علاج ضعف الرغبة الجنسية عند الرجال
كنا اتكلمنا قبل كده عن اسباب ضعف او انعدام الرغبه الجنسية ، و اى الاعراض اللى ممكن نعرف منها اننا عندنا ضعف فى الرغبة الجنسية تعالوا دلوقتي نعرف ازاى بنشخص ضعف الرغبة الجنسية و اى هو العلاج و العادات اللى هنكون محتاجين نغيرها علشان نستمتع بحياتنا ونتجنب المشاكل اللي ممكن تحصل بسبب قلة الرغبة الجنسية.
و هنبدأ دلوقتى بالتشخيص , فى الاول بنحتاج اننا نعرف شوية حاجات زي :
- التاريخ المرضي لمريض ضعف الرغبه الجنسيه
- وطبيعه العلاقه العاطفيه بين الزوجين والتاكد من سلامه الصحه النفسيه
- ده غير اننا بنحتاج لشوية فحوصات زى :
1- فحص لمستوي الهرمونات الجنسيه في الجسم و اهمهم هرمون التستوسيترون و البرولاكتين او الهرمون اللبني.
2- و فحوصات نتأكد منها اذا كان المريض بيشتكى من امراض مزمنه ولا لأ ، و اللي بسببها بيحصل ضعف فى الرغبه الجنسيه.
3- هنحتاج كمان نعمل فحص للغده الدرقيه و نسبة الكوليسترول في الدم
4- وفحص لضغط الدم وقياس نسبه السكر في الدم .
5- و كمان هنحتاج اننا نفحص القضيب والخصيتين عند الرجل ودا عشان نتاكد من عدم وجود اي مشاكل تؤثر علي القدره الجنسية .
و بعد ما عرفنا اى هى الطريقة اللى بنشخص بيها ضعف الرغبه الجنسيه ، هنتكلم دلوقتى عن علاجها
وعشان نعرف نعالج حاله البرود او فقد الرغبه الجنسيه لازم نعرف اسباب المشكلة الاول وكنا اتكلمنا عليها بالتفصيل في المقال ده ” أسباب ضعف الرغبة الجنسية عند الرجال “
وده لان العلاج بيختلف من شخص للتاني حسب السبب الرئيسي فى المشكلة،
فمثلا لو لقينا ان سبب ضعف الرغبه الجنسية كان بسبب
- السلوكيات بتاعتنا : زي اننا بنشوف افلام جنسية أو بنمارس العاده السريه باستمرار ، فوقتها لازم نبعد عن السلوكيات والعادات دى.
- ولو كان سبب ضعف الرغبة الجنسية هو الحاجز النفسي : ممكن وقتها نلجأ للعلاج النفسي والعلاج هنا هيساعدنا فى ان يكون عندنا ثقة أكبر في نفسنا وهيقلل من الخوف والتهرب من العلاقة الجنسية.
- أما لو كان السبب هو ضعف الانتصاب : فهنا بنبدأ اننا نحدد فى الاول درجة ضعف الانتصاب و اللى على اساسها هنبدأ اننا نحدد انسب طريقة نعالج بيها ضعف الانتصاب.
- ولو كان السبب خلل فى الهرمونات : ساعتها هنبدأ نحط خطة علاجية نظبط بيها نسب الهرمونات ، عشان نقدر اننا نعالج ضعف الرغبة الجنسية.
ولو عايز تعرف ازاي المشاكل النفسية والاكتئاب ممكن تسبب ضعف في الرغبة الجنسية وضعف انتصاب ، اسمع الفيديو ده مع الدكتور اسامة البكل….
و دلوقتى بعد ما عرفنا طرق علاج ضعف الرغبة الجنسية ، خلونا نتكلم عن بعض العادات الغلط اللى ممكن نكون بنعملها وبتخلينا نحس بضعف مؤقت او فتور فى الرغبه الجنسيه زى :
- اننا نحل الخلافات الزوجية ، عشان يكون فى تواصل كويس وقت العلاقة الزوجية .
- كل طرف ممكن يوضح الحاجات اللى بيفضلها فى العلاقة الزوجية عشان يوصل الطرفين للنشوه الجنسية و ميكونش فى نفور من العلاقة الزوجية
- التركيز على المداعبة فترة كافية قبل الجماع .
- نبعد عن المقارنه بين الافلام الجنسية و الطريقة اللى بيمارس بيها الزوجين العلاقة الزوجية
- نحاول كمان نبعد عن ممارسة العادة السرية ، لانها بتسبب توحد فى العلاقة الجنسية و بتخليك مش بتوصل للمتعه الجنسية غير بيها و ده بيبعدك عن العلاقة الزوجية .
- ولازم نحاول نبعد عن التوتر و الضغط العصبى لانه بيقلل من الرغبه الجنسية .
و دلوقتى لو عندكم اى استفسار تقدروا تتواصلوا معانا على رقم 01018874287 ، و احنا هنجاوب على كل استفساراتكم