ما هي نتيجة عملية التفتيش الميكروسكوبي في حالات انعدام الحيوانات المنوية ؟

ما هي نتيجة عملية التفتيش الميكروسكوبي في حالات انعدام الحيوانات المنوية ؟

تعتبر عملية التفتيش الميكروسكوبي واحدة من اهم واحدث التقنيات العلاجية اللي بتستخدم في الحالات اللي بتعاني من انعدام الحيوانات المنوية في السائل المنوي ، وبتستخدم من أجل التفتيش داخل الأنابيب المنوية في الخصية عن الحيوانات المنوية السليمة و استخراجها واستخدامها في عملية الحقن المجهري.

ولازم تكون عارف ان عملية التفتيش الميكروسكوبي أثبتت نجاحها في علاج انعدام الحيوانات المنوية ونسبة نجاحها تتراوح بين 40-50% ، بس قبل ما نتكلم عن نتائج عملية التفتيش الميكروسكوبي ، تعالوا نعرف مع بعض

ازاي بتم عملية التفتيش الميكروسكوبي داخل الخصية. 

1/ هي عملية دقيقة جدا والمريض فيها بيكون تحت تأثير التخدير الكلي ، وبنقوم بعمل شق جراحي صغير طوله حوالي 1سم في منتصف كيس الصفن علشان نقدر نوصل إلى الخصية.

2/ وبنستخدم الميكروسكوب الجراحي لانه بيكبر الرؤية لحد 40 ضعف علشان نشوف الخصية بوضوح ، ونبحث عن الانابيب المنوية المنتفخة داخل الخصية لان بيكون جواها الحيوانات المنوية بكميات كبيرة ولازم نبعد عن الانابيب الضعيفة لان بيكون جواها حيوانات منوية بس بكميات قليلة.

3/ وبعدها بنبعت الأنابيب المنتفخة للمعمل عشان يستخرج منها الحيوانات المنوية ويجهزها للحقن المجهري.

4/ وبعد كده بنقفل الجرح اللي عملناه في الخصية وبنرجعها مكانها في كيس الصفن وبنقفل الجرح اللي عملناه في كيس الصفن بغرز تجميلية. 

وبعد ما عرفنا ازاي بتم عملية التفتيش الميكروسكوبي داخل الخصية، تعالوا بقى نعرف ايه هي نتائج عملية التفتيش الميكروسكوبي..

أولًا: لو لقينا حيوانات منوية

وقتها بناخد نسيج من الخصية وبنخرج منه الحيوانات المنوية ، وبعدها بيكون عندنا طريقين : 

• اما اننا بنعمل حقن مجهرى فى نفس يوم العملية ، وده عشان نقدر نعمله بنحتاج طبعا اننا نكون مجهزين الزوجة قبلها ، وتكون واخده العلاج الهرموني اللي بينشط البويضة والحالة دى مرضى كتير مش بتفضلها خصوصاّ لو احنا مش متاكدين اننا هنلاقى حيوانات منوية ، فى حالة أن المشكلة كانت فى الخصية نفسها وانتاجها للحيوانات المنوية ، بس احيانا بنضطر اننا نعمل الحقن المجهرى بمجرد ما بنطلع الحيوان المنوي من الخصية ، لأن الحيوانات المنوية اللي بنلاقيها بتكون ضعيفة جدا ، وعمرها ما هتستحمل فترة التجميد. 
• لكن لو لقينا الحيوانات المنوية اللى خرجناها جودتها كويسه وقتها نقدر نعمل التجميد ونعمل كمان الحقن المجهرى فى اى وقت ، وممكن كمان نجمد أكثر من حيوان منوي عشان وقت ما نكون عاوزين طفل تانى نقدر اننا نستخدم الحيوانات المنوية اللى جمدناها ونعمل على طول الحقن المجهرى ، ومنضطرش نفتح الخصية تاني.

ثانيا : لو ملاقيناش حيوانات منوية خالص في الخصية : 

بمعنى أن الخلايا الأم اللي بتصنع الحيوانات المنوية متكونش موجودة اصلا ، وده طبعا وارد جدا انه يحصل خصوصا لو كان سبب انعدام الحيوانات المنوية وجود خلل هرموني او مشكلة في الخصية نفسها ، بس هنا برضه لسه قدامنا فرصة ناخد فترة علاج هرموني لمدة 6 شهور ونبدأ نعيد العملية تاني ونحاول نشوف النسيج اللي بؤر منوية ونطلع منها حيوانات منوية ونجمدها و نعمل حقن مجهري.  

وهنا خليني اقولك معلومة مهمة جدا ، وهي ان ممكن نلاقي حيوانات منوية في الخصية بس تكون مشوهة تماما وغير مكتملة النمو وكمان ضعيفة في الحركة ، وتكون غير صالحة للحقن المجهري ، في الحالة دي احنا مش بناخد أي نسيج من الخصية ، لأن الحيوان المنوي في الوضع ده مش هيكون عنده القدرة انه يخصب البويضة ، لكن بيكون قدامنا فرصة اننا ناخد علاج هرموني من 3-6 شهور ، وبنلاقي نسبة كبيرة جدا من الحالات دي استجابت للعلاج ، ولما بنفتح مرة ثانية الخصية بنقدر اننا نلاقي حيوانات منوية سليمة ومكتملة وصالحة للتجميد والحقن المجهري.

ولو عايز تعرف ايه هي حالات انعدام الحيوانات المنوية اللي لازم تاخد فترة علاج هرموني قبل عملية التفتيش الميكروسكوبي ، اسمع الفيديو ده مع الدكتور اسامة البكل…

في النهاية ، احب اطمنك ان فرص النجاح لحالات انعدام الحيوانات المنوية اللي اول مرة تعمل تفتيش ميكروسكوبي تصل ل 40-50% ، بس الاهم اوعى تفقد الامل أيا كانت مشكلتك في تاخر الانجاب ، لان في حالات كثير جدا بيكون ليها علاج ، لو اتشخصت صح ومشيت على خطة علاج مناسبة لحالتك ساعتها هيكون عندك اطفال مش طفل واحد.

ودلوقتي لو قررت انك تبدأ علاج ، تقدر تتواصل مع الفريق الطبي علي رقم 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة امراض الذكورة وتاخر الانجاب والصحة الجنسية بطب القصر العيني.