هل الرياضة ورفع الأوزان الثقيلة تسبب دوالي الخصية؟

هل الرياضة ورفع الأوزان الثقيلة تسبب دوالي الخصية؟

دوالي الخصية هي تضخم في الأوردة المحيطة بالخصية داخل كيس الصفن، وارتجاع الدم تاني للخصية بدلا من تدفقه في اتجاه القلب، بيحدث نتيجة ضعف في صمامات الأوردة، وهذه الحالة تصيب حوالي 15% من الرجال نتيجة لأسباب وعوامل كثير من أهمها الوقوف المستمر وكذلك حمل الأشياء الثقيلة.

أسباب الإصابة بدوالي الخصية:

ودلوقتى خليني اقولك ايه هي اسباب الاصابة بدوالي الخصية:

1. ضعف الصمامات الوريدية:

1/ لأن دوالي الخصية لما بتيجي، بتيجي لأن الأوردة الموجودة في الخصية جواها صمامات بتكون وظيفتها انها تنظم تدفق الدم من الخصيتين الى القلب وتمنع عودة الدم تاني للخصية بعد ما بيكون ماشي في اتجاه القلب.

2/ فلو الصمامات دي ضعيفة نتيجة لعيب خلقي، ده هيؤدي الي رجوع الدم تاني للخصية ويفضل يتراكم جوا الأوردة ويعمل تضخم في الأوردة ويسبب الدوالي.

2. الوقوف لفترات طويلة:

1/ حيث إن الوقوف لفترات طويلة زي المهندس اللي واقف طول النهار في الموقع أو المدرس اللي بيقف وقت طويل يشرح للطلبة، دي ناس شغلهم بيحتم عليهم انهم يقفوا كثير جدا، او الرياضيين اللي بيمارسوا التمارين الرياضية الصعبة زي رفع الأوزان الكبيرة.

2/ دي كلها حاجات بتضغط على أوردة الخصية وخصوصا لو الشخص ده عنده اصلا ضعف خلقي في الانسجة الضامة او ضعف في الصمامات الوريدية، ده بيزود الإصابة بدوالي الخصية.

أعراض دوالي الخصية:

قد تمر دوالي الخصية دون أعراض في بدايتها، وقد تسبب ألمًا في الخصية يزيد مع الوقوف والمجهود، مع ثقل أو تورم في كيس الصفن. ولمعرفة الأعراض بالتفصيل وكيف تكتشف الدوالي، راجع الدليل الشامل: كيف تعرف أنك مصاب بدوالي الخصية؟

ولو عايز تعرف ازاي بنشخص الإصابة بدوالي الخصية، اسمع الفيديو ده مع الدكتور اسامة البكل….

الهدف من علاج دوالي الخصية:

وخلاص بعد ما عرفت أن الاعراض اللي عندك هي أعراض دوالي الخصية، مينفعش ابدا تهمل في علاجها، لان الاهمال في العلاج هيسبب لك مضاعفات كثيره جدا، بس الاول لازم تكون عارف ان الهدف من علاج دوالي الخصية هو:

1/ إيقاف تضخم الأوردة وعلاج الدوالي:

وده بيتم من خلال ربط الأوردة المتضخمة لمنع تدفق الدم بها وتحويل مساره إلى أوعية دموية أخرى سليمة.

2/ تحسين إنتاج الحيوانات المنوية:

لان عملية دوالي الخصية بتحسن من وظيفة الخصية في انتاج وتصنيع الحيوانات المنوية وبتعالج كمان نقص عدد الحيوانات المنوية وضعف الحركة وكذلك التشوهات وزيادة تكسير المادة الوراثية الموجودة في الحيوانات المنوية.

3/ علاج مشكلة تأخر الإنجاب:

لان في البداية لازم تكون عارف ان الخصية علشان تنتج حيوان منوي سليم يقدر انه يخصب البويضة ويكون جنين، لازم تكون درجة حرارة الخصية أقل من درجة حرارة الجسم بحوالي درجتين.

فوجود الدوالي وخاصة لو كانت من الدرجة الثانية أو الثالثة، هترفع من درجة حرارة الخصية، وبكدة الخصية مش هتنتج حيوانات منوية سليمة وبالتالي هيحصل تأخر في الإنجاب، ولكن عملية دوالي الخصية هتعالج مشكلة الانجاب عن طريق إنتاج الخصية حيوانات منوية سليمة قادرة على تخصيب البويضة وحدوث الحمل بصورة طبيعية.

الخلاصة

رفع الأوزان الثقيلة والوقوف لفترات طويلة لا يسببان دوالي الخصية وحدهما، لكنهما يزيدان الضغط على أوردة الخصية ويُسرعان ظهورها عند وجود ضعف في الصمامات أو الأنسجة الضامة؛ لذلك من يمارس هذه الأنشطة ويلاحظ أعراض الدوالي فليهمل الفحص، فالتشخيص المبكر يسهل العلاج ويحافظ على الخصوبة.