ما هي درجات دوالي الخصية وازاى نعالجها؟
دوالي الخصية من أكثر المشاكل اللي بتسبب ازعاج عند حوالي 15% من الرجال ، ولو كانت الدوالي عند الشخص بدرجة كبيرة فهي بتسبب له الخوف من حدوث العقم ، لان اثبتت الدراسات ان حوالي 40% من حالات العقم وتأخر الانجاب عند الرجل بيكون السبب الرئيسي فيها وجود دوالي الخصية.
ولكن قبل ما نتكلم عن درجات دوالي الخصية ، خلونا الاول نوضح
ايه هي اصلا دوالي الخصية ؟
دوالي الخصية هي عبارة عن تضخم في الاوردة المحيطة بالخصية الموجودة داخل كيس الصفن ، والأوردة دي بيكون جواها صمامات مسؤولة عن تنظيم تدفق الدم من الخصيتين الى القلب ومنع عودته تاني الي الخصية ، فلو الصمامات دي فيها خلل ، ساعتها الدم بيرجع تاني للخصية ويفضل يتراكم جوا الوريد ، وده اللي بيخلي الوريد يفضل يتمدد عشان يستوعب كمية الدم اللي فيه ويتضخم وهو ده اللي بيسبب الدوالي.
ودلوقتي تعالوا نعرف :
ايه هي درجات دوالي الخصيتين ؟
في البداية لازم تكون عارف ان دوالي الخصية بتتكون من 3 درجات ، وكل درجة منهم ليها شكل وتاثير وطريقة علاج مختلفة عن الدرجة الثانية ، بمعني أن :
1/ الدرجة الأولى : تعتبر ابسط درجة من درجات دوالي الخصية ، لأن الدوالي فيها بتكون صغيرة ومش مسببة للمريض أي أعراض ، فبيكون صعب على الدكتور انه يشوفها او يفحصها بالايد ، ولكن بيقدر يحددها عن طريق الكشف والفحص بالموجات فوق الصوتية.
2/ الدرجة الثانية : في الدرجة دي الدكتور بيقدر يستشعر فيها بدوالي الخصية ويلمسها عند اجراء الفحص اليدوي على المريض بعد ما بيطلب منه أنه يتنفس بعمق مع حبس النفس لوقت قليل ويضغط بجسمه لتحت علشان يعرف يفحص كيس الصفن ويشوف لو موجود أي كتل أو أوردة متضخمة.
3/ الدرجة الثالثة : تعتبر اخطر درجة من درجات دوالي الخصية من حيث خطورتها ودرجة تأثيرها على المريض ، والدوالي هنا بتكون كبيرة وواضحة والدكتور بيقدر يشوفها ويلمسها ، لأن الأوردة فيها بتكون متضخمة جدا وكمان بتعمل تغير كبير وواضح في شكل كيس الصفن وحجمه.
وبعد ما عرفنا ايه هى درجات دوالي الخصية ، تعالوا نعرف :
ازاي بنشخص دوالي الخصية ؟
لازم تكون عارف ان اهم خطوة في علاج دوالي الخصية هي التشخيص الصح ، ولازم التشخيص يكون عند دكتور متخصص علشان يعرف يقيم الاعراض اللي بيعاني منها المريض عن طريق :
1/ الفحص السريري : ولازم يكون المريض واقف لأن بيكون صعب علي الدكتور انه يشخصها وهو نايم ، ويبدأ يطلب الدكتور من المريض انه ياخذ نفس عميق ويحبسه وينزل بجسمه لتحت علشان يعرف يفحص الخصية وكيس الصفن ويشوف لو في أي كتل أو أوردة متضخمة.
2/ تحليل السائل المنوي : لان تحليل السائل المنوي هيوضح في حيوانات المنوية ولا لا ، ولو مظهرش حيوانات منوية في تحليل السائل فده دليل على انعدام الحيوانات المنوية اللي من أهم أسباب عدم وجودها وجود دوالي في الخصية.
3/ الفحص بالأشعة فوق الصوتية : وده بيكون عن طريق جهاز الدوبلر الملون هو عبارة عن فحص آمن وغير مؤلم بيستخدمه الدكتور علشان يوضح حجم الخصيتين بالظبط بالملى ، وطبيعة تدفق الدم في أوردة كيس الصفن ، وبيوضح حجم الأوردة داخل كيس الصفن ، لأن حجم الاوردة الطبيعي مش بيزيد عن 2 ملم فلما تزيد حجم الأوردة عن 3 ملم بيؤكد وجود دوالي في الخصية.
