ما هي الأسباب العضوية والنفسية لضعف الانتصاب؟
ضعف الانتصاب من اكثر المشاكل اللي بتسبب اكتئاب وإحراج في العلاقة الزوجية عند كثير من الرجالة، ويصيب حوالي 20% من الرجال فوق سن 40 سنة ، ولكن قبل ما نتكلم عن الأسباب العضوية والنفسية لضعف الانتصاب، خلونا في الأول نوضح إزاي بيحصل الانتصاب؟
في البداية لازم تكون عارف ان علشان يحصل انتصاب، بيحتاج القضيب لكمية مناسبة من الدم المتدفق إليه، وكمية قليلة من الدم اللي خارج منه، وكمية مناسبة من هرمون الذكورة (التستوستيرون)، ورغبة جنسية كافية. علشان كده لو في أي خلل في أي من المتطلبات دى هيؤدي لضعف الانتصاب.
ودلوقتي تعالوا نعرف مع بعض إيه هو ضعف الانتصاب وإيه هي أسبابه:
ضعف الانتصاب هو عدم قدرة الرجل على بلوغ الانتصاب أو الحفاظ عليه، أو إن مفيش انتصاب كامل بيحصل وقت العلاقة الزوجية، وده بيحصل نتيجة وجود خلل في الشرايين اللي بتوصل الدم إلى القضيب، والخلل ده بيكون بسبب إما ضعف في ضخ الدم للقضيب أو إن مش بيتم الاحتفاظ بالدم داخل القضيب وده بنسميه التسرب الوريدي ، وبكده مش بيحصل انتصاب.
وبعد ما عرفنا إيه هو ضعف الانتصاب، تعالوا نعرف مع بعض إيه هي أسباب ضعف الانتصاب.
في البداية لازم تكون عارف ان اسباب ضعف الانتصاب: عضوية – نفسية.
- الأسباب العضوية: وتمثل حوالي 80% من حالات ضعف الانتصاب زي:
1/ تصلب الشرايين: لأنه في ارتباط قوي بين صحة القلب وبين قوة الانتصاب، وضعف الانتصاب بينتج عن أمراض القلب اللي من أهمها انسداد الشرايين واللي بتحدث نتيجة ارتفاع نسبة الكوليسترول في الدم. في الحالة دي علشان يحصل انتصاب ونقدر نحافظ عليه لحد ما نخلص العلاقة الزوجية، لازم الدم اللي يوصل للقضيب يكون كافي وبشكل طبيعي. فلو عندك انسداد في الشرايين ده هيتسبب في منع وصول الدم للقضيب، وده هيسبب ضعف انتصاب.
2/ مرض السكر: حيث أن ارتفاع مستوى السكر في الدم، بيعمل تلف في الأعصاب اللي مسؤولة عن تحفيز الإثارة الجنسية عند الرجل، وكمان بيأثر على ضخ الدم جوا الشرايين، وبكده الدم مش هيوصل كويس للقضيب، وهيسبب ضعف انتصاب.
3/ ارتفاع ضغط الدم: حيث يحتوي القضيب على جسم كهفي بيتكون من شرايين وأوردة صغيرة وألياف عضلية ملساء، وعند حدوث الانتصاب بترسل الدماغ إشارات صادرة إلى القضيب باسترخاء العضلات الملساء وتمدد الشرايين حتى يتدفق الدم إلى القضيب ويحدث انتصاب. لأن ارتفاع ضغط الدم بيخلي العضلات الملساء تفقد قدرتها على الاسترخاء ، وبالتالي الدم مش هيتدفق إلى القضيب ومش هيحصل انتصاب.
4/ انخفاض هرمون التستوستيرون: يؤدي انخفاض هرمون التستوستيرون إلى انخفاض الرغبة الجنسية، وزي ما قولنا قبل كده إن علشان يحصل انتصاب لازم يكون في رغبة جنسية، بالتالي انعدام الرغبة الجنسية هيؤدي لضعف الانتصاب.
5/ الإصابة بالفشل الكلوي: تتسبب الإصابة بالفشل الكلوي في اختلال توازن الهرمونات في الجسم، ومنها انخفاض هرمون الذكورة، وانخفاض الرغبة الجنسية مما يسبب ضعف انتصاب.
6/ لو في ارتفاع في مستوى هرمون البرولاكتين وهرمون الأنوثة: لأنهم بيقللوا من مستوى هرمون الذكورة وهيؤدوا لمشاكل في الرغبة وضعف انتصاب.
7/ تناول بعض الأدوية: زي الأدوية الهرمونية أو أدوية علاج السرطان أو الأدوية اللي بتؤثر على الجهاز العصبي المركزي زي أدوية الاكتئاب، كل ده بيسبب ضعف انتصاب.
