هل تركيب دعامة القضيب بتاثر على العلاقة الزوجية؟

هل تركيب دعامة القضيب بتاثر على العلاقة الزوجية؟

ضعف الانتصاب أو الضعف الجنسي من أكثر المشاكل اللي بتواجه حوالي 20% من الرجال، وعلى قد ما ليه تاثير كبير جدا على نفسية الرجل، لأنه بيحسسه بالعجز والاكتئاب، إلا أن تأثيره بيكون اكبر على العلاقة الزوجية، وعلشان نحل المشكلة دي بنلجا إلى تركيب دعامة القضيب.

بس السؤال هنا بقى هل تركيب دعامة القضيب بتاثر على العلاقة الزوجية وعلى الإحساس بالمتعة؟ الاجابة طبعا لا، بس الاول خليني اوضحلك

ازاي بيحصل انتصاب للعضو الذكري؟

في البداية لازم تكون عارف ان الانتصاب الطبيعي بيحتاج إلى كمية مناسبة من الدم المتدفق الى العضو الذكري، وبيحتاج إلى قوة الاعصاب وارتخاء العضلات، وبيحتاج إلى رغبة جنسية، والي هرمون التستوستيرون، وبالتالي لو حصل أي خلل في المتطلبات دى هيؤدي إلى ضعف الانتصاب.

وهنا بتيجي دعامة القضيب كحل نهائي يساعد على انتصاب العضو الذكري زي الانتصاب الطبيعي بالظبط.

ودلوقتي تعالوا نعرف ايه هي مميزات دعامة القضيب؟

1/ الدعامة بتقضي بشكل نهائي على مشكلة ضعف الانتصاب:

من غير ما نلجأ لأي أدوية علاجية فترة طويلة.

2/ بتحافظ على استمرار انتصاب القضيب لفترة طويلة.

3/ بتناسب الاشخاص المصابين بالامراض المزمنة:

زي مرضي السكر والضغط.

4/ بعض الأدوية أو المنشطات الجنسية ممكن تسبب مضاعفات:

زي هبوط في الدورة الدموية أو مشاكل في الضغط، لكن الدعامة مش بتسبب اي مشاكل صحية للشخص.

5/ الأدوية أو المنشطات الجنسيه آثارها بيروح اول ما بنوقف استخدامهما:

لكن الدعامة آثارها مستمر بشكل دائم.

ولازم تكون عارف ان دعامة العضو الذكري نوعين:

1/ دعامة مرنة

2/ دعامة هيدروليكية

الدعامة المرنة:

هي عبارة عن قضيب من السليكون بداخله معدن هو اللي بيعطي السيليكون الصلابة والقوة، والسليكون مادة لا تتفاعل مع الجسم وده اللي بيخليه ميعملش اي تفاعل مع أنسجة القضيب، والدعامة المرنة أثناء العلاقة الزوجية بنرفع القضيب لفوق فتتفرد الدعامة ويحدث الانتصاب، وبعد ما بنخلص العلاقة الزوجية بنتني العضو الذكري لتحت، بالتالي الدعامة بتتني معاه.

الدعامة الهيدروليكية:

1/ بتكون قريبة لشكل وحجم العضو الذكري الطبيعي.

2/ وفي منها نوعين:

دعامة هيدروليكية ثنائية وتتكون من قطعتين الدعامة والمضخة.

دعامة هيدروليكية ثلاثية وتتكون من 3 قطع

1/ الدعامة:

وبتتركب في العضو الذكري نفسه وهي اللي بتكون مسؤولة عن الانتصاب

2/ الخزان:

بيتركب في البطن وبيكون جواه السائل اللي بيضخ في الدعامة ويخليها تنتصب.

3/ المضخة:

بتتركب في كيس الصفن، ووظيفتها أنها تطلع السائل من الخزان لما نضغط عليها وتضخه جوا الدعامة فيحصل انتصاب، وبعد ما بنخلص العلاقة الزوجية بندوس علي الزرار اللي موجود في المضخة، فالسائل ده يرجع تاني الى الخزان، فيحصل ارتخاء للعضو الذكري.

ودلوقتي تعالوا نعرف ازاي اصلا الدعامة دي بتتركب؟

لازم في الأول ناخد جرعة مضاد حيوي قبل العملية، عشان ميحصلش اي عدوى وقت تركيب الدعامة، لأن ده جسم غريب بنزرعه في العضو الذكري.

بعد كده بنبدأ بنطهر المكان اللي هنعمل فيه الجرح كويس، وبرضو علشان ميكونش عندنا أي فرصة لحدوث أي عدوى أو التهاب في الجرح.

