ما هو علاج ضعف الانتصاب اثناء ممارسة العلاقة الزوجية؟
ضعف الانتصاب مرض طبيعي زي اي مرض ليه أسباب وليه طرق علاج ، لكن قبل ما ندور على العلاج ، لازم الأول نعرف سبب المشكلة اللي أدت للضعف ، لأن اوقات كثير بتكون المشكلة قدامنا لكن مش شايفنها ، أو بسبب الضغوطات اللي علينا ومشاكل الحياة بتخلينا نتجاهلها، وده بيؤدي في النهاية لنتيجة واحدة وهي ارتخاء العضو الذكري أثناء العلاقة الزوجية.
بس قبل ما نتكلم عن علاج ضعف الانتصاب اثناء الممارسة ، خلونا الاول نوضح ايه هو اصلا ضعف الانتصاب
في البداية لازم تكون عارف ان القضيب بيحتاج لكمية كبيرة من الدم علشان يحصل انتصاب ، لكن ضعف الانتصاب بيحصل نتيجة خلل في الأوعية الدموية اللي بتوصل الدم إلى القضيب، والخلل ده ياما بيكون بسبب ضعف في ضخ الدم إلى القضيب ، او ان مش بيتم الاحتفاظ بالدم داخل القضيب المدة الكافية لحد ما نخلص العلاقة الزوجية.
ودلوقتي تعالوا نعرف مع بعض ايه هي الاسباب اللي بتخلي العضو الذكري يحصل فيه ارتخاء وضعف أثناء العلاقة الزوجية:
زي ما قولنا قبل كدة ان ضعف الانتصاب ممكن يحصل لأسباب كثير، زي انها تكون أسباب عضوية تتعلق بالشخص نفسه ، أو أنها تكون أسباب نفسية بتحدث نتيجة خوف او توتر من العلاقة الزوجية.
أولاً: الأسباب العضوية
- الإصابة بمرض السكر، لأنه بيضعف الأعصاب وبيأثر على تدفق الدم للقضيب.
- أمراض القلب وتصلب الشرايين.
- اضطراب الهرمونات.
- التسرب الوريدي.
- ارتفاع ضغط الدم.
- السمنة المفرطة ، لأن الدهون الموجودة حوالين العضو الذكري بتمنع تدفق الدم للقضيب بشكل طبيعي.
- كسر في الحوض.
- الأمراض العصبية.
- التهاب أو تضخم في البروستاتا.
ثانياً: أسباب نفسية
- الاكتئاب.
- المشاكل والخلافات الزوجية.
- العادات الخاطئة ، زي مشاهدة الأفلام الإباحية.
- الخوف أو التوتر من الفشل أثناء العلاقة الزوجية.
- المعتقدات الثقافية الغلط في المجتمع.
ولو عايز تعرف ايه هي اعراض ضعف الانتصاب ، وامتي لازم ناخد خطوة العلاج ، اسمع الفيديو ده مع الدكتور اسامة البكل….
وبعد ما عرفنا الأسباب اللي بتؤدي إلى ضعف الانتصاب ، خلينا نجاوب على سؤالنا وهو علاج ضعف الانتصاب اثناء ممارسة العلاقة الزوجية
في البداية لازم تكون عارف ان علاج ضعف الانتصاب ليه طرق كتير جدا، واللي بيحدد الطريقة المناسبة هو الدكتور المتخصص بعد ما يشخص الحالة بشكل دقيق ويحدد السبب الرئيسي للضعف ، هل هو مشكلة عضوية أو قلة خبرة وثقة بالنفس في العلاقة الزوجية.
1/ لو كان السبب نفسي:
في الحالة دي العلاج هيكون سلوكي لمساعدة الشخص على تقليل الضغوط النفسية والتوتر اللي بيتعرض ليه.