8/ لو عندنا تسرب وريدي: وده لأن المرحلة الثانية من الانتصاب بتكون من خلال الحفاظ على الدم داخل العضو الذكري وبقاؤه في أنسجة الجسم الكهفي ، فلو كان الوريد مش قادر على بقاء الدم في القضيب لمدة كافية، ده بنطلق عليه التسرب الوريدي. بالتالي الرجل مش هيقدر يحافظ على الانتصاب لحد ما يخلص العلاقة الزوجية نتيجة إن الدم تسرب خارج العضو، ولو معالجناش التسرب ده هنوصل إن مش هيبقى في انتصاب أصلاً وقت العلاقة الزوجية.
9/ لو اتعرضنا لكسر في الحوض: لأن ده هيسبب قطع في الأعصاب، والأعصاب دي هي اللي بتغذي العضو الذكري وبتتحكم في الانتصاب، وهنا هنلاقي إن الدورة الدموية سليمة والشرايين والأوردة مفيهاش أي مشكلة، بس بسبب المشكلة اللي حصلت في العصب مبقاش يحصل انتصاب وقت العلاقة الزوجية.
10/ لو عندنا التهاب أو تضخم في البروستاتا او الحوض:
بمعني أن الأعصاب والأوعية الدموية اللي بتغذي العضو الذكري بتكون موجودة على جدار البروستاتا، فلو حصلها أي إصابة اثناء العمليات الجراحية او اصابة البروستاتا باي اورام خبيثة ده هيأثر على الأعصاب اللي بتغذي العضو الذكري وهيحصل ضعف انتصاب.
11/ الإصابة بمرض بيروني:
بمعني أن مرض بيروني ده بيكون عبارة عن تليفات بتحصل في أنسجة القضيب، والتليف ده ممكن يخلي القضيب يبان أقصر وقت الانتصاب، لأن المنطقة اللي فيها تليفات مش بتتمدد وقت الانتصاب وده بيعمل عند الشخص انتصاب منحني أو معوج، علشان كده انحناء أو اعوجاج القضيب بيسبب ضعف انتصاب.
- الأسباب النفسية: وتمثل حوالي 20% من حالات ضعف الانتصاب زي:
- الضغوط النفسية والمشاكل الزوجية: اللي مش بتخلينا قادرين نستمتع بالعلاقة الزوجية ولا بيكون عندنا رغبة جنسية، وزي ما قولنا قبل كده علشان يحصل انتصاب لازم يكون في رغبة جنسية، والضغط النفسي مش بيخلي عندنا رغبة ولا إثارة جنسية علشان يحصل انتصاب.
- مشاهدة الأفلام الجنسية: بتخلي عندنا مفهوم وشكل معين عن العلاقة الزوجية، ولما مش بنلاقيها زي ما إحنا متخيلين، ده بيخلي عندنا قلة ثقة في نفسنا إننا مش كويسين في العلاقة الزوجية.
- لو بنمارس العادة السرية باستمرار: ده بيخلينا نفرغ كل الرغبة والشهوة اللي جوانا فيها، ونيجي وقت العلاقة الزوجية مش بيكون عندنا رغبة، وبالتالي مش هيحصل انتصاب.
- الاكتئاب: لأنه من أشهر الاضطرابات النفسية اللي بتؤدي لضعف الانتصاب.
- الصدمات الجنسية السابقة: زي لو اتعرضنا للتحرش أو الاعتداءات الجنسية، ده هيخلي العلاقة الجنسية تثير جوا الشخص استجابة عاطفية شديدة وهتخليه يفتكر الذكريات المؤلمة اللي اتعرض لها. ساعتها هتعمل نوع من الانزعاج والشعور بعدم الراحة في العلاقة الزوجية، وبالتالي هتسبب ضعف في الأداء الجنسي وضعف الانتصاب.
- المعتقدات الثقافية أو الدينية الخاطئة: لأنها بتتسبب في تكوين مشاعر سلبية تجاه الجنس، وده طبعاً بيأثر على الأداء الجنسي والإحساس بالمتعة، ولأن اعتقاد الرجل في بعض المجتمعات بأنه لازم يكون هو المسيطر في العلاقة الزوجية، وبالتالي ده بيشكل ضغط نفسي عليه فينعكس سلباً على الوظيفة الجنسية.
وبعد ما عرفنا إيه هي الأسباب العضوية والنفسية لضعف الانتصاب، لو عايزين تعرفوا امتى يكون تركيب دعامة العضو الذكري الحل الوحيد لعلاج ضعف الانتصاب ، اسمع الفيديو ده مع الدكتور اسامة البكل….
ولو احتجت إنك تتواصل معانا علشان تعرف مشكلتك فين بالظبط، تواصل على الرقم ده 01018874287 واحنا هنجاوب على كل استفساراتك أو هنحجزلك ميعاد مع الدكتور أسامة محمد البكل، مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.