السائل المنوي

اى الفرق بين انعدام السائل المنوي وانعدام الحيوانات المنوية وامتى ممكن ميحصلش قذف

كتير من الناس بيتكسفوا يسألوا عن الأمور الجنسية، وبسبب نقص المعلومات والتردد في سؤال الأطباء المتخصصين، بنفهم حاجات كتير بشكل غلط ، عشان كده هنتكلم دلوقتي عن الفرق بين انعدام السائل المنوي أو عدم حدوث القذف وانعدام الحيوانات المنوية.

عشان كده فى الاول خلينا نعرف يعنى اى سائل منوى ، و اى هى الحيوانات المنوية

لان فى ناس كتير بتخلط بين الاثنين ،بين ان لما يحصل قذف ميخرجش سائل منوى اصلا او انه يخرج بس ميكنش فيه حيوانات منويه  ، عشان كده خلينى اوضحلك ان السائل المنوى غير الحيوانات المنويه

السائل المنوي ده عباره عن  إفراز طبيعي بتكونه البروستاتا والحويصلة المنوية، ووظيفته تسهيل خروج الحيوانات المنوية.

اما الحيوانات المنوية فدى بتنتج في الخصية ووظيفتها تخصيب البويضات عشان يتكون الجنين.

و ممكن جدا ان السائل المنوى يخرج وقت القذف و ميكونش فيه حيوانات منوية ، وده ليه اكتر من سبب

• اما ان فى مشكله فى الهرمونات اللى بتحفز الخصية على نها تنتج حيوانات منويه
• او ان فى مشكله فى الخصية نفسها مخليها مش قادره تنتج حيوانات منويه
• او ان الخصيه سليمة و فى حيوانات منويه ، بس فى مشكله فى القنوات المنويه اللى بيمشى فيها الحيوان المنوى من الخصية لحد ما يخرج مع السائل المنوى وقت القذف

و كده احنا عرفنا ازاى ممكن يخرج سائل منوى من غير حيوانات منوية

تعالوا بقى نعرف دلوقتى ليه ممكن ميحصلش قذف او ميخرجش سائل منوى وقت العلاقة الزوجية

بس عشان نفهم الاسباب كويس خلونا نقسمهم لحالتين

الحالة الاولى : ودى مش بيكون فيها مشكله فى ممارسه العلاقة الزوجيه ، بمعنى اننا بنقدر نوصل للنشوه الجنسية ، بس وقت القذف مش بيخرج سائل منوى ، وده ممكن يحصل لاسباب كتير زى

1. اننا عندنا نقص في هرمون الذكوره ، وده بيسبب ان كميه السائل المنوى اللى بتتفرز بتكون قليله
2. او ان ممكن يكون عندنا انسداد فى قناه اسمها القناة القاذفة ، وده هيمنع خروج السائل المنوي أو هيخرجة بس بكميات قليلة جدا .
3. اننا نكون بناخد أدوية لعلاج البروستاتا، وده  ممكن يأثر على عملية القذف.
4. اننا نكون عملنا عمليه استئصالنا فيها البروستاتا بالمنظار، ود ممكن يسببلنا مشكلتين:
5. اننا كده شيلنا البروستاتا اللي بتنتج جزء من السائل المنوي ، و ده هيخلى كميه السائل المنوى اللى بتطلع وقت القذف قليله .
6. اننا وسعنا فتح عنق المثانة و احنا بنستأصل البروستاتا ، وده هيخلي السائل المنوي يرجع للمثانة ويخرج مع البول بدل ما يخرج وقت القذف .

اما الحاله التانيه ،ودى بيكون فيها مشكله فى ممارسه العلاقة الزوجيه ، بمعنى اننا بنمارس العلاقة الزوجيه بس مش بنوصل للنشوه ، و ده السبب فى ان مبيحصلش قذف

• والحاله التانيه دى بيكون ليها اسباب كتير زى و عشان نفهمهم كويس خلونا نقسمهم 3 اسباب :

1. أسباب عضوية:
2. زى اننا يكون عندنا خلل أو نقص في هرمون الذكور
3. او ان يكون عندنا زياده فى نسبة هرمون البرولاكتين.
4. او ان يكون عندنا ضعف فى الانتصاب ، و اللى بسببه مش بنكون قادرين اننا نكمل العلاقه الزوجيه لحد ما نوصل للنشوه الجنسيه

• أسباب نفسية:
• زى اننا يكون عندنا حاجز نفسي من ممارسة العلاقة الجنسيه .
• او اننا نكون بنمارس العاده السريه بشكل كبير ، و ده بيكون سبب فى اننا منحسش بالنشوه الجنسيه فى العلاقة الزوجيه
• اننا نكون بنتفرج على افلام اباحيه ، ده بيخلينا نحط فى دمغنا صوره معينه للعلاقة ، و مواصفات معينه لشريكنا فيها ، و لما مش بنلاقى الصوره او المواصفات دى ، مش بنحس بالاثاره الجنسيه ، و بكده مش هنوصل للنشوه الجنسية
• او اننا نكون بنمارس العلاقة الزوجيه فى وقت احنا مضغوطين فيه نفسيا فده بيخلينى مش مستمتعين بالعلاقة الزوجة ، و ده بيخلينا منوصلش للنشوه الجنسيه .

• أسباب فى العلاقة الزوجية نفسها:
• زى انك مش بتحس بحتكاك العضوالذكري مع المهبل بالشكل اللى يخليك تحس بالاثاره الجنسيه ، وده ممكن يكون بسبب
• ان حجم العضو الذكري صغير
•  أو ان المهبل وسع بشكل كبير بسبب الولاده مثلا .

او ان يكون فى إفرازات كتيرة وقت العلاقة الجنسبة ، وده طبعا هيقلل الاحتكاك بين العضو الذكري والمهبل، و فى الحالة دى ممكن نحاول اننا نشيل الإفرازات دي ، و نبعد خالص عن اننا اى مواد تسهل الايلاج ، و كمان ممكن ننصح الزوجة انها تعمل تمرين اسمه تمرين كيجل ، ده هيقوي من عضلات الحوض وهيزود الاحتكاك بين المهبل و العضو الذكرى .

• و اخيرا لو الزوجة مش متفاعلة مع الزوج وقت العلاقة الجنسيه  ، ده بيكون سبب فى ان الزوج مش بيوصل للنشوة الجنسية .

فى النهاية لازم نفهم ان العلاقة الزوجية مش حاجة نتكسف منها ، اتناقش مع زوجتك فى كل تفاصيلها ، لو حسيت بمشكله فى العلاقة الزوجية متترددش ابدا فى انك تكشف و تشوف حل للمشكله اللى بتقابلك

و لو احتجت تتواصل معانا و نحجزلك معاد مع دكتور اسامه محمد البكل مدرس واستشاري طب وجراحة أمراض الذكوره وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287