ولو عايز تعرف أهمية أشعة الدوبلكس في تشخيص دوالي الخصيتين ، اسمع الفيديو ده مع الدكتور اسامة البكل…
ودلوقتي تعالوا نعرف مع بعض ازاي نعالج دوالي الخصية :
وهنا لازم تكون عارف ان مش في كل الحالات لازم علاج دوالي الخصية ، لو كان الشخص ده مش بيحس باي الم في الخصية أو أن دوالي الخصية مش ماثرة على نمو ووظيفة الخصية ولا مسببة تاخر في الانجاب ، في الحالة مش هنعالج دوالي الخصية ، لكن لو كانت الدوالي من الدرجة الثانية أو الثالثة ومسببة ألم شديد للشخص لدرجة انها موقفة حياته ومسببة له تاخر في الانجاب ، يبقي لازم وضروري نعالجها.
وفي 4 طرق لعلاج دوالي الخصية :
1/ الجراحة التقليدية : واللي بيحصل فيها أن الجراح بيبدأ يعمل فتحة في الخصية أو في المنطقة الاربية ، و بعد كده بيبدأ يشوف فين الأوردة المنتفخة بعينه بس من غير ما يكون بيستخدم اى ادوات تساعده انه يشوف اوضح ، وده بيسبب مشاكل زي :
1/ ضمور الخصية : لأن الجراح وقت العملية ممكن يربط الشريان الخصوي اللي بيغذي الخصية بالدم ، وبكده هنكون منعنا الخصية ان يوصلها دم وهيؤدي إلى ضمورها.
2/ القيلة المائية : لان في الجراحة التقليدية الجراح مش بيكون معاه اي ادوات حديثة تساعده انه يشوف بشكل أوضح ، وممكن يربط الشعيرات الليمفاوية بالغلط مع الأوردة وهيسبب قيلة مائية على الخصية.
3/ رجوع الدوالي تاني بعد العملية : لان الجراح ممكن ميشوفش الاوردة الصغيرة اللي فيها دوالي بالعين المجردة وميربطهاش ، وساعتها الدوالي هترجع تاني بعد العملية.
2/ جراحة المنظار : مضاعفاتها تشبه مضاعفات الجراحة التقليدية ، لأنها مش بتخلينا نقدر نشوف الأوردة الدقيقة ومنقدرش نربطها ، ولا نقدر نحافظ على الشريان الخصوي وقت العملية ، وعشان كده بيكون فى احتمال ان دوالي الخصية ترجع تانى او ان وظيفة الخصية تتضرر بعد العملية.
3/ الأشعة التداخلية : هنا بيكون في احتمال أن يحصل ارتجاع للدوالي تاني بعد العملية ، لاننا مش بنقدر نوصل لكل الأوردة ، و كمان وقت العمليه بنضطر اننا نعرض الخصية لجرعة كبيرة جدا من الإشعاع و ده بيضر الخصية وهى اصلا بتكون متضررة بسبب الدوالي.
4/ الجراحة الميكروسكوبية : افضل واحسن طريقة نعالج بيها دوالي الخصية ، لان :
1/ في الجراحة الميكروسكوبية بنقدر نعمل العملية ببنج نصفي أو كلي.
2/ وبسبب قوة تكبير الميكروسكوب بنقدر نميز بين الاوردة والشرايين ، وكمان نحافظ علي الشريان الخصوي اللي بيغذي الخصية.
3/ وبنقدر كمان نشوف الشعيرات الليمفاوية ونتجنب ربطها بالغلط وقت العملية ، وبكدة مش هيحصلنا قيلة مائية على الخصية.
4/ وبنقدر نشوف الأوردة الصغيرة والثانوية ونربطها كلها ، وبكدة الدوالي مش هترجع تاني بعد العملية.
5/ والعملية مش بتاخد اكثر من ساعة واحدة بس ، وبعدها بنقدر نروح في خلال 3 او 4 ساعات ، وننزل كمان الشغل بعد 3-5 أيام.
6/ وبنقدر نمارس العلاقة الزوجية بعد اسبوع واحد بس من العملية.
في النهاية ، لازم تكون عارف ان دوالي الخصية حتى لو كانت من الدرجة الثالثة ، اللي هي أخطر درجة من درجات دوالي الخصية ، فهي برضو ليها علاج ، المهم انك تتشخص صح وتختار الطريقة اللي تتعالج بيها صح ، علشان ميحصلش اي مضاعفات ، وتحقق حلمك ويكون عندك أطفال.
ولو محتاج تتابع معانا وتبدأ رحلة علاجك معانا ، تقدر تتواصل مع الفريق الطبي علي الرقم ده 01018874287 وهما هيحددولك اقرب ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.