بعدها بنعمل فتحة صغيرة في القضيب وبنبعد الأوردة والشرايين علشان نوصل للنسيج الكهفي ونزرع الدعامة، ولو كانت الدعامة مرنة، بيتم إدخالها من خلال شق جراحي أسفل رأس القضيب أو من خلال شق بين القضيب وكيس الصفن، أما الدعامة الهيدروليكية بيتم ادخالها من خلال شق واحد فقط، بندخل منه الدعامة و المضخة والخزان.

ولازم نتأكد كويس ان مقاس الدعامة مناسب لطول العضو الذكري لا أطول ولا أقصر، لأنه لو كانت:

أقصر: ده هيخلي رأس العضو الذكري مرتخية.

أطول: ده هيسبب ألم شديد للمريض وقت العلاقة الزوجية وممكن الدعامة تخرج بره رأس العضو الذكري.

وبعد ما خلاص ركبنا الدعامة في مكانها المظبوط، بنبدأ نقفل الجرح بخيوط تجميلية علشان ميكونش ليه أي أثر.

ولو عايز تعرف ايه هي الاجراءات اللي لازم تعملها قبل تركيب دعامة القضيب علشان ميحصلش اي التهابات أو عدوى بعد العملية، اسمع الفيديو ده مع الدكتور اسامة البكل……

نيجي بقي لاهم سؤال، هل تركيب دعامة القضيب بتاثر على العلاقة الزوجية او على الإحساس بالمتعة؟

في البداية لازم تكون عارف ان الراحة المنزلية بعد عملية تركيب دعامة القضيب بتاخد تقريبًا من 7 لـ 10 أيام، وبتقدر تمارس العلاقة الزوجية وتستخدم الدعامة بشكل طبيعي بعد ما بيكون عدي علي العملية من شهر لشهر ونص تقريبًا، علشان نتأكد أن جرح العملية و النسيج الكهفي تعافوا بشكل كامل، وبعض مرضى السكري ممكن يحتاجوا فترة أطول لإن التئام الجرح عندهم بيكون أبطأ.

ولازم تتاكد ان الدعامة مبيكونش ليها أي تأثير على الرغبة الجنسية ولا على الإحساس بالمتعة أو النشوة، لاننا اصلا مش بنيجى ناحية الاعصاب اللي بتكون مسؤولة عن الإحساس في العضو الذكري، لأننا بنركب الدعامة جوا النسيج الكهفي نفسه، وبكدة هنلاقي ان بعد تركيب دعامة القضيب ان في متعة ورغبة وكمان العلاقة الزوجية هتم بشكل طبيعي جدا اذا مكنش احسن كمان، ومش هيكون في اي تغير في الإحساس عند الزوج او الزوجة.

هل يتأثر الإحساس بالعلاقة الزوجية بعد تركيب الدعامة؟

مصادر الإحساس والاستمتاع بالعلاقة عند الرجل ثلاثة: الضفيرة العصبية، ورأس العضو الذكري، وجلد القضيب. أما الدعامة — المرنة أو الهيدروليكية — فتُركَّب داخل النسيج الكهفي، إما من خلال فتحة أسفل رأس القضيب أو من خلال فتحة بين القضيب وكيس الصفن؛ أي أن التركيب يبقى بعيدًا تمامًا عن مصادر الإحساس والاستمتاع. ويلتئم موضع شق الجلد خلال نحو شهر من العملية، ويظل الإحساس بالاستمتاع للمريض والزوجة كالانتصاب الطبيعي، ويبقى القذف طبيعيًا كما هو، ويظل الوصول إلى النشوة الجنسية لكلا الطرفين كما كان.

والاستثناء الوحيد: بعض مرضى السكري الذين لديهم أصلًا مشكلة عصبية فالإحساس عندهم متأثر في رأس العضو الذكري بسبب الاعتلال العصبي السكري نفسه، لا بسبب عملية تركيب الدعامة؛ فالتركيب في حد ذاته لا علاقة له بالإحساس ولا بالضفيرة العصبية.

خلاصة القول

في النهاية، لازم تكون عارف ان عملية تركيب دعامة القضيب عملية سهلة وبسيطة جدا، وتعتبر كمان من العمليات الناجحة واللي بتصل نسبة نجاحها الى 95%، وانها مش بتاثر خالص علي العلاقة الزوجية، بل بالعكس دي الدعامة بتحسن من قوة الانتصاب في العلاقة الزوجية، وبتخلي الزوج هو اللي متحكم في الانتصاب وفي الوقت اللي يحدده، والاهم انها بترجع له ثقته بنفسه وبتحسسه انه سوبر مان وقت العلاقة الزوجية.

ولو عايز تتابع معانا، تقدر تتواصل معانا علي الرقم ده 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.