دعامة القضيب: خيار متقدم لعلاج ضعف الانتصاب

ليه دعامة القضيب افضل علاج لضعف الانتصاب؟

ضعف الانتصاب من اكثر المشاكل اللي بيعاني منها ملايين من الرجال حول العالم، وده غير طبعا التأثير السلبي اللي بيسببه في نفسية الرجل، لدرجة انه ممكن يصاب بالاكتئاب، ولكن في طرق كثير تقدر تعالج بيها ضعف الانتصاب من اول العلاج الدوائي والمنشطات الجنسية والحقن الموضعي، وصولا للحل النهائي والفعال وهو تركيب دعامة العضو الذكري.

ودلوقتي تعالوا نعرف مع بعض ايه هى اصلا دعامة القضيب:

في البداية لازم تكون عارف اننا بنلجا لتركيب دعامة القضيب بعد فشل العلاج بالادوية والحقن الموضعي، وبتكون عبارة عن جهاز طبي بيتزرع جوه العضو الذكري، وتحديدًا جوه النسيج الكهفي، وده الجزء المسؤول عن الانتصاب، ووظيفتها أنها تساعد على حدوث انتصاب صلب وكافي للعلاقة الزوجية، وأنها تدي إحساس طبيعي في الأداء والشكل، من غير ما تأثر على الإحساس أو القذف.

ودلوقتي خليني اجاوبك على سؤالك واقولك ليه دعامة القضيب افضل علاج لضعف الانتصاب:

1/ لأنها بتحقق انتصابًا كافيًا بإحصائيات مثبتة.

تتجاوز نسبة نجاح عملية تركيب دعامة القضيب 95%، وهي من أعلى نسب النجاح بين علاجات ضعف الانتصاب. ولمعرفة التفاصيل راجع: ما هي نسبة نجاح عملية تركيب دعامة القضيب؟

2/ ده غير انها بتعمل على استمرار انتصاب القضيب لفترة طويلة لحد ما نخلص العلاقة الزوجية.

3/ بتسمح لاي شخص انه يركب دعامة الانتصاب

سواء كان شاب او في منتصف العمر أو حتى كبير في السن بشرط يكون محتاجها، بل إن أصحاب الأمراض المزمنة زي السكر والضغط والقلب من الفئات التي تحتاجها أكثر لأن الأدوية قد لا تناسبهم. وللتفصيل راجع: هل دعامة الانتصاب تنفع لأصحاب الأمراض المزمنة؟

4/ بتقضي بشكل نهائي على مشكلة ضعف الانتصاب

من غير ما نضطر اننا نلجأ لعلاج دوائي فترات طويلة؛ فبعكس الأدوية والمنشطات التي يتوقف أثرها بمجرد إيقاف استخدامها وتحتمل مضاعفات زي هبوط الدورة الدموية أو مشاكل الضغط، الدعامة لا تعتمد على أي مادة دوائية. وللمقارنة التفصيلية راجع: الفرق بين المنشطات الجنسية ودعامة القضيب.

5/ لا تؤثر على الشكل الطبيعي أو الإحساس أو القذف

فالدعامة تُزرع داخل النسيج الكهفي بعيدًا عن الأعصاب المسؤولة عن الإحساس، فلا يتغير شكل أو حجم العضو الذكري، ويبقى الإحساس والقذف طبيعيين كما كانا.

وبعد ما عرفت ليه دعامة القضيب افضل علاج لضعف الانتصاب، لازم تكون عارف ان دعامة العضو الذكري نوعين:

1/ الدعامة المرنة:

وهي عبارة عن جهاز طبي بيتزرع جراحيًا داخل الجسم الكهفي للعضو الذكري، وبتكون مصنوعة من سيليكون طبي مرن من نوع خاص ومدعم بسلك معدني داخلي.

والسليكون مادة لا تتفاعل مع الجسم، بالتالي مش بيكون ليه اي ضرر علي أنسجة القضيب.

وأثناء العلاقة الزوجية بنرفع العضو الذكري لفوق، فالدعامة بتترفع معاه ويحدث الانتصاب، وبعد ما بنخلص العلاقة الزوجية بنتني العضو الذكري لتحت، فالدعامة بتتني معاه ويحصل ارتخاء.

والدعامة المرنة ليها كذا اصدار علشان تناسب مقاس كل عضو ذكري، زي:

• 1/ الدعامة rigicon الأمريكية.
• 2/ الدعامة coloplast الأمريكية.
• 3/ الدعامة promedon الارجنتينية.
• 4/ الدعامة tectra الأمريكية.

ولمعرفة مميزات وعيوب الدعامة المرنة بالتفصيل ومقارنتها بالهيدروليكية، راجع: الدعامة المرنة للقضيب: المميزات والعيوب والمقارنة بالهيدروليكية

2/ الدعامة الهيدروليكية:

بتكون اقرب لشكل وحجم العضو الذكري الطبيعي، وفي منها نوعين:

الدعامة الهيدروليكية الثنائية: وبتتكون من قطعتين، الدعامة والمضخة

الدعامة الهيدروليكية الثلاثية: وبتتكون من 3 قطع

• 1/ الدعامة: ودي بتتركب في العضو الذكري نفسه
• 2/ الخزان: وده بيتركب في اسفل البطن وبيكون فيه السائل اللي بيضخ في الدعامة.
• 3/ المضخة: ودي بتتركب في كيس الصفن ووظيفتها انها تطلع السائل من الخزان لما نضغط عليها وتضخه جوا الدعامة فيحصل الانتصاب، وبعد ما بنخلص العلاقة الزوجية بندوس علي الزرار اللي في المضخة، فالسائل ده بيرجع تاني للخزان فبيحصل ارتخاء للعضو الذكري.

ولو عايز تعرف ايه هي الحالات اللي مش هينفع تركب دعامة الانتصاب الهيدروليكية، اسمع الفيديو ده مع الدكتور اسامة البكل…

ولمعرفة خطوات عملية تركيب دعامة القضيب بالتفصيل — التحضير والخطوات نفسها والتعافي بعدها — راجع الدليل الشامل: ما هي خطوات عملية تركيب دعامة العضو الذكري؟

خلاصة القول

وفي النهاية، لازم تكون عارف ان دعامة العضو الذكري هي الحل النهائي والفعال والأمن للتخلص بشكل نهائي من مشكلة ضعف الانتصاب، لانها بتخليك قادر انك تحقق انتصاب طبيعي وقوي اثناء العلاقة الزوجية، ومش بس كده دي كمان بترجعلك ثقتك بنفسك وبتحسن من حياتك الزوجية، وده لأن نسبة نجاحها تصل الى 95%، ده غير طبعا حالات الرضا عند المرضى اللي ركبوا الدعامة، وكلامهم ان ده هيكون افضل حل ليهم لو جاتلهم الفرصة مرة ثانية.