2/ ولو كان السبب عضوي:
في الحالة دي لازم الاول نحدد سببه ايه علشان نبدا نعالجه ، ونحدد كمان ضعف الانتصاب عند الشخص واصل لاي درجة بالظبط ، لانه لو كان :
1/ درجة اولي : بمعني ان في مشكلة بسيطة في ضخ الدم ، وقتها هنمشي علي علاج دوائي علشان نزود بيه ضخ الدم في القضيب.
2/ ولو كان درجة ثانية : بمعني ان في خلل أكبر في الدورة الدموية ، وقتها العلاج هيكون بالحقن الموضعي ، وده بيكون عبارة عن ابرة انسولين رفيعة جدا بنحقنها في العضو الذكري ، بيكون جواها مواد منشطة عشان نزود بيها ضخ الدم جوا القضيب.
3/ لكن لو درجة ثالثة : بمعنى أن الخلل اللي في الدورة الدموية وصل ان بقي في تليف في القضيب ، وقتها العلاج الوحيد والأمثل هو تركيب الدعامة.
و ده لأن دعامة القضيب ليها مميزات كتير زي:
- بتساعد على انتصاب العضو الذكري بكفاءة عالية.
- بتحافظ على الانتصاب لفترة طويلة لحد انتهاء العلاقة الزوجية.
- واللي بيميزها عن أي علاج تاني، انها بتعالج مشكلة ضعف الانتصاب نهائيًا.
- ده غير ان مش شرط اللي يركبها يكون سن معين، وينفع اي شخص انه يركب دعامة العضو الذكري سواء شباب او في منتصف العمر أو حتى كبار السن.
ولو عايز تعرف امتي يكون تركيب دعامة العضو الذكري هي الحل الوحيد لعلاج ضعف الانتصاب ، اسمع الفيديو ده مع الدكتور اسامة البكل…
ودلوقتي تعالوا نعرف ايه هي أنواع دعامات القضيب :
1/ دعامة مرنة
- وبتكون عبارة عن معدن من السيليكون ، والمعدن ده هو اللي بيعمل الانتصاب للعضو الذكري ، و السيليكون هو اللي بيساعد الجسم أنه يتقبل الدعامة ويتعود عليها بسرعة.
- والدعامة دي أثناء العلاقة الزوجية بنرفع القضيب لفوق فتتفرد الدعامة ويحدث الانتصاب، وبعد ما بنخلص العلاقة الزوجية بنتني العضو الذكري لتحت، بالتالي الدعامة بتتني معاه.
- بتكون أقرب لحجم وشكل القضيب الطبيعي، وبتعمل عمل الانتصاب الطبيعي تمامًا.
- وفيها منها نوعين :
1/ دعامة هيدروليكية ثنائية: تتكون من الدعامة والمضخة.
2/ دعامة هيدروليكية ثلاثية: تتكون من 3 أجزاء:
- الدعامة: بتكون شبه البلونة وبتتركب في العضو الذكري نفسه وهي اللي بتكون مسؤولة عن الانتصاب.
- الخزان: يتم تركيبه في أسفل البطن ومش بيكون ظاهر ويحتوي على سائل يضخ في الدعامة عند الحاجة.
- المضخة: بتتركب في كيس الصفن، ووظيفتها أنها تطلع السائل من الخزان لما نضغط عليها وتضخه جوا الدعامة فيحصل انتصاب، وبعد ما بنخلص العلاقة الزوجية بندوس على الزرار اللي موجود في المضخة، فالسائل ده بيرجع تاني للخزان، فيحصل ارتخاء للعضو الذكري.
وفي النهاية، لازم تكون عارف ان ضعف الانتصاب مش هو البعبع اللي نخاف ونقلق منه، لازم الاول نفهم فين المشكلة ووقتها العلاج هيكون سهل، ومهم جدا انك تعرف ان العلاقة الزوجية زيها زي اللعبة بالظبط بيكون فيها تعاون بين الطرفين لان ده اللي بيخفف من التوتر في العلاقة وبيساعد بشكل كبير أن يحصل انتصاب قوي للعضو الذكري.
ولو محتاج تتواصل معانا وتفهم حالتك، تقدر تتواصل معانا على الرقم ده 01018874287 واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.