات المنوية السليمة والمكتملة ، وبتسبب تكسير في المادة الوراثية الموجودة في رأس الحيوان المنوي ، وكل ده بيسبب تاخر في الانجاب ، لان مفيش حيوان منوي سليم يقدر يخصب البويضة ويكون جنين.
ولو عايز تعرف هل دوالي الخصية بتسبب تأخر في الإنجاب اضغط هنا…
ولو عايزين تعرفوا اكثر عن دوالي الخصية وعلاقتها بتأخر الإنجاب ، وامتي نعمل عملية دوالي الخصية ، اسمع الفيديو ده من الدكتور اسامة البكل..